FAA YÁKƐ KƆ́LƆI 21:7 - Kɛ́lɛ Niinaí

⁷ Nuí fíli ngí ndái áá ndó ma, sí lɔ áá ɣɛ́ maa w̃ɔ́i yɛ, ná waa ngáá, ngáá ɣɛ́ ngáá Ngalá maa w̃ɔ́i hááw̃a, maa w̃ɔ́i va aa ɣɛ ngáá ní lóu.

FAA YÁKƐ KƆ́LƆI 21:7 Iomraidhean Croise

MÁFIYU 19:29

Kɛ́ nuí fíli áá volú yafé ngi vɛ́lɛitii mba, ɔɔ ngi ndéɣeni ɔɔ ngi ndíyani mba, kpahangɔ́ ngi njééni ngaa ngi kɛ́ɛ́ɣɛ wa, ɛ́ɣɛ ngi léngaitii kpahangɔ́ ngi báálaitii mba nyá fááw̃a, maa w̃ɔ́i aa kɛɣɛ́laitii maahɔ́lɔ í w̃ɔ́luma ká ka, aáva aa kúnafɔ lɛ́ɛ́h̃ui w̃ááhɔlɔ.

MÁFIYU 25:21

Kɛ ngi núu walaí i ɣɛa ma, ‘Yí kɛ́ngɔ ngwála, yá lɔ ngáá ngenge mɔ́ɔ́ vánda ɛ́ɣɛ tɔ́wɔbaɣa w̃ɔ́ɔ́! Yí tɔ́wɔbaɣa gúlangɔ faa gúlo kw̃ɛ́ɛ́ su, faalɔ, nyáá ngáá ŋáni bih̃íw̃aa he í yáa ti ɣɛ́ í lóko h̃u. Vá, yí báha í núú walaí wa ngi góóh̃unɛi h̃u!’

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:17

Ná Jísu í pele hóuni, siỹɛ́ ngílaa i liiní ngáá viliỹɛ́ ngelé, í lá mbɛ, í mɔ́ɔ́ni, i ɣɛ ma, “Kaamɔ́ɔ́ vándai, ndée lɔ kúle í má ngí kɛ́ ngɔ́ɔ́ ɣɛ́a kúnafɔ lɛ́ɛ́h̃ui w̃ááhɔlɔ?”

LÓÓMI 8:14

Sítiini Ngalángi Hɛ́ɛ́ma Ỹínangi áá tí wúto, tiyá lɔ́ ti ngáá Ngalángi léngaitii.

LÓÓMI 8:19

Seímil̃a p̃ɛ́ɛ́, Ngalángi bátɛ wɔlingái kpɛ́lɛɛ tiyá lɔ́ɔ́ naa w̃áálɛlɛ nɔ́ɔ ngáá ndiihíka híka ngáá tí náá lɔ ngáá elení tɔ́ ti ngáá Ngalángi léngaitii.

KƆ́L̃E GƆ́LƆI HELE KÉLEI 6:16

Aa ɣéle kɛ náa Ngalángi vɛ́lɛini ngaa kɔɔ kɔ́ɔ́ ŋániaitii taa ti yeɣé ngáá ngalángaa ti bɔ́ faaw̃á? A muỹá lɔ mu ngáá pɛlɛ́ Ngalá ngí sí hááw̃a í ndɛɛh̃úi h̃u kɛ kíya Ngalá ngí í ndéngɔ, í ɣɛ́i ta, “Nyá lɔɔ ɣɛ́ ti loow̃áá ɛ́ɣɛ ngí híya hiyá ti liiwáá, aáva ngáá ɣɛ́ ngáá ti Yálangi, tiyá va tí ɣɛ ngáá ní vóngaa.”

KƆ́L̃E GƆ́LƆI HELE KÉLEI 6:18

Ngáá ɣɛ ngáá wú kɛ́ɛ́ɣɛ aáva wáá ɣɛ ngáá ní léngaa. Nyɛ́i ngí ngáá Ndemɔí Ngála Ngakpa Ngálangi nyá lɔ́ ngí sí léngɔ.”

HÍBULU 8:10

Kuu tá lɔɔ vá fóloma ma, kɛ́lɛngi ngáá vá ngéɣema náa ni lówah̃u naa Ísulɔ yeláitii, aá wáá ngáá, ngáá kɛ́ ngáá háwu ní hávaitii ti héi ti gi má, tí ɣɛ́ ti líítii su. Ngáá ɣɛ́ ngáá Ngalángi tí haáw̃a, tiyá vá tí ɣɛ́ ngáá ní vóngaa.

PÍTƐ HESENDAA GƆLƆÍ 3:9

Wálaa faa ỹɔ́u h̃úúloo ngáá faa ỹɔ́u kɛlaa wɔ́ɔ́ ngɛɛlí súúloo ngáá ngɛɛlí. Kɛ́ aá ɣéle, nuí fíli áá ná ta ɣɛ ngáá wú ye, a hɛ́ɛ́ maa w̃ɔ́i yɛ. A ná ɣɛ bɔw̃álale sɛ́i lɔ Ngalá ngí wú gúúloni la ná í wú lólini ngáá ngi vóngaa.

FAA YÁKƐ KƆ́LƆI 2:11

Nuí faá ỹɛ́ni ngói áá ɣɛ́ í wú mbá, kɛ wólilo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, sái hele kélei ɛi mɔɔ wú w̃áále ná wáá ngáá, tɛí mɔ́ɔ lo wú vílima ngɔmbu hó ngwalaí ya.’ ”

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”

FAA YÁKƐ KƆ́LƆI 2:25

Kɛ́ a ndi ngú ma ngáá wú lúva véle vándai sí wú kálanga í ló sú kpóloo ngí vá.

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 21:3

Kɛ ngí ngoo wála ỹɛ́nia áá gúla Ngalángi w̃ása ngwalaí bɔ́kpɔngi ŋál̃aa véle. Ngói ná i ɣɛi ngáá sí, “Ngala ngí vaá nuu búsaitii ndoow̃a taá tiyéni ti ɣɛ ỹanda yílaa. Taá ɣɛ́ ngáá ngi vóngaa, laá gíte aa ɣɛ ti loow̃á í ɣɛ́ ngáá ti Yálangi.