FAA YÁKƐ KƆ́LƆI 22:7 - Kɛ́lɛ Niinaí

⁷ Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!

FAA YÁKƐ KƆ́LƆI 22:7 Iomraidhean Croise

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 1:3

Aá lɔ́ ngáá faa vánda nuí sí w̃ɔ́i hááw̃a áá kɔ́lɔi sí gála. Aá lɔ́ mɔ́ɔ ngáá faa vánda sítii faaw̃a taá wólilo Ngala ndaa háá lé mɔ́ɔ woo vili ngói sí w̃á tí híya ngáá sítii kínɛi pɔnɛngɔ́i kɔlɔí sí h̃u, bɔw̃álale kuí h̃úú áá mɔ́ɔ gooh̃á sítii tí lengɔ́i kɔlɔí sí h̃u táá vá ɣɛ́ma.

FAA YÁKƐ KƆ́LƆI 16:15

Ndemɔí Jísu i ɣɛ ta, “A gindó su, nyáá ngáá vá kíya nɔ́ɔ́ ŋúỹa w̃ɔ́ɔ. Aa lɔ́ ngáá faa vánda nuu fíli mbɛ́ áá w̃ááhei wo ngí gúlaitii tí kpélaa ngáá ɛi li ngitíí ya ngáá w̃aaỹaaká ɔ́ɔ́ wúfe kpɔsú!”

FAA YÁKƐ KƆ́LƆI 2:16

A vólu yáfe wú háá ỹɔítii mba! Ná wɔ́i ɣɛ́ ná ɣɛ́ni, nyá lɔ́ vá wú yéle h̃umbuwa ngí lápi ngáá nátii ngáá mbowá hɔ́kpɔi áá gúla ndá.

FAA YÁKƐ KƆ́LƆI 22:12

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa! Nyáá ngáá vá ngáá maaỹángaitii aáva ngáá fé nuí fíli ngeyá kɔwɔ́ato sí wa áá ɣɛ́ kɛ́ni.

FAA YÁKƐ KƆ́LƆI 22:18

Nyɛ́i ngí ngáá Njɔú, nyá ngáá ndaahí kpákpa mbo ngáá wú kpɛ́lɛɛ ngáá wɛ́i wáá Ngalá kééla woí sítii mɛ́ni tí kɔ́lɔi sí h̃u, nuí fíli áá tá báha Ngala ngói sítii mba tí kɔ́lɔi sí h̃u, faa bámai sítii pɔnɛngɔ́ kɔ́lɔi sí h̃u, Ngalá ngáá kpaha maa w̃ɔ́i háá bamaí wa.

FAA YÁKƐ KƆ́LƆI 22:19

Nuí fíli pá áá ta gúla Ngala ngói sítii mba ti kɔ́lɔi sí h̃u, Ngalá ngáá ta gúla hɛ́i sí wa í faaw̃a kɔlɔí sí h̃u, ná wáa ngáá, maa w̃ɔ́i ɛi ngulú wángi sí ta w̃ááhɔlɔ nuu áá ndɛ́ɛ́h̃u gítei w̃aahɔ́lɔ la. Ná vólu, ɛi li Hɛ́ɛ́ma Láá Wálai sí h̃u.

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.

FAA YÁKƐ KƆ́LƆI 22:21

Bɛlɛ́ Ndemɔí Jísu haa bɔwɔí í ɣɛ́ wú kpɛ́lɛɛ mbɛ́.

FAA YÁKƐ KƆ́LƆI 3:11

Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.

FAA YÁKƐ KƆ́LƆI 3:3

Faalɔ, a giséi fái sítii ma wú tí galangá ɛ́ɣɛ sítii wú mɛ́ninga. Wú híya ngáá tí ye wú vólu yáfe wú háá ỹɔítii mba. Ná wɔ́i ɣɛ́ ná ɣɛ́ni, nyá lɔ́ɔ vá vááma wú gɔ́ɔ́la mba h̃ú kíya nɔ́ɔ ŋúỹa w̃ɔ́ɔ́ aáva wɔ́i ɣɛ́ kɔ́lɔ táingi ngáá vá ma.