FAA YÁKƐ KƆ́LƆI 3:10 - Kɛ́lɛ Niinaí

¹⁰ Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 3:10 Iomraidhean Croise

MÁFIYU 24:14

Aáva keela woó vándai sí kɔwɔ́ato Ngalángi w̃ásandai wa, pólu yélaitii taá ndé ỹandáitii kpɛ́lɛɛ ngeleí sí wu. Ná vá ngáá ɣɛ́ kɛinɔɔ́ nuu kpɛ́lɛɛ tí Ngála kééla woí ỹɛ́ni. Ná ná áá ɣɛ́, ngetéyangi aa vilá naá.”

MÁFIYU 26:41

A ló yaah̃ú húlu ya, wú Ngala fɛ́li ngáá suugɔ́vɔ fáá álaa wú w̃áále wɔ́ɔ́ kɛ, sífaa wú lií h̃u wáá ɣɛ́ loí wú sí ɣɛ́ áá ɣɛ́ péle w̃a, kɛ́ nduwú h̃ú aa gula wú wá.”

MÁFIYU 6:13

Yálaa kɛ ngáá háwu suugɔ́vɔ kpángɔ ɔ́ɔ́ vá ni yelé ɔ́ɔ́ kɛ nɔɔ́ faa ỹɔ́u ɣɛ, kɛ́ yí ní w̃ááh̃u béle Ngutuwɔ́ Ỹína Nyɔí yáá.’

Keela woó vándai Máa í pɔ́nɛni kɔwɔ́ato Jísu Kílisitii wa MÁI 14:9

Ngí tɔɔỹái le wú w̃á, mbéi fíli taá Ngalángi gééla woo vandaí lé ná ngeleí sí kpɛ́lɛɛ kpɛ́lɛɛ mbú, sí nyáh̃apoi sí í kɛ́a taá nde ti gindó fááw̃a laá su.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:1

Táingi ná h̃uu vá Njɔú léngɔ í ɣɛ́i náá la, Lóómi Lɔwɔlɔ́ W̃asa Ngwalaí sí tɔ́ɔ ɣɛ́ ma Ɔgɔ́sitɔ, i sava laní nungáitii ngeyá Lóómi lɔwɔlɔí ná h̃u ngáá tí laahéingitii pu kɔlɔ w̃a.

NJƆÚ 17:6

Jísu í mɔ́ɔ ɣɛ ta, “Ngí í hái yakɛ́nga kpál̃au ngáá sítii yí ti hengɔ́ ngéya ngeleí sí wu. Tí ɣɛ́ngɔ ngáá í ndá yí ti he ngéya aáva tí gólongɔ í gééla woí wu.

LÓÓMI 1:8

Maifɔ́lɔ mbáá ngáá, ngáá sɛ́ɣɛɛ gula Ngalá ma wú hááw̃a Jísu Kílisitii w̃áá véle w̃a bɔw̃álale, wú w̃áá woo híyangɔɔ lé hááli hááli ỹandá kpɛ́lɛɛ ndɔwɔlɔ́i sí h̃u kɔwɔ́ato wú lángi wa wú sú ngáá Jísu Kílisitii.

KƆ́L̃E HESENDAA GƆLƆÍ 10:13

Suugɔvɔ́ngi kínɛi áá vá wú yéle ngi h̃íí lɔ nɔ́ɔ áá vá nungáá vékaitii ngelé. Kɛ́ Ngalá ngaa ngi gúúlongi hítɛ nga ɛi luw̃áma suugɔvɔ́ ngɔ́ɔ́ vá wú yéle ngáá wú yákpangi ɛ́i hómbo nda. Táingi sí w̃a suugɔvɔ́ngi áá vá wú yéle, aa suubá fé wú yɛ́ wú liilɔ́lɔ nga aáva aa pele gúla kɛlɛ́ma wú yɛ ngáá wú gúla su.

Ɛ́FƐSƆ 6:13

Ná hááw̃a, sí Ngalángi í kulangɔ́ kɛ́lɛma wú yɛ́ ngáá kɔɔ wɔ nyáákaitii a ngeɣé kɛinɔɔ́ mbéi hɔ́wɔi fíli wú wááhilima w̃ɔ́ɔ́ áá láá lɛ́ wú wú ngáá ndapi wú hómbo wú ló ngáá pangɔ́ wú lápi la, wálaa kúla mbu mbɛ, kɛ́ laá ɣéle, wú ló loow̃aá.

TÍMOTI GƆ́LƆI HELE KÉLEI 2:12

Ná a maa ndí ngu ma ngáá ndiilɔlɔí, ngimɔ́ɔ́ nɔ́ɔ a máá ɣɛ́ masandáá h̃u aa maa Jísu. Ná a maa bééle mba, áá bɛlɛ́ áá beele mu wa.

JIMISÍ 3:12

Mu mbála Yalá fɛ́li mbélai, ɔ́levi ɛ́i wa féki wulúi ya kíya nɔ́ɔ féki ɛ́i wa gilépi bɔmbɔí ya. Aáva ngimɔ́ɔ́ nɔ́ɔ njɛ vandá ɛ́i gúla mbéi kpolo yɛ́ áá gúla na.

