FAA YÁKƐ KƆ́LƆI 21:3 - Kɛ́lɛ Niinaí

³ Kɛ ngí ngoo wála ỹɛ́nia áá gúla Ngalángi w̃ása ngwalaí bɔ́kpɔngi ŋál̃aa véle. Ngói ná i ɣɛi ngáá sí, “Ngala ngí vaá nuu búsaitii ndoow̃a taá tiyéni ti ɣɛ ỹanda yílaa. Taá ɣɛ́ ngáá ngi vóngaa, laá gíte aa ɣɛ ti loow̃á í ɣɛ́ ngáá ti Yálangi.

FAA YÁKƐ KƆ́LƆI 21:3 Iomraidhean Croise

NJƆÚ 1:14

Lɛ́i vangí taa ɣɛ́ ma Keela Wói, i batɛní ngáá nuu búsa. I ɣɛi mu liiwáá aáva ní ngi yámaloulai lɔní, yamalóulai sí vá aa lɔ na Kɛɛɣɛí Ngalángi H̃íỹɛndou Lou yiláá kpéngi háaw̃a. I tɔɔỹái yakɛ́nga ngáá ni ye kpál̃au kɔwɔ́ato Ngala mba, ɛ́ɣɛ Ngalángi haa bɔwɔ́i mu haáw̃a.

NJƆÚ 14:23

Jísu í ngoo yápoteni, i ɣɛ ma, “Nuí fíli áá ɣɛ́ loí ngáá ngé, maa w̃ɔ́i aa híya ngáá ní gálambongi. Ní Kɛ́ɛ́ɣɛ vá aa lo ngáá maa w̃ɔ́i. Ná vólu, naá va naa ní Kɛ́ɛ́ɣɛ maa w̃ɔ́i yelé, ní ló ndoow̃á.

KƆ́L̃E GƆ́LƆI HELE KÉLEI 6:16

Aa ɣéle kɛ náa Ngalángi vɛ́lɛini ngaa kɔɔ kɔ́ɔ́ ŋániaitii taa ti yeɣé ngáá ngalángaa ti bɔ́ faaw̃á? A muỹá lɔ mu ngáá pɛlɛ́ Ngalá ngí sí hááw̃a í ndɛɛh̃úi h̃u kɛ kíya Ngalá ngí í ndéngɔ, í ɣɛ́i ta, “Nyá lɔɔ ɣɛ́ ti loow̃áá ɛ́ɣɛ ngí híya hiyá ti liiwáá, aáva ngáá ɣɛ́ ngáá ti Yálangi, tiyá va tí ɣɛ ngáá ní vóngaa.”

KƆ́L̃E GƆ́LƆI HELE KÉLEI 6:18

Ngáá ɣɛ ngáá wú kɛ́ɛ́ɣɛ aáva wáá ɣɛ ngáá ní léngaa. Nyɛ́i ngí ngáá Ndemɔí Ngála Ngakpa Ngálangi nyá lɔ́ ngí sí léngɔ.”

TƐSALÓNIKA HESENDAA GƆLƆÍ 3:11

Bɛlɛ́ mú Kɛ́ɛ́ɣɛ Ngála kpútei ɛ́ɣɛ mu Lemɔ́i Jísu ti kɛ kái ngáá háwu ni vá ni wú héi heí.

HÍBULU 11:16

Kɛ́ laá ɣéle, ná láá le ti gi ngɔ́ɔ́ ɣɛ́ ɣɛi mba, ti gitómai i ɣɛ́i ngáá ti ɣɛ́ ngelegóóh̃u lɛ́i naa haa yangímba í lɔvé ngeleí sí wuu wa, Faalɔ, aa ngáá Ngalá maa wúfe faa ngáá tɔɔ ɣɛ́ ngáá ngi vóngaa aáva i taa walá ɣɛ́ kíli batɛngá ti haáw̃a.

