FAA YÁKƐ KƆ́LƆI 3:1 - Kɛ́lɛ Niinaí

¹ I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Sadé tái h̃u. ‘Sí lɔ́ í ngáá keela wói áa gúla síí w̃ɔ́i yaá Ngalángi ỹína ngɔ́felangɔitii ɛ́ɣɛ temúleɣa ngɔ́felangɔitii ti ngéya. Ngí súúwɔlɔ sí wúwaa kɛ. Aá lɔ́ núngaa gí ma ngáá kɛ wá lɔ́ ndɛɛh̃uu h̃ú, kɛ́ wú háángɔɔ lé.

FAA YÁKƐ KƆ́LƆI 3:1 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:24

Sífaa ní lói sí i ɣɛngɔ ɣɛi haaní kɛ́ i mɔɔ yangáimanga ndɛɛh̃ú h̃u, i ɣɛngɔ loní su kɛ́ aáva ngí mɔ́ɔ́ tɔngá.’ Faalɔ, ti pɛ́lɛi náa kooh̃unɛɛ wóma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:32

Kule í ɣɛ́ngɔ nɔ́ɔ mu w̃a ngáá a mú ndáaỹɛ ngwála wo, a mú gooh̃unɛ́ɛ, bɔw̃álale í ndéɣei sí i ɣɛngɔ haaní kɛ́ i mɔɔ vaá ndɛɛh̃ú h̃u volú, i ɣɛngɔ loní su kɛ́ aáva i mɔɔ lɔngá.’ ”

NJƆÚ 1:16

Maa haa bɔwɔ́i í ndiíh̃u laahéngɔ, i kɛ́a ngáá háwu a mú Ngalángi háá bɔwɔí sí w̃ááhɔlɔnga kɛɛlɛ́ ngáá mba.

NJƆÚ 1:33

Kɛ́ ná fíli su, ngáá ɣɛ́i ngáá va ɣɛ́ma kɔlɔ́, kɛ́ Ngalá lɛ́i í tɔ́vengɔ ngáá ngí ɣɛ ngáá nungái nguya ngáá njɛ, i ndení má, i ɣɛ ta, ‘Yá lɔ́ɔ vá Hɛ́ɛ́ma Ỹínangi lɔ́ma í yéi siỹɛndópo yiláá má aáva ɛi betéve mba. Nuí yáá tɔ ná áá ɣɛ́ la, kɛ maa w̃ɔ́i lɔ áá nungái nguya ngáá Hɛ́ɛ́ma Ỹínangi.’

NJƆÚ 20:22

Kɛ i laa hɛ́fɛngi vungá ti w̃a, i ɣɛ ti w̃a, “A Hɛ́ɛ́ma Ỹínangi w̃aahɔ́lɔ.

NJƆÚ 3:34

Sífaa lɛ́i Ngalá ngí tɔvengɔ́ Ngalá ndaa wóitii tɔ áá ndé. Laáva Ngalá ngi Hɛ́ɛ́ma Ỹínangi yákpangi kpɛ́lɛɛ féngɔ ngeyá.

TI GƐ́Ɛ́ HAÍTII 2:33

Ngalá ngí séinga ngufema ỹándai kpéla ngi w̃ásandai h̃u. I Hɛ́ɛ́ma Ỹínangi w̃ááhɔlɔnga áá gúla Kɛɛɣɛí Ngalá ngéya. Hɛ́ɛ́ma Ỹínangi sí vá tɔ́ Ngalá ngí maagúúlo mbongɔ́. Ná vólu, sí naá wú waa mɛni náa nde ɛ́ɣɛ sí wúwaa naa lɔ náa kɛ, maa Hɛ́ɛ́ma Ỹínangi lɔ náá í ní volú.

Ɛ́FƐSƆ 2:1

Ná wú ɣɛ́ngɔ ngoo ỹɛni tálai ɛ́ɣɛ faa ỹɔ́i h̃u Ngalá ngeyá, wú ɣɛ́ngɔ ɣɛi ngáá kíya nɔ́ɔ nuu háángɔ áá ɣɛ́ na Ngala ngááh̃u.