PÍTƐ HESENDAA GƆLƆÍ 4:12

Mu mbála vandáitii, álaa ɣɛ́ ngáá wú gɔ́ɔ́lamba h̃ú háa ná wááyaa nduwu ya fuulɛ́ w̃áánɔw̃ɔ yeɣé ngáá kɛinɔɔ́ Ngalá ngí wú lángi h̃úúgɔvɔ. Maa hái álaa gúla ngáá kíya nɔ́ɔ kɔ́ɔ́lamba h̃u haa áá ɣɛ́ ngáá nuu yé.

PÍTƐ GƆ́LƆI HELE KÉLEI 2:9

Faale, a mú náa lɔngá kíya nungái sítii taa ɣɛ́ Ndemɔí Ngala fááw̃a áá tí w̃ááɣawo ti háá bɔlundáitii su aáva kíya áá ɣɛ́ áá faa lá telembo tála yélaitii ma í ló su Ngala kɔ́sɔ mbaaléve fóloi í fóloma,

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 11:10

Nungáitii ti ngélewu, taá góóh̃unɛɛ nuu félengɔi sítii ti háá laí ná h̃u. Taá ɣɛ́ taa kóóh̃unɛɛ gúú wuya táá fembɛ wɔ́lingaa lɔve ỹɔw̃ɔ́ ỹɔ́w̃ɔ yéle. Sífaa Ngala ndáá háá lé mbéla félengɔi sítii tɔ́ ti ɣɛ́ngɔ táa faa báma walái lá ti w̃a.

FAA YÁKƐ KƆ́LƆI 13:10

Nuí fíli kpatɛngɔ́ ndaaw̃á ngáá tí sóu, kɛ tí sóu. Nuí fíli pá kpatɛngɔ́ ndaaw̃á ngáá kɛ í ló mbowá hɔ́kpɔ yá, kɛ í ló nga. Ngoí sí lɔ́ ná ngáá í kɛ ngáá háwu Ngalángi vóngaitii ndiilɔ́lɔngɔ í ɣɛ́ lá, ti lɔwɔbáɣangɔ í ɣɛ́ lá Ngála ngéya.”

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 14:12

Ngoí sí lɔ́ ná ngáá í kɛ́ ngáá háwu Ngalángi vóngaitii tiyɛ́i ti golongɔ́ ngí hávaitii mbu ɛ́ɣɛ ti lɔwɔbáɣangɔ í ɣɛ́ lá Jísu yaá tí liilɔ́lɔngɔ í ɣɛ́ la.

FAA YÁKƐ KƆ́LƆI 14:6

Kɛ ngí maléka véka lɔngá áa góvo ngeleí yá kélei. I ɣɛi áá kúnafɔ gééla woo vandaí lé nungáitii ma tí ngélei sí wú taá gúla híítii su bɛ́kpɛ tiyɛ́i taá híí woítii ndé bɛ́kpɛ ti gúlangɔ paatiitíí sú tí ndɔwɔlɔ́i kpɛ́lɛɛ sú.

FAA YÁKƐ KƆ́LƆI 16:14

Ỹína nyɔú sáángɔi sítii tɔ taa káámaa haítii kɛ. Tiyá lɔ́ɔ vá ndɔwɔlɔ w̃ásangaitii kpɛ́lɛɛ ngátɛma mba ngélei sí wu kɔɔ wɔ́ fááw̃a foló wálai ná w̃a Ngakpa Ngála Ngwalaí áá vá ngí yákpa ngwalaí yákɛma.

FAA YÁKƐ KƆ́LƆI 17:2

Ndɔwɔlɔ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Ngi gɔ́lɔsiyangi i ngélei sí wuu yélaitii sóunga kíya nɔ́ɔ́ ndɔɔ áá nuu hóu ti wú ngángi í vóte ti hítɛ polú.”

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 2:10

Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.

FAA YÁKƐ KƆ́LƆI 3:8

Ngí súúwɔlɔ sí wáá kɛ. Ngí súúwɔlɔ ngáá kɛ wú h̃úú áá nɛ́ɛ́ báni ngwála, kɛ́ ná fíli sú, wú hítɛngɔ ní gálambongi vólu ɛ́ɣɛ mɔ́ɔ́ wú lɔ́wɔbaɣangɔɔ lé ngéya. Ngí kó ndaawónga wú yɛ́ sí nuu fíli ɛ́i hómbo ɔ́ɔ́ kpɔ́lu.

FAA YÁKƐ KƆ́LƆI 6:10

Ti ɣɛ́i taá yɛ́pɛ woo wála h̃u, táa ɣɛ́ ta, “Ndemɔí Ngakpa Mɔ́ɔ́ Wálai, yɛ́i sí faa ỹɔ́u áá í h̃u aáva í lɔ́ɔ́ỹangɔ, kuí bɛ́ɛ́ lɔ́ áá fólo ma sítii tí ní váángɔ ngeléwu yɔ́ɔ́yaa tí waaléve ngáá táa vélei, yí fáá bá ndá tí w̃a?”

FAA YÁKƐ KƆ́LƆI 8:13

Kɛ ngí wɔ́lɛnga, ngí kóɣɛi lɔ́ áá góvo ngeleí yaá áá ndé woo wála h̃ú, áá ɣɛ́ ta, “Kpóó, kpóó, kpóó! Faa bámai í wɔ́ɔ́lɔ áá vá láma. Sí lɔ́ɔ ɣéle ɣɛ́ ngeleí sí wuu yélaitii ma, ná maléka sáángɔ vékaitii taá tí ndá búluitii fɛ.”