FAA YÁKƐ KƆ́LƆI 3:11 - Kɛ́lɛ Niinaí

¹¹ Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.

FAA YÁKƐ KƆ́LƆI 3:11 Iomraidhean Croise

KƆ́L̃E HESENDAA GƆLƆÍ 9:25

Sí fíli áá ɣɛ́ ngáá maaỹangi maaɣaalí ná h̃u, nuí yíla ngílangi fíli áá ɣɛ́ maa w̃ááɣaali ná wa, aa luw̃á ma ngáá faa fíli í lá ma í kɛ kíli bátɛ kɛinɔɔ́ í maa w̃ááỹangi ná w̃aahɔ́lɔ, kíya bɛ́lɛ maa w̃ááỹangi ná ɛ́i lɛ́mbi. Kɛ́ mu ndái sí múwaa maa yákpa mbo, ɛi ỹaaní kúnafɔ.

FÉLEPA 4:5

Wú lúva veléi w̃aanɛ́ɛ́ngɔ í ɣɛ́ la nuu kpɛ́lɛɛ ngááh̃u. Ndemɔí Jísu lɔɔ vá h̃úmbuwa.

TÍMOTI GƆ́LƆI HELE KÉLEI 2:5

Nuí fíli áá ɣɛ́ loí ngi ndái í ndo ma maaɣaalí haítii su táa ɣɛ́ táá kɛ, kɛ maa w̃ɔ́i í híya ngáá saváitii taa ɣɛ́ maaɣaalí hái ná wá.

TÍMOTI GƆ́LƆI HELE KÉLEI 4:8

Ná hááw̃a, Ngala ngí ní w̃aaỹángi yandɔ́ɔ́lɔngɔ, ná wáá ngáá, maaỹángi nuu áá mááhɔlɔ telembo pólu véle h̃u. Ndemɔí Jísu lɛ́i i ngáá Telembo Kɔ́sɔ Mɔ́i, áá fé ngéya Ngala Kɔsɔ́ Foloí w̃a ɛ́ɣɛ sítii kpɛ́lɛɛ ti yaah̃ú áá ɣɛ tuwɔ aáva ti góóh̃unɛɛngɔ ngáá paalaí.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

JIMISÍ 5:9

Faalɔ, mu mbála Yalá fɛ́li mbélai, a wálaa ɣɛ́ wáá ỹɔw̃ɔ́ ỹɔ́w̃ɔ baalɛ hóu. A waláa ná ɣɛ kɛinɔɔ́ Ngalá ngɔ́ɔ́ va wú gɔ́sɔ, sífaa kɔsɔ́ mbááleve mɔ́i lɔ náa naa bélaa.

FAA YÁKƐ KƆ́LƆI 1:3

Aá lɔ́ ngáá faa vánda nuí sí w̃ɔ́i hááw̃a áá kɔ́lɔi sí gála. Aá lɔ́ mɔ́ɔ ngáá faa vánda sítii faaw̃a taá wólilo Ngala ndaa háá lé mɔ́ɔ woo vili ngói sí w̃á tí híya ngáá sítii kínɛi pɔnɛngɔ́i kɔlɔí sí h̃u, bɔw̃álale kuí h̃úú áá mɔ́ɔ gooh̃á sítii tí lengɔ́i kɔlɔí sí h̃u táá vá ɣɛ́ma.

FAA YÁKƐ KƆ́LƆI 16:15

Ndemɔí Jísu i ɣɛ ta, “A gindó su, nyáá ngáá vá kíya nɔ́ɔ́ ŋúỹa w̃ɔ́ɔ. Aa lɔ́ ngáá faa vánda nuu fíli mbɛ́ áá w̃ááhei wo ngí gúlaitii tí kpélaa ngáá ɛi li ngitíí ya ngáá w̃aaỹaaká ɔ́ɔ́ wúfe kpɔsú!”

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:25

Kɛ́ a ndi ngú ma ngáá wú lúva véle vándai sí wú kálanga í ló sú kpóloo ngí vá.

FAA YÁKƐ KƆ́LƆI 22:12

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa! Nyáá ngáá vá ngáá maaỹángaitii aáva ngáá fé nuí fíli ngeyá kɔwɔ́ato sí wa áá ɣɛ́ kɛ́ni.

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.

FAA YÁKƐ KƆ́LƆI 22:7

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!

FAA YÁKƐ KƆ́LƆI 3:3

Faalɔ, a giséi fái sítii ma wú tí galangá ɛ́ɣɛ sítii wú mɛ́ninga. Wú híya ngáá tí ye wú vólu yáfe wú háá ỹɔítii mba. Ná wɔ́i ɣɛ́ ná ɣɛ́ni, nyá lɔ́ɔ vá vááma wú gɔ́ɔ́la mba h̃ú kíya nɔ́ɔ ŋúỹa w̃ɔ́ɔ́ aáva wɔ́i ɣɛ́ kɔ́lɔ táingi ngáá vá ma.

FAA YÁKƐ KƆ́LƆI 4:10

kele ɣéle mbélaa puú félengɔ maah̃úú nááningɔi nátii taá hítɛ wúmbu yá tíwaa síí w̃ɔ́i hɛ́li í héi masa kpɔ́kpɔngi h̃u, lɛ́i i ndɛɛh̃úi h̃u kúnafɔ taá ngí ndá gúnafɔ. Taá tí w̃ása mbɔ́ɔ́lɔitii kúla wú mba tí pú masa kpɔ́kpɔngi gakála, ti ɣɛ́ ta,

FAA YÁKƐ KƆ́LƆI 4:4

Masa kpɔ́kpɔ púú félengɔ maah̃úú nááningɔ i ɣɛí masa ngwálai bɔ́kpɔngi w̃ááyele mbélengɔ. Kele ɣelé mbélaa púú félengɔ maah̃úú nááningɔ ti ɣɛ́i héini ti h̃u. Ti w̃ááyilingɔ ngáá kula wolé, masa mbɔ́ɔ́lɔi kpatɛngɔ́ ngáá góóli í vɛ́lɛi tí wú mba.