Ɛ́FƐSƆ 2:5

Ná mu ɣɛ́ngɔ ngáá kíya nuu háángɔ áá ɣɛ́ la kɔwɔ́ato ngoo ỹɛni tálai wa ɛ́ɣɛ faa ỹɔ́i wa mu ɣɛ́ngɔ maá kɛ ngáá Ngalá, Ngalá ngi kɛní ngáá háwu mu ndɛɛh̃u gítei w̃ááhɔlɔ Kílisitii w̃aa véle w̃a, ná í Jísu yoɣéni sái h̃u. Ngalángi háá bɔwɔí lɔ í mu wúmaawongɔ la.

KƆLƆ́SE 2:13

Wú ɣɛ́ngɔ ɣɛi kíya nɔ́ɔ nuu háángɔ í ná Ngala kákala, bɔw̃álale wú ɣɛ́ngɔ ngáá faa ỹɔ́u yélaa aáva wú wúmaawongɔ aa ɣɛi la nɛ́nɛ faa ỹɔ́i yaa. Kɛ́ Ngalá ngí kɛ́ni ngáá háwu Kílisitii í ndɛ́ɛ́h̃u gíte gúla kɛlɛ́ma wú yɛ́ í mú háá ỹɔítii kpɛ́lɛɛ súúhaalo.

TÍMOTI HESENDAA GƆLƆÍ 5:6

Kɛ́ ponỹah̃ái sí áá ɣɛ́ nɔ́ɔ beɣéi ndiivo kɛí hááw̃a, saangɔ́ vóto te kíya bɛ́lɛ áá ɣɛ́ ndɛɛh̃úi h̃u.

JIMISÍ 2:26

Kíya nɔ́ɔ ná nuu h̃úúyafuw̃angi ɛ́i ɣɛ́ nuu h̃u, kɛ í háángɔɔ lé, ngimɔ́ɔ́ ndangí yáá ɣɛ́ su ngáá Ngalá yɛ́i maah̃u háá ɣɛ́ni, nga ngɛ́i ɣɛ́ mba.

PÍTƐ HESENDAA GƆLƆÍ 1:11

Kílisitii Ỹínangi í ɣɛ́i tí vólu, laá lɔ́ í ɣɛ́i áá ngákɛ ngáá ti ye kíya Kílisitii w̃aa í ɣɛ́i áá vá nɔ́w̃ɔma. Ná ná vá ngɔ́ɔ́ gúla sú, ɔ́ɔ́ ngufema wála wála w̃aahɔ́lɔ náa. Faalɔ, ti ɣɛ́i taa nga kpɛ́ kpɛ́ ti ɣɛ́ kɔ́lɔ ngáá ele gíte lɔ́ í ɣɛ́i áá vá ɣɛ́ ma la ɛ́ɣɛ táingi í ɣɛ́i áá vá vááma ma.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:12

Ná wáá ɣɛ́ wáá wú Yála fɛ́li ndááỹɛngi wo, nungái sítii kulangɔ́ɔ́ lé ngáá ỹandáá bɔíŋngɔ áá ɣɛ́ la wú lááỹɛ mbo máa. Tɛí gísiya ngáá nungáá vékaa kulo bɛ́lɛ, ti wúfe talángɔɔ lé. Ti beɣéngɔɔ lé nɔ́ɔ ngáá bɔwɔ. Ti gúlangɔɔ lé nɔ́ɔ ngáá njɛ bilíí fɛfɛngí áá ɣɛ́ áá maa lúkpe, kɛ́ ɛi wa. Ti gúlangɔɔ lé ngáá ngulúitii tɛ́i wá ti wa sɔ́wɔi ɔ́ɔ́ bɔ́ɔ́ folo ma. Ti gúlangɔɔ lé múl̃ɔ ngáá ngulúitii taa ti vulúkula í báha ti hápei kpɛ́lɛɛ mbá tí há pɔ́.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 1:16

Temúleɣa ngɔ́felangɔ i ɣɛi hóuni ngísa lokói ya. Aáva mbowá hɔ́kpɔ yándiili ndái i mba féle i gúlai ndá. Ngaah̃úi i ɣɛi áá hólo kíya nɔ́ɔ foló yákpangɔ hólo.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:19

Ngí súúwɔlɔ sí kpɛ́lɛɛ wú kɛ́a. Ngí wú lóngi h̃úúwɔlɔ ɛ́ɣɛ tɔ́wɔbaɣai wú sú ngáá ngé taá wú yéngengi ɛ́ɣɛ mɔ́ɔ wú lííbangi. Ngí súúwɔlɔ ngáá kɛ sí wáá kɛ sí h̃úi tɔvengɔ́ɔ́ lé sí w̃á wú ɣɛ́ngɔ wáá kɛ hése.

