FAA YÁKƐ KƆ́LƆI 22:11 - Kɛ́lɛ Niinaí

¹¹ Bɛlɛ́ nuí fíli í ngáá nyaama w̃ɔ́ɔ́, í ndí ngu ma ngáá ngi ỹááma gulandái. Nuí fíli pá í ngáá njɔlɔ w̃ɔ́ɔ́, í ndí ngu ma ngáá ngi yɔ́lɔ gulandái. Nuí vá í ngáá faa vánda ɣɛ́ mɔ́ɔ, í ndí ngu ma ngáá ngi háá vanda ɣɛndái ɛ́ɣɛ nuí sí vá kulangɔ́ áá ɣɛ́ la kɛlɛ́ma Ngalá mbɛ, í ndí ngu ma h̃íí na.”

FAA YÁKƐ KƆ́LƆI 22:11 Iomraidhean Croise

MÁFIYU 15:14

A waa béɣe ngáá Falósiaitii, tiyá lɔ ngáá mbole yeláa ɣɛ kíli, táa pele ɣɛ ngáá mbole yeláá. Mbole w̃ɔ́i va ná áá ngi mbála wole w̃ɔ́i lokohóu ngáá í péle ɣɛ lá, ti félengɔ taá víli ndowá h̃u.”

MÁFIYU 21:19

Kɛ i nguluí tá lɔ́a peleí béla taá tóli ngáá féki wuluí, í lí na, kɛ́ aa ngi wá tɔ́i nga kɛ léi ngandáɣaitii. Kɛ Jísu i ɣɛa féki wuluí w̃a, “Kúnafɔ yɛ́i mɔ́ɔ wa!” Ngamá nɔ́ɔ, féki wuluí í yé.

MÁFIYU 25:10

Kɛ́ ná tamál̃a mbélai nátii ti ɣɛ́i taa lí ngulɔ́i tá yaáma, tí loí nɔ́ɔ liimá, nyah̃á wɔ́li mɔ́i í vá. Sɛmbɛ héi yélai nátii pa ti w̃ááhei wóngɔ í ɣɛ́i lá, ti báhai nyah̃á wɔ́li mɔ́i wa, tí lɛ́ nyah̃á wɔlí kótai wu nyah̃á wɔlí kúi w̃a, pɛlɛ́i va ndaa í bɔ́lu.

MÁFIYU 5:45

Ná lɔ́ áá kɛ wáá ɣɛ́ ngáá Ngala ndéngaitii lɛ́i í ngáá wú Kɛ́ɛ́ɣɛ í ngelegóóh̃u, sífaa Ngalá tɔ́ áá kɛ ngi hóloi í hólo tuva velé vánda yélaitii ɛ́ɣɛ tuva velé ỹɔ́u yeláitii ma tɔ́iŋ kpéiŋ. Ná vólu, aa njɛí wa tɔ́iŋ kpéiŋ sítii mbɛ taá faa vánda ɣɛ ɛ́ɣɛ sítii mbɛ taá faa ỹɔ́u ỹɔ́ungi ɣɛ.

MÁFIYU 5:6

Nungái sítii ti liivó fáá wálai i ngáá tí híya ngáá Ngala sávai i lɔ́ve faa kpɛ́lɛɛ mbá, aá lɔ ngáá faa vánda ti haáw̃a, sífaa Ngalá tɔ́ɔ vá ti liivó fáitii kpɛ́lɛɛ kɛ́ma ti yɛ.

NJƆÚ 8:21

Jísu i mɔɔ ndení ti w̃a, i ɣɛ ta, “Nyá lɔ́ va liimá. Wáá ɣɛ́ wáá kɔ́li aáva wá lɔɔ vá haamá wú háá ỹɔítii su. Mbéinda vá ngíwaa lí na, wɔ́i lí na.”

Ɛ́FƐSƆ 5:27

ngáá ti ɣɛ́ váni, faa ỹɔ́u fíli álaa ɣɛ́ tí h̃u, ɛ́ɣɛ faa fíli álaa ɣɛ́ ti wa, aáva í tí yéɣe ngáá ngi vóngaa kíya nɔ́ɔ nyah̃a bélangi áá ɣɛ na faa fíli ɛ́i ɣɛ́ mba, taa mbala siỹɛ́ ngeyá.

KƆLƆ́SE 1:22

Kɛ́ sí h̃úi náa, Ngalá ngí wú lówah̃u bátɛnga saí w̃áa véle w̃a ngi H̃íỹɛndou Loí í mbóngɔ kɛinɔɔ́ ngi H̃íỹɛndou Loí í vá ngáá wú ye Ngalá ngéle tɔmbema w̃áá fíli álaa ɣɛ́ wú wa.

TÍMOTI GƆ́LƆI HELE KÉLEI 3:13

Kɛ́ faa ỹɔ́u yélaitii ɛ́ɣɛ sítii ti ngáá ndɛɛ yélaitii tiyɛ́i taa bɔwɔ́ yéɣe ngáá nuu vándaa, ti háá ỹɔu ɣɛndáitii nga tɔ́ɔ́ ɣɛ́ nɔ́ɔ áá ɣɛ wɔ́ɔ́lɔ pól̃ou. Taá ɣɛ taá núngai ngakpólowa tiyá bɛ́lɛ tí yakpólowangɔ.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.

FAA YÁKƐ KƆ́LƆI 16:21

Sakɔ́ búú wála walaí i ɣɛi áá gúla ngeleí yá áá h̃úndɛ nungáitii má. Sakɔ́i nátii ti yiláá ngílaa p̃ɛ́ɛ́ míí kíli ɔ́ɔ́ ɣɛ́ ngáá p̃áu hɔ́ndɔ ngiláá. Nungái sítii ti pɛ́lɛi náa Ngalá ngɛ́ɛ́lima kɔwɔ́ato faa báma walaí wá í ɣɛ́i áá lá ti w̃a ngáá suulɔ́vengɔ.

FAA YÁKƐ KƆ́LƆI 22:3

Sí fíli pá Ngala péle ngáá ɣɛ́ mba, ɛi li taa walái ná h̃u. Ngalá ɛ́ɣɛ Mbáálai ti w̃ása kpɔkpɔngí aa ɣɛ taa walái ná h̃u aáva sítii ti ngáá Ngalángi yénge mbélaitii, taá ɣɛ́ taá fɛ́li na.