FAA YÁKƐ KƆ́LƆI 21:22 - Kɛ́lɛ Niinaí

²² Ngáá Hɛ́ɛ́ma Yála Pɛ́lɛ lɔí taa walái ná h̃u, bɔw̃álale Ndemɔí Ngalá ɛ́ɣɛ Mbáálai tiyá lɔ́ tí ná ngáá Hɛ́ɛ́ma Yála Pɛ́lɛi hɔ́wɔ fíli.

FAA YÁKƐ KƆ́LƆI 21:22 Iomraidhean Croise

MÁFIYU 24:2

Kɛ Jísu í tí w̃ɔ́ɔ́ninga, i ɣɛ ti w̃a, “Kɛ́mbɛ wá lɔ́ɔ ti kpɛ́lɛɛ tɔ? Ngí tɔɔỹaá haa le wú w̃a, kpɛ́lɛɛ tɔ́ɔ vá wóloma ngáá kɔtu yílaa kéle tɔ ɛi lo lááni ngi mbála w̃aah̃u. Kpɛ́lɛɛ aa woló í vú.”

NJƆÚ 10:30

Naa ní Kɛ́ɛ́ɣɛ ni ɣɛ kíli i yíla kpé.”

NJƆÚ 13:32

Ná náa áá ɣɛ́ kɛ́ni ngáá háwu nungáitii tí náá lɔ kíya Ngalá kaámaangɔ, Ngalá kpúte aa kɛ náá ngáá háwu nungáitii tí naa lɔ kíya Nuu Búsa Goo H̃ú Loí gáámaangɔ aáva Ngala tɔ vá kɛmá h̃umbuwa.

NJƆÚ 4:21

Kɛ Jísu i ɣɛa ma, “Nyah̃ápoi, la gíte ngáá sí, ná waa ngáá naa hɔwɔ́i lɔɔ vá fóloma ma ngáá wɔ́i mɔ́ɔ́ ɣɛ wáá Kɛɛɣɛí Ngalángi hɛ́li ngihéi sí ɣéle tɔ su kɛlaa Jɛlúsɛl̃ɛ.

NJƆÚ 4:23

Kɛ́ laáva naa hɔwɔ́i lɔɔ vá fóloma ma aáva i folónga naá ma kílii ngáá nungái sítii taá Ngalángi hɛ́li ngáá tɔɔỹaá veleí tiyá lɔɔ vá ɣɛmá taá Kɛɛɣɛí Ngalángi hɛ́li ngi Hɛ́ɛ́ma Ỹínangi yákpangi w̃aa véle w̃a ɛ́ɣɛ tɔɔỹaá veleí w̃a. Sífaa Ngalá fɛ́li mbélaa laaliai sítii tɔ Kɛɛɣɛí Ngalá ngíwaa ti wɔlí.

KƆLƆ́SE 1:19

Ngalá kpútei lɔ́ í suubátɛngɔ ngi nɛ́ɛ́mbɛ h̃u ngáá ngi H̃íỹɛndou Loí í ɣɛ́ nɔ́ɔ ngáá laá Ngala kɛ kíli pele kpɛ́lɛɛ sú.

KƆLƆ́SE 2:9

Kíya bɛ́lɛ nuu búsa lúwu í Kílisitii w̃a, kɛ́ aá lɔ́ ngáá Ngalá pele kpɛ́lɛɛ su.

FAA YÁKƐ KƆ́LƆI 1:8

Ndemɔí Ngákpa Ngála Ngwalaí lɛ́i í ná kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma i ndéni, í ɣɛ ta, “Nyáá lɔ́ ngí ngáá hésendaa w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i.”

FAA YÁKƐ KƆ́LƆI 11:17

táa ɣɛ́ ta, “Ndemɔí Ngakpa Ngála Ngwálai, yá lɔ́ yí ná aáva yá lɔ́ yí ɣɛ́ngɔ na wɔ́lɔ. Ní sɛ́ɣɛɛ gúla í w̃á ngáá yí í yákpa ngwálai w̃ááhɔlɔnga aáva yí í w̃ásandai lɔ́kula héinga.

FAA YÁKƐ KƆ́LƆI 14:4

Nungái sítii tɔ faa ỹɔ́u fíli áá ɣɛ́i ti h̃u, ná wáá ngáá, nápa taá ɣɛí faa fíli kɔ́lɔ kɔwɔ́ato nyah̃á háá wa. Tiyá lɔ́ɔ Mbaalaí sí vólu mbéi fíli áá lí na. Tiyá vá tɔ́ mɔ́ɔ ti wúmaawongɔ ngeleí sí wu. Nungáitii su, tiyá hése tɔ́ tí Ngalá ɛ́ɣɛ Mbaalaí hááw̃a.

