FAA YÁKƐ KƆ́LƆI 22:6 - Kɛ́lɛ Niinaí

⁶ Kɛ malékai i ɣɛa má, “Ngoí sítii kpɛ́lɛɛ yí mɛ́ningɔ tiyá lɔ́ ngáá tɔɔỹaá ɛ́ɣɛ tokolá ma wóo. Ndemɔí Ngála, lɛ́i í ngí Ỹínangi héngɔ laa háá lé mbélaitii ngeyá, í ngi w̃álekai lɔ́venga ngáá í ngákɛ ngáá ngi yénge mbélaitii sí kule í ma áá vá ɣɛ́ma h̃úmbuwa.”

FAA YÁKƐ KƆ́LƆI 22:6 Iomraidhean Croise

MÁFIYU 13:41

Nuí síí w̃ɔ́i taa ɣɛ́ ma Nuu Búsa Goo H̃ú Loí aa ngi w̃álekaitii tɔve, aáva sítii kpɛ́lɛɛ taá kɛ ngáá háwu nuu áá fáa ỹɔ́i ɣɛ ɛ́ɣɛ nungái sítii ti ngáá faa ỹɔ́u ɣɛ́ mbélai, taá tí gúla ngi w̃ásandai wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:70

I púni ngi hɛ́ɛ́ma láá háá le mbélaitii nda wɔ́lɔ ngáá sí í ndéni

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:16

Nguya Wó Mɔ́i Njɔú ɔ́ɔ́ ɣɛ́ p̃ɛ́ɛ́ í vá, savaí Ngalá ngí féni Muusé yaá, kule í ɣɛ́i ma nuu í gólo ti wu ɛ́ɣɛ Ngalá ndaa háá lé mbélaitii. Aáva í séi náa Njɔú váángɔi h̃uu w̃á, keela woó vándai aá lɔɔ lé aáva nungái kpɛ́lɛɛ pá tiyá lɔɔ́ yákpa ngáá ti lɛ́ Ngalángi w̃ásandai h̃u ngáá ngakpá.

TI GƐ́Ɛ́ HAÍTII 12:11

Kɛ Pítɛ i vaá h̃u, i ɣɛ ta, “Ngí kɔlɔ́ náa ngáá kɛ tɔɔỹáá kái kái té ngáá kɛ Ndemɔí Ngalá i ngi w̃álekai lɔ́vengɔ ngáá í vá, í mááwalo Hɛ́lɔdi yakpangí yaá ɛ́ɣɛ sí kínɛi Júsuaitii ti ɣɛ́ngɔ taá gisíya lá ngáá ti kɛ́ ngáá ngé.”

TI GƐ́Ɛ́ HAÍTII 3:18

Kɛ maa hái hítɛ gilíi lɔ ngáá sí nga Ngalá mbɛ, ngáá sí í ndení wɔ́lɔ laa háá lé mbélaitii kpɛ́lɛɛ ma ngáá kɛ ngi Lókolo Mbá W̃ɔ́i í w̃áánɔw̃ɔ.

LÓÓMI 1:2

Ngalá ngí maa gééla woo vandaí sí w̃aagúúlo mboní wɔ́lɔ kpɔ́lɔɔ kíya nɔ́ɔ Ngala ndaa háá lé mbélaitii tí pɔ́nɛngɔ Ngala Kɔ́lɔi h̃u.

KƆ́L̃E HESENDAA GƆLƆÍ 14:32

Nuí ngí ndá yénge tokoí áá ɣɛ́ ngáá Ngalá ndaa háá léndai, maa w̃ɔ́i lehé í ɣɛ́ maa yénge tókoi ná w̃á.

KƆ́L̃E HESENDAA GƆLƆÍ 7:29

Mu mbála Yalá fɛ́li mbélai, sí ngíwaa yɛ́pɛ mba aa wáá ngáá sí, Ndemɔí Jísu lɔɔ vá náa vaamá, aáva wú bɔ́ɔ́ ɣɛ́ kɛmbɛheí h̃u ɔɔ wɔ́i ɣɛ́ kɛmbɛheí h̃u, ná aa ngáá faa.

TƐSALÓNIKA GƆ́LƆI HELE KÉLEI 1:7

Aáva wɛ́i wúwaa w̃áánɔw̃ɔ, aa wú gúla wú w̃áánɔw̃ɔi h̃u niỹá bɛ́lɛ nɔ́ aa ni gúla ni w̃áánɔw̃ɔi h̃u. Aá lɔɔ vá sí ɣɛ́ma ná Ndemɔí Jísu áá gúla ngelegóóh̃u í va taá ngi w̃áleka yakpangɔ́ wálaitii ngɔmbu hó ngwálai h̃u.

