FAA YÁKƐ KƆ́LƆI 22:10 - Kɛ́lɛ Niinaí

¹⁰ Kɛ malékai i ɣɛa má, “Yáá Ngalá kééla woí sítii ndɔɔwú tí kɔ́lɔi sí h̃u, bɔw̃álale, táingi fái sítii táá vá ɣɛ́ma ma, suu áá mɔ́ɔ gooh̃á.

FAA YÁKƐ KƆ́LƆI 22:10 Iomraidhean Croise

MÁFIYU 10:27

Sí ngáá nde wú w̃á a nde nuu kpɛ́lɛɛ ndiiwáá. Londo kúlo h̃u hái fíli, a nde ngáá seehé.

LÓÓMI 13:11

Á sí ɣɛ sífaa mú yéteyangi sí mú su wú kɛ́ kíli wɔlɔ́. Sɛmbɛheí hɔ́wɔ lɔ ngáá sí. Táingi ná a mu wumáá áá vá wóma kpɛɛngɔ́ɔ́ lé náá mba í lɔ́ve ná h̃úú wá hése a mu láni ngáá Jísu.

LÓÓMI 13:12

Maa hái gúlangɔɔ lé ngáá kpindíí h̃uu híyangɔɔ lé náá kíli, suu áá mɔ́ɔ́ ngelewondái wa. A mu bé fáitii kɛ́ma ngáá kíya kpéi kpíndi h̃úú yélaa taa ɣɛ́ na, kɛ́ aá ɣéle a mu ɣɛ kíli í ɣɛ́ ngáá nungáá ti w̃ááhei wóngɔ í ɣɛ́ la kɔɔ́ wɔ́ fááw̃a ngelewo sú.

TƐSALÓNIKA GƆ́LƆI HELE KÉLEI 2:3

Kɛ́ wálaa kɛ nuu fíli ɔ́ɔ́ wú yákpolowa péle fíli su, sífaa, Ndemɔí aa nɛɛ vaamá kɛ sítii táá vá ngapúmaa lo ndáá wuí gúlama ngáá Ngala tí kɛ. Ná vólu, nyaama ỹáni walaí sí lɛ́i suubátɛngɔ náa ngáá aá lɔɔ lí njahááma aa vá náa.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 1:3

Aá lɔ́ ngáá faa vánda nuí sí w̃ɔ́i hááw̃a áá kɔ́lɔi sí gála. Aá lɔ́ mɔ́ɔ ngáá faa vánda sítii faaw̃a taá wólilo Ngala ndaa háá lé mɔ́ɔ woo vili ngói sí w̃á tí híya ngáá sítii kínɛi pɔnɛngɔ́i kɔlɔí sí h̃u, bɔw̃álale kuí h̃úú áá mɔ́ɔ gooh̃á sítii tí lengɔ́i kɔlɔí sí h̃u táá vá ɣɛ́ma.

FAA YÁKƐ KƆ́LƆI 10:4

Ná léi tí bɔ́ɔ́lɔni, ngí ɣɛ́i loí ngí sítii pɔnɛ tí ndéni kɛ́ ngí ngói ỹɛ́nini í gúla ngelegóóh̃u, i ɣɛ ma, “Faí sítii ngele bandɛ́ ngɔ́felangɔitii tí ndéngɔ kɛ ngáá ndɔɔwu h̃u haa, yálaa ti vɔ́nɛ!”

FAA YÁKƐ KƆ́LƆI 22:16

Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”

FAA YÁKƐ KƆ́LƆI 22:18

Nyɛ́i ngí ngáá Njɔú, nyá ngáá ndaahí kpákpa mbo ngáá wú kpɛ́lɛɛ ngáá wɛ́i wáá Ngalá kééla woí sítii mɛ́ni tí kɔ́lɔi sí h̃u, nuí fíli áá tá báha Ngala ngói sítii mba tí kɔ́lɔi sí h̃u, faa bámai sítii pɔnɛngɔ́ kɔ́lɔi sí h̃u, Ngalá ngáá kpaha maa w̃ɔ́i háá bamaí wa.

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.

FAA YÁKƐ KƆ́LƆI 22:7

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!

FAA YÁKƐ KƆ́LƆI 22:9

Kɛ́ malékai i ɣɛi ma, “Yaa ná ɣɛ́! Ngalá tɔ́ nɔ́ɔ yáá fɛli. Nyá bɛ́lɛ nyá lɔ́ nɔ́ɔ ngáá Ngala ngénge mɔɔ́ kíya nɔ́ɔ yí na, ɛ́ɣɛ í mbála Yalá ndaa háá lé mbélai ɛ́ɣɛ sítii kpɛ́lɛɛ ti golongɔ́ ngoí sítii mbu tí kɔ́lɔi sí h̃u!”

FAA YÁKƐ KƆ́LƆI 5:1

Ngí kɔ́lɔ w̃ááɣalangɔi lɔní í hóuni nuí síí w̃ɔ́i yísa lokói ya í héini masa ngwálai bɔ́kpɔngi h̃u. Kɔlɔ w̃ááɣalangɔi sí w̃áá vɔ́nɛngɔ i ɣɛí lá kaká félengɔi w̃a, tokovo ngɔ́felangɔ i mba ngáá ndaabɔ́lumaa.