FAA YÁKƐ KƆ́LƆI 3:15 - Kɛ́lɛ Niinaí

¹⁵ Ngí súúwɔlɔ kíya wú ná. Wɔ́i ní hái yeɣé ngáá hɛmbɛ́ wáá vá wɔ́i lókogula su. Ɔ́ɔ́ ɣɛ́ ngáá ndíívo fáá ná wáá ngéɣe ngáá hɛmbɛ́ ɔɔ ná ná láá lé, wú lókogula su.

FAA YÁKƐ KƆ́LƆI 3:15 Iomraidhean Croise

MÁFIYU 10:37

Nuí fíli áá ló ngáá ngi kɛ́ɛ́ɣɛ ɔɔ ngi njéé í lɔ́ve mbá, maa w̃ɔ́i ɛi ɣɛ kulaɣɛí ngáá ɔ́ɔ́ ɣɛ́ ngáá pólu w̃ɔ́ɔ. Nuí fíli áá ló ngáá ngi h̃íỹɛndou loí ɔɔ ngi ỹáh̃alou loí í lɔ́ve mbá, maa w̃ɔ́i ɛi ɣɛ kulaɣɛí ngáá ɔ́ɔ́ ɣɛ́ ngáá pólu w̃ɔ́ɔ́.

MÁFIYU 24:12

Aáva sífaa, nyaamái ya ngáá vá ɣɛ́ma nɔ́ɔ áá ɣɛ́ wɔ́ɔ́lɔ kélei ndongí áá ɣɛ́ nungáitii su, aa ɣɛ́ gulo kw̃ɛ́ɛ́.

MÁFIYU 6:24

Jísu í mɔ́ɔ́ ɣɛ ta, “Nuu fíli ɛi yénge masa félengɔ yɛ́ ngáá maa tɔ́iŋngɔ. Sífaa aa hilí ngáá ngiláángi, í ló ngáá pekaí, ɔɔ aa bɔwɔ́ gúla kɛlɛ́ma ngiláángi yɛ́, í híli ngáá pekaí. Nuu ɛ́i yénge maa tɔ́iŋngɔ kpéiŋ Ngalá mbɛ́ táá naholói.

LÓÓMI 12:11

Wálaa yɔ́ njɔ́, kɛ́ láá ɣéle, wááyaa yénge ngwala ngáá lií kpɛ́lɛɛ Ndemɔí Ngála mbɛ.

KƆ́L̃E HESENDAA GƆLƆÍ 16:22

Nuí fíli ɛ́i ɣɛ́ lói ngáá Ndemɔí Jísu, Ngalángi háá bamaí í ɣɛ́ maa w̃ɔ́i w̃a. A mu Lemɔ́i Jísu, vá!

KƆ́L̃E GƆ́LƆI HELE KÉLEI 12:20

Maa gísiya lɔ́ má ngáá ná ngáá vá tɛingaa ngɛ́i wú w̃áále wɔ́ɔ́ ɣɛ́ kíya ndóngɔ wú ɣɛ́ na, aáva wɔ́i tɔ́ ngɔ́ɔ́ ɣɛ́ kíya wú lóngɔ ngí ɣɛ́ na. Nyá lɔɔ gisíya ngáá ná ngáá vá, ngáá kpɔɔlɔ́ w̃áále wú lííwaa ɛ́ɣɛ tolóma ɛ́ɣɛ ndiibandí ɛ́ɣɛ maalií ɛ́ɣɛ ngɛɛlí ɛ́ɣɛ njɛpɛ mba ɛ́ɣɛ ndiiwɔɔlɔ́ ɛ́ɣɛ ngoo ya fahá.

FÉLEPA 1:9

Sí va tɔ í ngáá ní Yála fɛli ngói wú hááw̃a ngáá wú lóngi h̃uu í ɣɛ́ wɔ́ɔ́lɔ ngwala nungáá vékaa haaw̃a kɛinɔɔ́ wú ɣɛ́ tɔɔỹái wɔlɔ́, ná vólu, wú ɣɛ́ fáitii ngéɣe kíli wɔlɔ́.

TƐSALÓNIKA GƆ́LƆI HELE KÉLEI 1:3

Mu mbála Yalá fɛ́li mbélai, kule lɔ nɔ́ɔ ni w̃a ni ɣɛ́ fɔ́ naa sɛ́ɣɛɛ gula Ngalá má wú hááw̃a. Aá lɔ́ pele w̃a ngáá ni ná ɣɛ́ bɔw̃álale, ndangí í wú h̃u Ngalá fááw̃a suu lɔɔ ɣɛ́ nɔ́ɔ wɔ́ɔ́lɔ. Ndongí vá í wú yíla ngílangi fíli su nungáá vékaitii faaw̃a nga tɔ́ɔ ɣɛ́ nɔ́ɔ wɔ́ɔ́lɔ kélei.

JIMISÍ 1:8

sífaa maa w̃ɔ́i gi mái yakɔ́lɛngɔ áá ɣɛ́ láma ki mái hákangɔ faa kpɛ́lɛɛ sú áá kɛ.

PÍTƐ HESENDAA GƆLƆÍ 1:22

Ná naá wú gólongɔ Ngalá mbɛ wúwaa híya ngáá tɔɔỹaá gééla wói, ná lɔ náa i kɛ́a wú w̃ááw̃uỹangɔ fó faa ỹɔ́i yaá, ná vólu, i mɔɔ kɛ́a wú lóngɔ ngáá wú mbála Yalá fɛ́li mbélaitii ngáá tɔɔỹaá. Faale, ná naá maa hái í h̃íí na, a ló ngáá ỹɔw̃ɔ́ ỹɔ́w̃ɔ ngáá lií kpɛ́lɛɛ álaa ɣɛ́ nɔ́ɔ ngáá wɔ́ɔ́ ndá yaah̃ú.

FAA YÁKƐ KƆ́LƆI 2:2

Ngí súúwɔlɔ sí kpɛ́lɛɛ wú kɛ́a. Ngí súúwɔlɔ kíya wú yéngenga ɛ́ɣɛ ndiibángi sí kínɛi wú ngéɣenga. Ngí súúwɔlɔ ngáá kɛ wɛ́i ló nyaama yélaa volu. Aáva wú sítii suugɔvɔ́nga táa ɣɛ́ ta tiyá lɔ́ ngáá Ngalángi géélaa kɛ́ aa ngáá tɔɔỹáá, aáva wú ɣɛ́a náa súuwɔlɔ ngáá kɛ tiyá lɔ́ ngáá ndɛɛ yélaa.

FAA YÁKƐ KƆ́LƆI 2:4

Kɛ́ sí lɔ́ ngáá wú báálɛ hóu su. Wáá mɔ́ɔ́ loí ngáá ngé kíya wú ɣɛ́ngɔ lói ngáá ngé hése.

FAA YÁKƐ KƆ́LƆI 3:1

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Sadé tái h̃u. ‘Sí lɔ́ í ngáá keela wói áa gúla síí w̃ɔ́i yaá Ngalángi ỹína ngɔ́felangɔitii ɛ́ɣɛ temúleɣa ngɔ́felangɔitii ti ngéya. Ngí súúwɔlɔ sí wúwaa kɛ. Aá lɔ́ núngaa gí ma ngáá kɛ wá lɔ́ ndɛɛh̃uu h̃ú, kɛ́ wú háángɔɔ lé.

FAA YÁKƐ KƆ́LƆI 3:16

Kɛ́ sífaa wáá lói kɔwɔ́ yíla nga, nyá lɔ́ɔ vá wú vílima kíya nuu áá laayɛ́ víli!