HÍBULU 12:9

Sítii ti ngáá a mu kɛ́ɛ́ɣɛaitii tí ngélei sí wu taá maakɛ pánda vu mu h̃u aáva a maá wúfe ti w̃a kɛlaa Ngalá lɛ́i í ngáá mu Kɛ́ɛ́ɣɛi i ngelegóóh̃u, laá ɣéle p̃ɛ́ɛ́, kule lɔ́ ma a mu gúla kɛlɛ́ma mbɛ kɛinɔɔ́ mu ɣɛ́ ndɛɛh̃ú gítei h̃u.

PÍTƐ GƆ́LƆI HELE KÉLEI 1:21

sífaa, keela wói Ngalá ndaa háá lé mbélai tɔ́ɔ́ nde aa ɣɛi ngáá ti wúmaa wóó, ná waa ngáá, sí ɔ́ɔ́ nɛ́ɛ́ ti yɛ ngáá tí nde, kɛ́ Hɛ́ɛ́ma Ỹínangi lɔ ɔ́ɔ́ maa yélai sítii nguto táá Ngalá ndaa wói nátii nde.

PÍTƐ GƆ́LƆI HELE KÉLEI 3:2

Kɛ́ ndóngɔ gíte lé wú gísei faí sítiini ma Ngalángi hɛ́ɛ́ma láa háá le mbélai tí ndéni, ná vólu, wú ɣɛ́ wáá giséi sí w̃a Ndemɔí Jísu lɛ́i mɔ́ɔ í ngáá mu Wúmaawo Mɔ́i í ndéni, niỹɛ́i ni ngáá ngí gééla hiya mbélaitii ni vái ní ndéni wú w̃a.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 18:20

A gooh̃unɛ́ɛ́ wɛ́i kínɛi wú ngelegóóh̃u, bɔw̃álale Babél̃ɔ i wolóa. A gooh̃unɛ́ɛ́ wɛ́i wú ngáá Ngalángi vóngaitii, ɛ́ɣɛ Ngalángi géélaitii í báha Ngalá ndáá háá lé mbélaitii mba. Faa ỹɔ́i í kɛ́ngɔ ngáá wú ye, Ngala ngí pelé lálanga aáva maa háá bamaí lɔ́ Ngalá ngáá nda ma.

FAA YÁKƐ KƆ́LƆI 19:9

Kɛ malékai i ɣɛa má, “Sí vɔ́nɛ. ‘Aá lɔ́ ngáá faa vánda sítii faaw̃a tí tí lolínga Mbáálai ỹáh̃a wɔlí kuí w̃a.’ ” Kɛ i mɔ́ɔ ɣɛa má, “Ngoí sítii tiyá lɔ́ɔ ngáá tɔɔỹaá gééla woo áá gúla Ngalá ngéya.”

FAA YÁKƐ KƆ́LƆI 21:5

Kɛ Ngalá lɛ́i í héini masa ngwálai bɔ́kpɔngi ya, i ɣɛa ta, “Nyá ngáá ŋani kpɛ́lɛɛ kpátɛ ngáá ngi níína.” Kɛ i ɣɛ́a má, “Ngoí sítii ngáá nde ti vɔ́nɛ bɔw̃álale tiyá lɔ́ ngáá tɔɔỹaá ɛ́ɣɛ tókola ma wóó.”

FAA YÁKƐ KƆ́LƆI 21:9

Kɛ maléka ngɔ́felangɔi ngapúmaa haa bama ngɔfelangɔi í ɣɛ́i páningi h̃u suulaahéngɔ tí yaá, ngilángi i vaá ngéle, i ɣɛ má, “Vá, ngí Mbáálai Ỹáh̃a Niinaí ɣɛ́ ngáá í yé áá vá wálama ngeyá.”

FAA YÁKƐ KƆ́LƆI 22:1

Malékai í mɔ́ɔ ndɛɛh̃ú w̃ááhɔlɔ njɛ́ wálai ɣɛ́i ngáá ngé ngaséɣengɔ kpál̃au kíya nɔ́ɔ mɛl̃ɛ mɛl̃ɛ í na. Njɛí sí i ɣɛi áá gúla mbéi Ngála ɛ́ɣɛ Mbaalaí ti w̃ása kpɔkpɔngí í na.

FAA YÁKƐ KƆ́LƆI 22:16

Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”

FAA YÁKƐ KƆ́LƆI 22:7

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!

FAA YÁKƐ KƆ́LƆI 4:1

Ná ná í gúlani su, ngí wɔ́lɛni ngí kó tɔ́ ndaawóngɔ ngelegóóh̃u. Ngoí sí ngí mɛ́ni hése kulangɔ́ ngáá búlu wóó ngí mɔ́ɔ mɛniní, i ɣɛ má, “Vá mbéi ngeleí yá. Nyá lɔ́ɔ vá kɛ́ma ngáá í yé sí kúle í ma í ɣɛ́ ná sí áá gúla su.”