FAA YÁKƐ KƆ́LƆI 3:17 - Kɛ́lɛ Niinaí

¹⁷ Wá lɔ́ɔ ndé ngáá wú bátɛngɔɔ lé, wú lííheingɔ. Kɛ́ wáá kɔ́lɔ kíya wú w̃ááw̃aanungɔ. Wú ỹááningɔɔ lé, wú wólengɔ ɛ́ɣɛ wú w̃ááỹaaka.

FAA YÁKƐ KƆ́LƆI 3:17 Iomraidhean Croise

MÁFIYU 5:3

“Nungái sítii tí kɔ́lɔ ngáá faa vánda fíli aa ti h̃u Ngalá ngaah̃ú, aa lɔ́ ngáá faa vánda ti haáw̃a, sífaa Ngalángi w̃ásandai lɔ́ ti haáw̃a.

MÁFIYU 9:12

Kɛ́ Jísu i ti woo ỹɛ́nini, kɛ i ti woo yápotenga, i ɣɛ ti w̃a, “Sítii ti luwú h̃u wúyangɔ, ti beɣéngɔ ɛi ɣɛ lá salé gúla mɔ́ɔ́ w̃a, kɛ nɔ́ɔ sítii ti héébengɔ, tiyá lɔ ti beɣéngɔ áá ɣɛ́ lá salé gúla mɔ́ɔ́ w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:53

Sítii pa ti bálangɔ í ɣɛ́ngɔ la ŋani w̃a, i ti yaá lááheinga ngáá ŋani vandá vándaitii, kɛ́ í kpatɛ yélaitii tɔve ngáá ti yaá ỹááka.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:24

Jísu í mɔ́ɔ́ ɣɛ ta, “Wɛ́i wú bátɛngɔi sí h̃úi, suu lɔɔ vá ɣɛ́ma ỹɔ́u wú w̃á ngwala, sífaa wú wú yápɔpɔngi w̃aahɔ́lɔnga náa.

LÓÓMI 11:20

Kíya bɛ́lɛ gíte ná í ngáá tɔɔỹaá kɛ́ aa vá tí tí levéni gíte sífaa nda ngáá ɣɛ́i ti h̃u. Wáá vá wá lɔ́ háá toow̃ái sí sífaa wú lángɔɔ lé ngáá Ngalá. Kɛ́ aáva wálaa lii ɣɛ́ wɔ́ɔ́lɔ, kɛ́ laá ɣéle, ndúwa í ɣɛ́ wú h̃ú.

LÓÓMI 11:25

Mu mbála Yalá fɛ́li mbélai, wɛ́i wáá ngáá Júsua bɛlɛ́ ngí ndɔ́ɔ́wu h̃ú hái sí yákɛ ngáá wú ye kpál̃au kɛinɔɔ́ suuwɔɔlɔ́ ɔ́ɔ́ víli wú w̃a sí hááw̃a wú kɔlɔ́. Maa hái wáá ngáá, Ngalá ngí kɛ́a ngáá háwu Ísulɔ yeláitii ti lɛ́ingaa ti ɣɛ́ ngáá ngoli h̃u bɔlɔ mbélaa aáva tiyá lɔɔ ló h̃íí kpóloo í ló su sítii taa ngáá Júsua, ti l̃ɔ́ingi kule í ma ti ɣɛ́ ngáá Ngala fɛ́li mbélaa í kúlaɣɛ su.

LÓÓMI 12:3

Ngálangi háá bɔwɔ walaí w̃áá véle w̃á í ngaah̃ú ɣɛ́a ngáá ngé, ngí ngátɔa mba ngáá ngí ndé wú w̃a ngáá kíya núi fíli áá ɣɛ́ na. Maa w̃ɔ́i gísiya álaa ngandɛ́i, ɔ́ɔ́ ngí háá lɛ́nga ɔ́ɔ́ lɔ́ve kɛ kíli wa. Kɛ́ láá ɣéle, ndangí l̃ɔ́ingi Ngalá ngáá kɛ́ ngáá háwu nuu fíli í mááhɔlɔ, laá lɔ́ áá lókola ma í bɔ́wɔ yéɣe ngáá ele wáá ngáá laá.

LÓÓMI 7:24

Kɛ ná ná áá ɣɛ́, nyá lɔ́ɔ ngáá nuu ndííỹaaningɔ pilangɔ kp̃óu. Ele lɔ náá áá mááwalo faa ỹɔ́u ɣɛ́ ndiivó kɛ w̃ɔni mɔningí sí yáá í má ngáá kule ngáá ngi saa w̃ááhɔlɔ?

PÍTƐ GƆ́LƆI HELE KÉLEI 1:9

Kɛ́ nuí fíli faí sítiini tɛi ɣɛ́ su, maa w̃ɔ́i gúlangɔɔ lé ngáa nuí sí ɛí ỹánda lɔ́ góóh̃ama, mbolengɔ́ vóto, ná vólu, ndeew̃angɔ́ɔ́ lé ngáá ngí háá ỹɔí kpɛ́lɛɛ ti ɣɛ́i ma, ti wúyangɔɔ lé naá ma fó.

FAA YÁKƐ KƆ́LƆI 16:15

Ndemɔí Jísu i ɣɛ ta, “A gindó su, nyáá ngáá vá kíya nɔ́ɔ́ ŋúỹa w̃ɔ́ɔ. Aa lɔ́ ngáá faa vánda nuu fíli mbɛ́ áá w̃ááhei wo ngí gúlaitii tí kpélaa ngáá ɛi li ngitíí ya ngáá w̃aaỹaaká ɔ́ɔ́ wúfe kpɔsú!”

FAA YÁKƐ KƆ́LƆI 2:9

Ngí wú w̃áánɔw̃ɔitii suuwɔlɔ́. Ngí súúwɔlɔ ngáá kɛ wú ỹááningɔɔ lé. Kɛ́ ngí kítei lé wú w̃á, wú bátɛngɔɔ lé! Faa ỹɔ́i sí kínɛi sítii taá bɔ́wɔ gúla ngáá Júsua kɛ́ táa ngáá Júsua tí ndéngɔ wú hááw̃a, ngí súúwɔlɔ. Tiyá lɔ́ ngáá Setána hitɛ polú yelaa!

FAA YÁKƐ KƆ́LƆI 3:16

Kɛ́ sífaa wáá lói kɔwɔ́ yíla nga, nyá lɔ́ɔ vá wú vílima kíya nuu áá laayɛ́ víli!