FAA YÁKƐ KƆ́LƆI 2:2

Ngí súúwɔlɔ sí kpɛ́lɛɛ wú kɛ́a. Ngí súúwɔlɔ kíya wú yéngenga ɛ́ɣɛ ndiibángi sí kínɛi wú ngéɣenga. Ngí súúwɔlɔ ngáá kɛ wɛ́i ló nyaama yélaa volu. Aáva wú sítii suugɔvɔ́nga táa ɣɛ́ ta tiyá lɔ́ ngáá Ngalángi géélaa kɛ́ aa ngáá tɔɔỹáá, aáva wú ɣɛ́a náa súuwɔlɔ ngáá kɛ tiyá lɔ́ ngáá ndɛɛ yélaa.

FAA YÁKƐ KƆ́LƆI 2:9

Ngí wú w̃áánɔw̃ɔitii suuwɔlɔ́. Ngí súúwɔlɔ ngáá kɛ wú ỹááningɔɔ lé. Kɛ́ ngí kítei lé wú w̃á, wú bátɛngɔɔ lé! Faa ỹɔ́i sí kínɛi sítii taá bɔ́wɔ gúla ngáá Júsua kɛ́ táa ngáá Júsua tí ndéngɔ wú hááw̃a, ngí súúwɔlɔ. Tiyá lɔ́ ngáá Setána hitɛ polú yelaa!

FAA YÁKƐ KƆ́LƆI 3:15

Ngí súúwɔlɔ kíya wú ná. Wɔ́i ní hái yeɣé ngáá hɛmbɛ́ wáá vá wɔ́i lókogula su. Ɔ́ɔ́ ɣɛ́ ngáá ndíívo fáá ná wáá ngéɣe ngáá hɛmbɛ́ ɔɔ ná ná láá lé, wú lókogula su.

FAA YÁKƐ KƆ́LƆI 3:2

A yóɣe wú sápu ndɛɛh̃uu gúloi sí h̃u ndongɔ́i wú h̃ú ɔ́ɔ́ belé há pɔ́ pɔ́. Sífaa ngí ngá kpɛ́ kpɛ́nga ngáá kɛ sí wáá kɛ, maa w̃úỹangɔ láá le nɛ́nɛ fó fó Ngala ngááh̃u.

FAA YÁKƐ KƆ́LƆI 3:8

Ngí súúwɔlɔ sí wáá kɛ. Ngí súúwɔlɔ ngáá kɛ wú h̃úú áá nɛ́ɛ́ báni ngwála, kɛ́ ná fíli sú, wú hítɛngɔ ní gálambongi vólu ɛ́ɣɛ mɔ́ɔ́ wú lɔ́wɔbaɣangɔɔ lé ngéya. Ngí kó ndaawónga wú yɛ́ sí nuu fíli ɛ́i hómbo ɔ́ɔ́ kpɔ́lu.

FAA YÁKƐ KƆ́LƆI 4:5

Mbéi masa ngwálai bɔ́kpɔngi sí í na, ngeleí i ɣɛí áá ɣɛ́ na míỹa míỹa, ngele bandɛ́i áá bɔ́ɔ́lɔ na, ngoí yángi w̃ɔ́nu na. Ngalí ngɔ́felangɔ i ɣɛi lóni masa ngwálai bɔ́kpɔngi gákala áá hó. Ngalí ngɔ́felangɔi nátii tɔ ti ngáá Ngalangí ỹína ngɔ́felangɔitii.

FAA YÁKƐ KƆ́LƆI 5:6

Kɛ ngí Mbáálai lɔ́nga í lóóni masa ngwálai bɔ́kpɔngi béla, maayéle mbélengɔ ngáá fulú wɔ́li nááningɔi ɛ́ɣɛ kele ɣelé mbélaitii, kulangɔ́ ngáá tí ɣɛ́i paaní pɔlɔ w̃a. Ndowói i ɣɛi Mbalaí sí wú mba wɔféla, ngaah̃úi i mba wɔféla. Ngaah̃úi nátii pa tɔ tí ngáá Ngalangí ỹína ngɔ́felangɔitii tí tí lɔ́vengɔ ngeleí sí wu kpɛ́lɛɛ.