FAA YÁKƐ KƆ́LƆI 3:19 - Kɛ́lɛ Niinaí

¹⁹ Nungáitii kínɛi ndóngɔ ngáá ti ye, tiyá lɔ́ ngáá tí háá ỹɔítii kɛ ngáá ti ye, ngí fáa bá ndá tí w̃a ti ɣɛ́ fááw̃a. Faalɔ, a ní hái yeɣé ngáá hɛmbɛ́, wú vólu yáfe wú háá ỹɔítii mba.

FAA YÁKƐ KƆ́LƆI 3:19 Iomraidhean Croise

MÁFIYU 25:7

Kɛ nyah̃a bélangai nátii kpɛ́lɛɛ tí yóóɣenga nyíi h̃u, tí tí hɛ́fɛ lambongáitii kɛ kíli batɛ́, tí tí lo.

NJƆÚ 2:17

Kɛ́ Jísu volú yélai ti giséingɔ i ɣɛi lá sí w̃a í ngáá Ngala Kɔlɔ́ vɔnɛngɔ́i aáva tɔ ngáá sí, “Í vɛ́lɛi háa wala vilingɔ́ lé ndíí vólu, aa ɣɛ áá mɔ́ kíya kpéiŋ ngɔmbu í na.”

LÓÓMI 12:11

Wálaa yɔ́ njɔ́, kɛ́ láá ɣéle, wááyaa yénge ngwala ngáá lií kpɛ́lɛɛ Ndemɔí Ngála mbɛ.

KƆ́L̃E HESENDAA GƆLƆÍ 11:32

Kɛ́ Ndemɔí Ngala ngáá mu yeɣé ngáá faá mbá yélaa, í faa bá ndá mu w̃a kɛinɔɔ́ faa ba ngwálai íwaa vá lamá ngeleí sí wuu yélai ma, álaa lá a mu lɔ́ngɔ w̃a.

KƆ́L̃E GƆ́LƆI HELE KÉLEI 6:9

Taá ní wɔlɔ́ ngáá nuu fíli, kɛ́ ná fíli su, nuu kpɛ́lɛɛ tí ni wɔlɔ́. Niỹá lɔ nɔ́ɔ ngáá nuu háángɔ ɣɛ kíli, kɛ́ ná fíli su, niỹá lɔ ndɛɛh̃ú h̃u. Taá faa bá ndá ni w̃a, kɛ́ naá nɛ́ɛ́ haaní.

KƆ́L̃E GƆ́LƆI HELE KÉLEI 7:11

Kɛ́ tɔ lɛ́ɛ sí Ngala ngí kɛ́ngɔ ngáá wú w̃ááw̃aanui. Wú w̃ááw̃aanumai i kɛ́a ngáá háwu wú lɔ́wɔbaɣangɔ í ɣɛ́ la wúwaa yákpa ngáá wú ngákɛ ngáá wáá faa ỹɔ́u ɣɛ́ngɔ. Wú lííyaw̃al̃angɔ i ɣɛ́ngɔ la, wáá lúwa. I kɛ́a wú lóngɔ wú tɔ́ ngwala. Wú gúlangɔ kɛlɛma fó fóndei Ngála mbɛ́, wú w̃ááhei wongɔɔ ngwala ngáá núi í faa ỹɔ́i ɣɛngɔ́ wú faa bá nda ma. Faí sí kpɛ́lɛɛ i ngakɛ́a ngáá kɛ faa fíli aa wú wá fái sí h̃u.

GALÉSIYA 4:18

Aá ɣéle maanɛ́ɛ́ngɔɔ lé nuu í bɛ́ndɛ ngáá í ye ngwala h̃íí ná faa vánda hááw̃a. Ngimɔ́ɔ́ kulé í ma wú ɣɛ́ na hɔ́wɔ fíli, álaa ɣɛ́ nɔ́ɔ ngáá kɛ ngáá ɣɛ wú lóów̃a.

TÁITƆ 2:14

I lɛɛh̃úi gúlangɔ kɛ́lɛma mu haáw̃a ngáá í mu w̃ááɣawo faa ỹɔ́itii kpɛ́lɛɛ ngéya ɛ́ɣɛ í mú háá ỹɔítii ngúya mu w̃a fó, mu ɣɛ́ ngáá nungáá taá ɣɛ́ faaw̃a nɔ́ɔ ɛ́ɣɛ mu ɣɛ́ kíli batɛ́ngɔ í ɣɛ́ lá faa vánda ɣɛ́ fááw̃a.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

FAA YÁKƐ KƆ́LƆI 2:5

A gisíya ngáá kíya wú híɣenga wú lúva véle vándai wa. A vólu yáfe wú háá ỹɔítii mba, wú vóte sítii mba wú ɣɛ́ngɔ wáá kɛ́ hése. Ná wɔ́i ɣɛ́ vólu yáfei wú háá ỹɔítii mba, nyá lɔ́ɔ́ vá ngí wú ndá góóli lowaí yeɣé vóma.