FAA YÁKƐ KƆ́LƆI 15:3

Ti ɣɛ́i taa nguleí sí hɔ́ɔ́lɛ sí Ngalangí yénge mɔí Muusé ɛ́ɣɛ Mbaalaí tɔ́ɔ́ sɔɔlɛ́, táa ɣɛ́ ta, “Yɛ́i yí ngáá Ndemɔí Ngakpa Ngála Ngwalaí, í gɛ́ɛ́ háitii tɔ ngáá faa wála wála ɛ́ɣɛ kááma haa. Yá lɔ́ yí ngáá masa ngwálai ngeleí sí wuu yélaitii kpɛ́lɛɛ mááh̃u. Í lúva veléitii ɛ́ɣɛ í háitii yáá kɛ, tiyá lɔ́ pele w̃a, ti ngáá tɔɔỹaá.

FAA YÁKƐ KƆ́LƆI 16:14

Ỹína nyɔú sáángɔi sítii tɔ taa káámaa haítii kɛ. Tiyá lɔ́ɔ vá ndɔwɔlɔ w̃ásangaitii kpɛ́lɛɛ ngátɛma mba ngélei sí wu kɔɔ wɔ́ fááw̃a foló wálai ná w̃a Ngakpa Ngála Ngwalaí áá vá ngí yákpa ngwalaí yákɛma.

FAA YÁKƐ KƆ́LƆI 16:7

Kɛ ngí ngoí ỹɛ́ninga áá gúla Ngalá sááɣa gúla tútui ŋál̃aa véle, áá ɣɛ́ ta, “Ndemɔí Ngakpá Ngála Ngwalaí, í háá waalévendai aá lɔ́ ngáá tɔɔỹaá i ngáá telembo.”

FAA YÁKƐ KƆ́LƆI 19:15

Mbówa hɔ́kpɔ yándiilingi sí áá vá hómboma lá ndɔwɔlɔ́itii ma ngeleí sí wu i gúlai nda. Aa bandí bándi héi ti w̃a ngí w̃ásandai h̃u aáva aa lɔ́ ti yanjɔ́wɔlɔ mbéi i ngáá Ngakpa Ngála Ngwalaí lííyaw̃al̃a walaí ỹándai áá faa bá ngwála la ná nungáitii ma ti háá ỹɔítii fááw̃a.

FAA YÁKƐ KƆ́LƆI 4:8

Kovóngi i ɣɛi fulú wɔ́li nááningɔi nátii mba ngáá ngɔhíta ngɔ́hita, ɛ́ɣɛ ti yaah̃úi i ɣɛi ti yelé mbélengɔ, ti góvongitii mbu ɣéle tɔ. Tiyá lɔ́ɔ nɔ́ɔ fɔ́ ngule hɔ́ɔ́lɛndaa ya kpindí p̃ɛ́ɛ́ taá foló. Ti ɣɛ́i taá ɣɛ́ ta, “Ndemɔí Ngála, lɛ́i í ngáá ngakpa mɔ́ɔ́ walaí faa ỹɔ́u fíli áá sú, lɛ́i í na kúnafɔ, lɛ́i í ɣɛ́i na wɔ́lɔ ɛ́ɣɛ lɛ́i áá vá vááma.”

FAA YÁKƐ KƆ́LƆI 5:6

Kɛ ngí Mbáálai lɔ́nga í lóóni masa ngwálai bɔ́kpɔngi béla, maayéle mbélengɔ ngáá fulú wɔ́li nááningɔi ɛ́ɣɛ kele ɣelé mbélaitii, kulangɔ́ ngáá tí ɣɛ́i paaní pɔlɔ w̃a. Ndowói i ɣɛi Mbalaí sí wú mba wɔféla, ngaah̃úi i mba wɔféla. Ngaah̃úi nátii pa tɔ tí ngáá Ngalangí ỹína ngɔ́felangɔitii tí tí lɔ́vengɔ ngeleí sí wu kpɛ́lɛɛ.

FAA YÁKƐ KƆ́LƆI 7:15

Ná lɔ́ í kɛ́nga tí lói Ngalangí w̃ása kpɔ́kpɔngi gakála Hɛ́ɛ́ma Yála Pɛ́lɛi wú, táá yénge ngala mbɛ kpindí p̃ɛ́ɛ́ taá foló. Lɛ́i í héini masa kpɔ́kpɔngi h̃u, aá lɔ́ ɣɛ́ áá tí w̃ááh̃u béle.

FAA YÁKƐ KƆ́LƆI 7:17

bɔw̃álale Mbaalaí, í masa ngwálai bɔ́kpɔngi béla, aá lɔ́ɔ ɣɛ́ ngáá tí w̃ááh̃u béle mɔ́i. Laá lɔ́ ngáá ti w̃ááh̃u béle mɔ́i kíya nɔ́ɔ mbaala w̃ááh̃u bele mɔ́i í na. Aá pele ɣɛ ngáá ti ye áá lí í tó ndɛɛh̃u w̃ááhɔlɔ njɛ́i wa. Ngalá tɔ́ɔ vá ti yaah̃ú wɔ́lɔyɛi kpɛ́lɛɛ kpálema tí yaah̃ú.”