FAA YÁKƐ KƆ́LƆI 3:21 - Kɛ́lɛ Niinaí

²¹ Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.

FAA YÁKƐ KƆ́LƆI 3:21 Iomraidhean Croise

MÁFIYU 19:28

Kɛ Jísu i ɣɛa ti w̃a, “Ngí tɔ́ɔ́ỹai le wú w̃á, ná nuí síí w̃ɔ́i taa ɣɛ ma Nuu Búsa Goo H̃ú Loí áá ɣɛ́ ngi gáámaa w̃asandai h̃u ngetéya níínai h̃u áá vá kúna, wú púúngɔ wú w̃ááh̃uu félengɔitii wú pólu, wá bɛ́lɛ wáá ɣɛ́ masandáá h̃u, wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.

MÁFIYU 25:21

Kɛ ngi núu walaí i ɣɛa ma, ‘Yí kɛ́ngɔ ngwála, yá lɔ ngáá ngenge mɔ́ɔ́ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ su, faalɔ, nyáá ngáá ŋáni bih̃íw̃aa he í yáa ti ɣɛ́ í lóko h̃u. Vá, yí báha í núú walaí wa ngi góóh̃unɛi h̃u!’

MÁFIYU 28:18

Kɛ́ Jísu i vuuvaní ti béla, i ɣɛ ti w̃a, “Ngakpángi sí í ngelegóóh̃u ɛ́ɣɛ ngeleí sí wu, Ngala ngí ti hénga ngéya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:30

kɛinɔɔ́ a maa wúyeni a mú laaỹɛ́ ỹanda yílaa tééve yiláá má ní w̃ásandai h̃u. Ná vólu, wú ɣɛ́ masandáá h̃u wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.”

NJƆÚ 13:32

Ná náa áá ɣɛ́ kɛ́ni ngáá háwu nungáitii tí náá lɔ kíya Ngalá kaámaangɔ, Ngalá kpúte aa kɛ náá ngáá háwu nungáitii tí naa lɔ kíya Nuu Búsa Goo H̃ú Loí gáámaangɔ aáva Ngala tɔ vá kɛmá h̃umbuwa.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

TÍMOTI GƆ́LƆI HELE KÉLEI 2:12

Ná a maa ndí ngu ma ngáá ndiilɔlɔí, ngimɔ́ɔ́ nɔ́ɔ a máá ɣɛ́ masandáá h̃u aa maa Jísu. Ná a maa bééle mba, áá bɛlɛ́ áá beele mu wa.

FAA YÁKƐ KƆ́LƆI 1:6

Jísu i mɔɔ mu ɣɛ́a ngáá saáɣa gúla mbélaa ngi w̃ásandai h̃u ngáá maayáá yénge maá tiyéni ngi Yálangi yɛ́, lɛ́i í ngáá ngi Kɛ́ɛ́ɣɛ. Bɛlɛ́ Jísu Kílisitii laaw̃áá í lɛ́ ngakpá ngí ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.

FAA YÁKƐ KƆ́LƆI 17:14

Ngakpa súwai sí ɛ́ɣɛ ngí w̃ása púúngɔitii, tiyá lɔ́ vá ndapi vɛ́lɛma Mbaalaí wá. Kɛ́ Mbaalaí taa polú yélaitii tiyá lɔ́ɔ hómbo ngakpa súwai sí w̃a ɛ́ɣɛ polú yélaitii. Mbaalaí sí lɔ́ ngáá Ndemɔí nde mbélaitii kpɛ́lɛɛ fááw̃a ɛ́ɣɛ masa ngwálai masangáitii kpɛ́lɛɛ fááw̃a aáva polú yélaitii mbaa ngáá sítii Ngala ngí ti lolíngɔ, í lókolo tí wa aáva ti lɔwɔbáɣangɔ ngeyá.”

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 20:4

Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 20:6

Aá lɔ́ ngáá faa vánda sítii faaw̃a Ngalá ngáá vá ti yooɣéma sái h̃u hése. Tiyá lɔ́ na séɣe héɣe Ngala fááw̃a. Saí héle kélei ɛ́i mɔ́ɔ ti w̃áále. Taá ɣɛ́ náá ngáá saáɣa gula mbélaa Ngala mbɛ́ ɛ́ɣɛ Kílisitii ti mɔ́ɔ ɣɛ ngáa masangáá taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 5:10

Yí ti ɣɛngá ngáá saáɣa gula mbélaa í w̃ásandai h̃u ngáá tí yénge mu Yálangi yɛ. Ná vólu, tí ɣɛ ngáá masangáá ngeleí sí wu.”

FAA YÁKƐ KƆ́LƆI 6:2

Ná ngí wɔ́lɛni na, ngí sóó woléngi lɔ́ni lói. Soo woléngi sí híya mɔ́i kilángi ɛ́ɣɛ ndékpai i ɣɛi ngeyá, tí masa mbɔ́ɔ́lɔi he ngeyá. Soo woléngi sí híya mɔ́i gúlangɔ i ɣɛ́i lá ngáá wúluba ngi ndá áá ndó ma, i ɣɛi áá lí ngáá ngi ndá í ndóma múl̃ɔ kɔɔ h̃u.

FAA YÁKƐ KƆ́LƆI 7:17

bɔw̃álale Mbaalaí, í masa ngwálai bɔ́kpɔngi béla, aá lɔ́ɔ ɣɛ́ ngáá tí w̃ááh̃u béle mɔ́i. Laá lɔ́ ngáá ti w̃ááh̃u béle mɔ́i kíya nɔ́ɔ mbaala w̃ááh̃u bele mɔ́i í na. Aá pele ɣɛ ngáá ti ye áá lí í tó ndɛɛh̃u w̃ááhɔlɔ njɛ́i wa. Ngalá tɔ́ɔ vá ti yaah̃ú wɔ́lɔyɛi kpɛ́lɛɛ kpálema tí yaah̃ú.”