FAA YÁKƐ KƆ́LƆI 22:16 - Kɛ́lɛ Niinaí

¹⁶ Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”

FAA YÁKƐ KƆ́LƆI 22:16 Iomraidhean Croise

MÁFIYU 1:1

Jísu Kílisitii léngi lɔ́lɔndai lɔ ngáá sí. Lébilah̃auni ngaa Masangí Deevéni tɔ ti ɣɛ́i ngáá ngi káwalani wɔ́lɔ.

MÁFIYU 2:2

tí mɔ́ɔ́ningi wó, ti ɣɛ́ ta, “Míl̃inda lɔ ndoúlalai sí í na, í ngáá Júsuai ti w̃ásangi tí ndénga? Ní ndendái w̃aa woo híya témuleɣai lɔ́ngɔ ngeleí yá foló gúla veléi h̃uu véle. Ní váánga ngáá ní ngufema hé mbɛ.”

MÁFIYU 22:42

“Bɛɛ́ lɔ í wú gí ma kɔwɔ́ato Ngalángi Lókolo Mbá W̃ɔ́i wa?” Tí ngoo yápoteni, ti ɣɛ́ ma, “Masangí Deevé láála loí le.”

MÁFIYU 22:45

Kɛ Jísu i ɣɛa ta, “Kɛ́ ná Deevé bútei áá Ngalángi Lókolo Mbá W̃ɔ́i lóli ngáá Ndémɔi, kɛ aa ɣele ɣɛ naa ngáá Deevé láála lóu?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:78

bɔw̃álale Ngalá ndií h̃ú laahéngɔɔ lé ngáá ngi ló ngááh̃u w̃aaw̃aanúi. Faalɔ, ngumaawóngi aa va mu w̃ááh̃u aa gula ngelegóóh̃u kíya nɔ́ɔ foló hólongi í na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:44

Jísu í mɔ́ɔ ɣɛ ta, “Ná Deevé bútei áá Ngalángi Lókolo Mbá W̃ɔ́i lóli ngáá Ndémɔi, kɛ aa ɣele ɣɛ́ náa ngáá Deevé láála lóu?”

LÓÓMI 15:12

Sí vá tɔ múl̃ɔ Ngalá ndaa háá lé mɔ́i Aisáya í ndéni, i ɣɛi ta, “Nuu tá lɔɔ vá gúlama Jɛɛ́se lé kpambíi h̃u. Áa ɣɛ́ nungái sítii mááh̃u taa ngáá Júsua ngáá masa ngwála aáva taá gíto mba.”

LÓÓMI 9:5

Ti káwalani ti ɣɛ́i wɔ́lɔ ngáá nuu yánguyangɔni Ngalá ngááh̃u. Ti káwalai sítii tɔ nɔ́ɔ mɔ́ɔ́ ti ɣɛ́i ngáá Kílisitii káwalani nuu busá gákai w̃aa vele w̃a. Bɛlɛ́ Ngalá lɛ́i í fáá kpɛ́lɛɛ mááh̃u ngáá masa, ndaaw̃áá í lɛ́ kúnafɔ taá ngí ndá gúnafɔ! Amíína.

PÍTƐ GƆ́LƆI HELE KÉLEI 1:19

Faale, aá ɣéle ni langɔ́ɔ́ lé naá p̃ɛ́ɛ́ ngwala ngáá keela woí Ngalá ndaa háá lé mbélaitii tí ndéni wɔ́lɔ. Aáva aa ɣɛ́ gíte pele w̃a ngwala ngáá ná wɔ́lii wáa wólilo maa gééla woí w̃a kíya nɔ́ɔ nuu áá hítɛ lámbo fo polú kpíndi h̃u. A ná ɣɛ́ í ló su kpóloo ngele niinái í wo, ná vólu, Jísu Kílisitii lɛ́i kulangɔ́ ngáá ngelesú lémuleɣai í hólo wú w̃a.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.

FAA YÁKƐ KƆ́LƆI 2:11

Nuí faá ỹɛ́ni ngói áá ɣɛ́ í wú mbá, kɛ wólilo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, sái hele kélei ɛi mɔɔ wú w̃áále ná wáá ngáá, tɛí mɔ́ɔ lo wú vílima ngɔmbu hó ngwalaí ya.’ ”

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 22:1

Malékai í mɔ́ɔ ndɛɛh̃ú w̃ááhɔlɔ njɛ́ wálai ɣɛ́i ngáá ngé ngaséɣengɔ kpál̃au kíya nɔ́ɔ mɛl̃ɛ mɛl̃ɛ í na. Njɛí sí i ɣɛi áá gúla mbéi Ngála ɛ́ɣɛ Mbaalaí ti w̃ása kpɔkpɔngí í na.

FAA YÁKƐ KƆ́LƆI 22:11

Bɛlɛ́ nuí fíli í ngáá nyaama w̃ɔ́ɔ́, í ndí ngu ma ngáá ngi ỹááma gulandái. Nuí fíli pá í ngáá njɔlɔ w̃ɔ́ɔ́, í ndí ngu ma ngáá ngi yɔ́lɔ gulandái. Nuí vá í ngáá faa vánda ɣɛ́ mɔ́ɔ, í ndí ngu ma ngáá ngi háá vanda ɣɛndái ɛ́ɣɛ nuí sí vá kulangɔ́ áá ɣɛ́ la kɛlɛ́ma Ngalá mbɛ, í ndí ngu ma h̃íí na.”

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.

FAA YÁKƐ KƆ́LƆI 22:6

Kɛ malékai i ɣɛa má, “Ngoí sítii kpɛ́lɛɛ yí mɛ́ningɔ tiyá lɔ́ ngáá tɔɔỹaá ɛ́ɣɛ tokolá ma wóo. Ndemɔí Ngála, lɛ́i í ngí Ỹínangi héngɔ laa háá lé mbélaitii ngeyá, í ngi w̃álekai lɔ́venga ngáá í ngákɛ ngáá ngi yénge mbélaitii sí kule í ma áá vá ɣɛ́ma h̃úmbuwa.”

FAA YÁKƐ KƆ́LƆI 3:13

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma!’ ”

FAA YÁKƐ KƆ́LƆI 3:22

Nuí fáa ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma!’ ”

FAA YÁKƐ KƆ́LƆI 3:6

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndá Ngala fɛ́li mbélaitii ma!’ ”

FAA YÁKƐ KƆ́LƆI 5:5

Kɛ́ kele ɣelé mbélai nátii ti tá yíla i ɣɛi má, “Yaa wɔ́lɔ. Wɔlɛ! Nuí síí w̃ɔ́i taá ɣɛ́ma Njalaí í ngáá nde kpambii sí h̃úu w̃ɔ́ɔ taá ɣɛ́ ma Júda, i náá Masangí Deevé Láála Loí ta ngakpa mɔ́ɔ́ walaí, ngi ndái í ndónga ma. Faalɔ, aa hómbo í tokovo ngɔ́felangɔi w̃ááleve í kɔ́lɔi laawó.”