FAA YÁKƐ KƆ́LƆI 3:3 - Kɛ́lɛ Niinaí

³ Faalɔ, a giséi fái sítii ma wú tí galangá ɛ́ɣɛ sítii wú mɛ́ninga. Wú híya ngáá tí ye wú vólu yáfe wú háá ỹɔítii mba. Ná wɔ́i ɣɛ́ ná ɣɛ́ni, nyá lɔ́ɔ vá vááma wú gɔ́ɔ́la mba h̃ú kíya nɔ́ɔ ŋúỹa w̃ɔ́ɔ́ aáva wɔ́i ɣɛ́ kɔ́lɔ táingi ngáá vá ma.

FAA YÁKƐ KƆ́LƆI 3:3 Iomraidhean Croise

MÁFIYU 25:13

Jísu i faanɛ́ɛ́ngi sí vólui ɣɛí, i ɣɛ ta, “Faalɔ, a w̃aah̃ú béle, sífaa wáá fóloi wɔlɔ́ ɔɔ táingi í fóloi ná h̃u sí Nuu Búsa Goo H̃ú Loí áá vá ma.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:33

Faalɔ, a giséi w̃a, wú w̃aah̃ú béle, sífaa wáá kɔ́lɔ mbéi hɔ́wɔi maa táingi áá foló ma.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:36

Ná ngáá gɔ́ɔ́la wú wá, ngálaa wú w̃áále nyii h̃u.

TƐSALÓNIKA HESENDAA GƆLƆÍ 5:2

sífaa, wá gíte wú súúwɔlɔ nɔ́ɔ ngáá Ndemɔí Jísu vaa gilíi gúlangɔɔ lé nɔ́ɔ ngáá kíya ŋuỹá w̃ɔ́i áá ɣɛ́a vá ŋúỹai wóma ngáá kpindíi wɔ́i ɣɛ́ faa wɔ́lɔ mba.

TÍMOTI HESENDAA GƆLƆÍ 6:20

Tímoti, sítii Ngalá ngí féa í yáá ngáá yááyaa ti ɣɛ, ti w̃ááh̃u béle ngáá pangɔ́. Léve njɛpɛí sítii pólu tɛi ɣɛ́ ngáá Ngala njɛ́pɛ aáva pele áá ti h̃u ɛ́ɣɛ tamál̃a mááɣaaliitii kɔwɔ́ato sí wa nungái ti lɛ́ingaa taá tóli ngáá kele ɣeléngi,

TÍMOTI GƆ́LƆI HELE KÉLEI 1:13

Ló tɔɔỹaá gálambongi sí w̃a ngí í gálangɔ la aáva í ɣɛ́ ngáá tɔmaseí ngáá yááyaa híya la. Ndangí ɛ́ɣɛ ndóngi a maá mááhɔlɔ kpahái wa a maa ɣɛ́ su Jísu Kílisitii wá, í ló í h̃u.

HÍBULU 2:1

Ná lɔ́ í kɛ́a kɛ a mú wóliɣɛ Ngalá kééla woí w̃a mú maahɔ́lɔngɔ tɔɔỹaá gálambo sú ngáá kɛinɔɔ́ a mɔ́ɔ́ va híɣe Ngala pélei wa.

PÍTƐ GƆ́LƆI HELE KÉLEI 1:13

Aá lɔ́ kí ma ngáá aá lɔ́ pele w̃a ngáá ngí ɣɛ́ ngáá wú gísitɛ nɔ́ɔ na fɔ́ ná nɔ́ɔ kái ngí ndɛɛh̃úi sí h̃ú nɔ́ɔ nɛ́nɛ,

PÍTƐ GƆ́LƆI HELE KÉLEI 3:1

Mu mbála vandáitii, ní gɔ́lɔi hele kélei lɔ́ náá ngíwaa pɔ́nɛ wú yéle. Kɛ́ félengɔ p̃ɛ́ɛ́ su hése keleí ɛ́ɣɛ fele kélei sí nyá lɔɔ́ yákpa gíte ngáá ngááyaa wú gísitɛ faí sítiini mba kɛinɔɔ́ fáa ỹɔ́u fíli álaa ɣɛ́ wú gísiyaitii su.

PÍTƐ GƆ́LƆI HELE KÉLEI 3:10

Kɛ́ aáva paa holói ná váálai gúlangɔɔ lé ngáá kíya ŋuỹá w̃ɔ́i í na nuu ɣɛ́i ɣɛ́ paa l̃áingi wɔ́lɔ ŋuỹá womái. Aáva ngeleí áá ỹɛɛl̃ɛ́ vóma woo wála h̃u, ngeleya kɔ́lingaitii pa taá w̃ɔ, ti ɣɛ kíli í ỹááni. Ndɔwɔlɔ́i sí vá ɛ́ɣɛ sí kpɛ́lɛɛ í su taá ỹaaní, tɛí mɔ́ɔ ɣɛ́ na.

FAA YÁKƐ KƆ́LƆI 16:15

Ndemɔí Jísu i ɣɛ ta, “A gindó su, nyáá ngáá vá kíya nɔ́ɔ́ ŋúỹa w̃ɔ́ɔ. Aa lɔ́ ngáá faa vánda nuu fíli mbɛ́ áá w̃ááhei wo ngí gúlaitii tí kpélaa ngáá ɛi li ngitíí ya ngáá w̃aaỹaaká ɔ́ɔ́ wúfe kpɔsú!”

FAA YÁKƐ KƆ́LƆI 2:25

Kɛ́ a ndi ngú ma ngáá wú lúva véle vándai sí wú kálanga í ló sú kpóloo ngí vá.

FAA YÁKƐ KƆ́LƆI 2:5

A gisíya ngáá kíya wú híɣenga wú lúva véle vándai wa. A vólu yáfe wú háá ỹɔítii mba, wú vóte sítii mba wú ɣɛ́ngɔ wáá kɛ́ hése. Ná wɔ́i ɣɛ́ vólu yáfei wú háá ỹɔítii mba, nyá lɔ́ɔ́ vá ngí wú ndá góóli lowaí yeɣé vóma.

FAA YÁKƐ KƆ́LƆI 22:7

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!

FAA YÁKƐ KƆ́LƆI 3:11

Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.

FAA YÁKƐ KƆ́LƆI 3:19

Nungáitii kínɛi ndóngɔ ngáá ti ye, tiyá lɔ́ ngáá tí háá ỹɔítii kɛ ngáá ti ye, ngí fáa bá ndá tí w̃a ti ɣɛ́ fááw̃a. Faalɔ, a ní hái yeɣé ngáá hɛmbɛ́, wú vólu yáfe wú háá ỹɔítii mba.

FAA YÁKƐ KƆ́LƆI 3:2

A yóɣe wú sápu ndɛɛh̃uu gúloi sí h̃u ndongɔ́i wú h̃ú ɔ́ɔ́ belé há pɔ́ pɔ́. Sífaa ngí ngá kpɛ́ kpɛ́nga ngáá kɛ sí wáá kɛ, maa w̃úỹangɔ láá le nɛ́nɛ fó fó Ngala ngááh̃u.