HÍBULU 8:10

Kuu tá lɔɔ vá fóloma ma, kɛ́lɛngi ngáá vá ngéɣema náa ni lówah̃u naa Ísulɔ yeláitii, aá wáá ngáá, ngáá kɛ́ ngáá háwu ní hávaitii ti héi ti gi má, tí ɣɛ́ ti líítii su. Ngáá ɣɛ́ ngáá Ngalángi tí haáw̃a, tiyá vá tí ɣɛ́ ngáá ní vóngaa.

HÍBULU 8:2

Aá lɔ́ɔ Ngala sááɣa gula ngéngengi wo Hɛ́ɛ́ma Wála Ỹándai i Ngala Pɛ́lɛ giteí wú Ndemɔí Ngala kíte í tóngɔ ngelegóóh̃u. Aa ngáá nuu búsaa vɛ́lɛ lóngɔ.

FAA YÁKƐ KƆ́LƆI 10:4

Ná léi tí bɔ́ɔ́lɔni, ngí ɣɛ́i loí ngí sítii pɔnɛ tí ndéni kɛ́ ngí ngói ỹɛ́nini í gúla ngelegóóh̃u, i ɣɛ ma, “Faí sítii ngele bandɛ́ ngɔ́felangɔitii tí ndéngɔ kɛ ngáá ndɔɔwu h̃u haa, yálaa ti vɔ́nɛ!”

FAA YÁKƐ KƆ́LƆI 10:8

Kɛ ngoí sí ngí mɛ́nini hése íwaa gúla ngelegóóh̃u, ngí mɔ́ɔ́ mɛningá áá ɣɛ ta, “Lí malékai sí yéle í lói yívoi liiwáá ɛ́ɣɛ kaséngi ya, yí kɔ́lɔ w̃ááɣalangɔi hóu ngeya ndaawóngɔ.”

FAA YÁKƐ KƆ́LƆI 12:10

Kɛ ngí ngóó wála ỹɛ́ninga áa gúla ngelegóóh̃u, ngoí ná i ɣɛi ngáá sí, “Ngala ngí vóngaitii ngúmaawonga. I ngí lɔ́wɔlɔ w̃asandaí yákpangi yakɛ́nga. Ná vólu, ngí Lókolo Mbá W̃ɔ́i bɛ́lɛ i ngí yákpangi yakɛ́nga, bɔw̃álale, maah̃abéhe mɔí sí lɔ́ nɔ́ɔ í ɣɛ́ngɔ loí Ngalá kakála áa mu mbála Yála fɛ́li mbélaitii maah̃abéhe kpindí p̃ɛ́ɛ́ fólo p̃ɛ́ɛ́, tí kúlanga ngelegóóh̃u wa, tí njéi ngélei sí wu.

FAA YÁKƐ KƆ́LƆI 21:7

Nuí fíli ngí ndái áá ndó ma, sí lɔ áá ɣɛ́ maa w̃ɔ́i yɛ, ná waa ngáá, ngáá ɣɛ́ ngáá Ngalá maa w̃ɔ́i hááw̃a, maa w̃ɔ́i va aa ɣɛ ngáá ní lóu.

FAA YÁKƐ KƆ́LƆI 22:3

Sí fíli pá Ngala péle ngáá ɣɛ́ mba, ɛi li taa walái ná h̃u. Ngalá ɛ́ɣɛ Mbáálai ti w̃ása kpɔkpɔngí aa ɣɛ taa walái ná h̃u aáva sítii ti ngáá Ngalángi yénge mbélaitii, taá ɣɛ́ taá fɛ́li na.

FAA YÁKƐ KƆ́LƆI 7:15

Ná lɔ́ í kɛ́nga tí lói Ngalangí w̃ása kpɔ́kpɔngi gakála Hɛ́ɛ́ma Yála Pɛ́lɛi wú, táá yénge ngala mbɛ kpindí p̃ɛ́ɛ́ taá foló. Lɛ́i í héini masa kpɔ́kpɔngi h̃u, aá lɔ́ ɣɛ́ áá tí w̃ááh̃u béle.