FAA YÁKƐ KƆ́LƆI 22:3 - Kɛ́lɛ Niinaí

³ Sí fíli pá Ngala péle ngáá ɣɛ́ mba, ɛi li taa walái ná h̃u. Ngalá ɛ́ɣɛ Mbáálai ti w̃ása kpɔkpɔngí aa ɣɛ taa walái ná h̃u aáva sítii ti ngáá Ngalángi yénge mbélaitii, taá ɣɛ́ taá fɛ́li na.

FAA YÁKƐ KƆ́LƆI 22:3 Iomraidhean Croise

MÁFIYU 25:21

Kɛ ngi núu walaí i ɣɛa ma, ‘Yí kɛ́ngɔ ngwála, yá lɔ ngáá ngenge mɔ́ɔ́ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ su, faalɔ, nyáá ngáá ŋáni bih̃íw̃aa he í yáa ti ɣɛ́ í lóko h̃u. Vá, yí báha í núú walaí wa ngi góóh̃unɛi h̃u!’

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

NJƆÚ 12:26

Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”

NJƆÚ 13:32

Ná náa áá ɣɛ́ kɛ́ni ngáá háwu nungáitii tí náá lɔ kíya Ngalá kaámaangɔ, Ngalá kpúte aa kɛ náá ngáá háwu nungáitii tí naa lɔ kíya Nuu Búsa Goo H̃ú Loí gáámaangɔ aáva Ngala tɔ vá kɛmá h̃umbuwa.

NJƆÚ 14:3

Aáva ná ngáá ɣɛ́ lii, ngí ỹandá ɣɛ kíli batɛ́ wú yɛ, ngáá mɔ́ɔ yangáima náá ngáá ngí wú yéɣe wú ɣɛ́ ndóów̃a. Mbéi fíli pá ngáá ɣɛ́ na, naa lɔ náá wá bɛ́lɛ wáá ɣɛ́ na.

NJƆÚ 17:24

Kɛɛɣɛ́, ndóngɔɔ lé pólu yélai sítii yí ti hengɔ́ ngéya ti ɣɛ́ mbéi ngí na, kɛinɔɔ́ ti ní wúfema walaí lɔ, ngufema wálai sí í héngɔ mbɛ́ sífaa, yí lóngɔ ngáá ngé p̃ɛ́ɛ́ ngetéyangi ɔ́ɔ́ ɣɛ́a batɛ́.

FAA YÁKƐ KƆ́LƆI 7:10

Tí ɣɛ́i taá wóó gúla, táá ɣɛ́ ta, “Mu Yálangi lɛ́i í héini masa ngwálai bɔ́kpɔngi ya ɛ́ɣɛ Mbaálai tiyá lɔ́ ngumaawóngi áá gúla ti yaá!”

FAA YÁKƐ KƆ́LƆI 7:9

Ná sí í gúlani su, ngí wɔ́lɛni ngí faŋaí lɔ sí nuu fíli ɛ́i belé hómbo ɔ́ɔ́ ti báɣa. Tiyá lɔ́ bɛ́kpɛ tí gúlani paatiitíí su tí ndɔwɔlɔ́i kpɛ́lɛɛ su ɛ́ɣɛ híítii su taa ti laawóitii ndé ngeléi sí wu. Faŋaí í ɣɛi vúúni masa ngwálai bɔ́kpɔngi ɛ́ɣɛ Mbaalaí gakála. Tí w̃ááyilingɔ ngáá jobgo kólengaitii, ndɔɔ laɣái í hói tí yaá.