FAA YÁKƐ KƆ́LƆI 21:21 - Kɛ́lɛ Niinaí

²¹ Ndaabɔ́lu púúngɔ maah̃úú félengɔitii ti ɣɛ́i sasaí ná wa, ngiláángi fíli kpatɛngɔ́ i ɣɛi lá ngáá kɔtu vandá yílaa maa bongóngɔ kúlo wolengɔ́, ná wáa ngáá, kɔtuí ná taa tolí ngáá pɛɛ. Peleítii ti taa walái ná h̃u, kpɛ́lɛɛ kpátɛngɔ i ɣɛi la ngáá góólii kái káingi ma ɣɛngɔ́ kpál̃au kíya nɔ́ɔ mɛl̃ɛ mɛl̃ɛ.

FAA YÁKƐ KƆ́LƆI 21:21 Iomraidhean Croise

FAA YÁKƐ KƆ́LƆI 17:4

Nyah̃ápoi sí w̃ááyilingɔ i ɣɛi lá ngáá kula boolé vóto ngí bíỹangi i su ɛ́ɣɛ kula biỹá, maa vungɔ́ ngáá góóli wɔlingáitii taa kɔtu vandá gúlo gulóaitii táá hólo ɛ́ɣɛ kɔtu wolé pándaitii maa bongóngɔ ngwala. Góóli gɔpungí i ɣɛi ngeyá ndaahéngɔ ngáá ndɔí. Ndɔí ná vá tɔ áá ló ngí yɔ́lɔ háitii fááw̃a ɛ́ɣɛ ngí gɔ́lɔsiyangi.

FAA YÁKƐ KƆ́LƆI 18:16

táá ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ nduwá háá wála taa maaw̃aanú ma taa walái sí hááw̃a kulangɔ́ í ɣɛ́ngɔ lá ngáá nyah̃a ɔ́ɔ́ w̃aayíli ngáá kula boolé vóto ngí bíỹangi i su ɛ́ɣɛ kula biỹá ɛ́ɣɛ kula wolé pánda maa vungɔ́ ngáá góóli wɔlingáitii taa kɔtu vanda gúlo gulóaitii táá hólo ɛ́ɣɛ kɔtu wolé pándaitii maa bongóngɔ ngwala.

FAA YÁKƐ KƆ́LƆI 21:15

Malékai sí í yɛ́pɛni ngéle, suw̃á ngúlui i ɣɛi ngeyá kpatɛngɔ́ ngáá góólii. I ɣɛi ngeyá ngáá í táá walái ná h̃úw̃a la ɛ́ɣɛ sásai láitii taá máa hásai gite.

FAA YÁKƐ KƆ́LƆI 21:18

Sasaí í ɣɛ́i taa walaí sí w̃a, tongɔ́ i ɣɛi lá ngáá kɔtu vandá kíya dááma wɔtu í na. Aáva taa walái ná butéi va, tongɔ́ i ɣɛi lá ngáá góólii kái káingi suu ɣɛngɔ́ kpál̃au kíya nɔ́ɔ mɛl̃ɛ mɛl̃ɛ.

FAA YÁKƐ KƆ́LƆI 22:2

Njɛí ná i ɣɛi peleí liiwáá í táá walái ná h̃u. Ndɛɛh̃ú w̃ááhɔlɔ ngúlui sítii taá wá yíla ngalú fíli su, ti láɣaitii pa ti ngáá salé ngeléi sí wuu yélaitii mbálo fááw̃a, ti ɣɛ́i njɛí ná góóɣaka félengɔi w̃a.

FAA YÁKƐ KƆ́LƆI 4:6

Masa ngwálai bɔ́kpɔngi ná wútuwɔi ɣɛngɔ́ i ɣɛi lá kíya nɔ́ɔ njɛ wála áá ɣɛ́ ỹanda, ngakɛ́ngɔ kpál̃au kíya nɔ́ɔ mɛl̃ɛ mɛl̃ɛ. Fulú wɔ́li nááningɔ ti ɣɛ́i masa ngwálai bɔ́kpɔngi ná w̃ááyele mbélengɔ ti yaah̃úi í ti w̃ááyele mbélengɔ, tɔ́ɔ vólu véle lɔ tí wútuwɔɔ lɔ́.