FAA YÁKƐ KƆ́LƆI 21:14 - Kɛ́lɛ Niinaí

¹⁴ Sasái sí í ɣɛ́i taa walái sí w̃a, i ɣɛi lóóni pɛ́lɛ ló kɔ́tu wala wala púúngɔ maah̃úú félengɔ w̃a. Kɔtuí nátii maa vá tɔ Ngalángi gééla púúngɔ maah̃úú félengɔitii tí Mbáálai hááw̃a ti laahéingaitii pɔnɛngɔ́ í ɣɛ́i lá ti w̃a.

FAA YÁKƐ KƆ́LƆI 21:14 Iomraidhean Croise

MÁFIYU 16:18

Aáva ngí ndé í w̃á, Pítɛ, yá lɔ́ ngáá kɔtu ɣɛ kíli. Aáva kíya nɔ́ɔ nuu áá pɛ́lɛi ló ndɔwɔlɔ́ bángi w̃a kíya kɔtu í na, ngimɔ́ɔ́ nɔ́ɔ ngáá vá ní Yála fɛ́li mbélaitii ngatɛ́ma mba í w̃á. Saí ɣéle tɔ ngi yákpa ngɛi hombó ɔ́ɔ́ ɣɛ́ ti w̃ááh̃u.

TI GƐ́Ɛ́ HAÍTII 1:26

Kɛ tí falángaitii kulangá aáva í nɛ́ɛ́ Matáya w̃a. Faalɔ, i bahaní naá Ngalángi gééla púúngɔ maah̃úú yiláángaitii mba.

GALÉSIYA 2:9

Jimisí, Pítɛ ɛ́ɣɛ Njɔú, tiyɛ́i naa Yála fɛli mbélai taa ti yéɣe ngáá ngutuwɔ́aitii, tí ngátɔni mba ngáá kɛ Ngalá ngí ngengengí sí héngɔ ngéya gba ngáá ngí mbo. Faalɔ, tí fáma wóni ní w̃a naá Bánaba ngáá í ngákɛ ngáá kɛ ni lɔ́ngɔ niỹá lɔ́ɔ ngenge ngílaa mbó. Ni kpɛ́lɛɛ ní lúw̃ai náa ma ngáá nyá ɛ́ɣɛ Bánaba ni lí naayáa kééla wóó vándai lé sítii ma taa ngáá Júsua, tiyá va ti lí taayáá nde Júsuaitii ma.

Ɛ́FƐSƆ 2:20

Mu kpɛ́lɛɛ nɔ́ɔ mu gúlangɔɔ lé ngáá pɛlɛ́ aáva Ngalángi géélaitii ɛ́ɣɛ Ngalá ndaa háá lé mbélaitii tí gúlangɔɔ lé ngáá maa vɛ́lɛi gɔ́wɔi. Jísu Kílisitii lɔ áá pɛ́lɛ gɔ́wɔi ná h̃úúba.

Ɛ́FƐSƆ 3:5

Hése wɔ́lɔ nungáá taá ɣɛ́i ndɔɔwu h̃ú hái sí wɔ́lɔ, kɛ́ Ngalá ngí kɛngá ngáá háwu Hɛ́ɛ́ma Ỹínangi í ndɔ́ɔ́wu h̃ú hái sí ɣɛ́nga ngáá Ngalángi hɛ́ɛ́ma géélaitii ɛ́ɣɛ ndaa háá lé mbélaitii.

Ɛ́FƐSƆ 4:11

Aá gítei vá tɔ́ nɔ́ɔ í fémbɛ wɔ́lingaitii fengɔ́ nungáitii ngeyá ná wáa ngáá, ngenge tókoitii. I ti lɛ́ingaa ɣɛ́ngɔ ngáá Ngalángi géélaitii, í tí lɛ́ingaa ɣɛ́ ngáá Ngalá ndaa háá lé mbélaitii, í tí lɛ́ingaa ɣɛ́ ngáá Ngala ngóó le mbélaitii, í tí lɛ́ingaa ɣɛ́ ngáá Ngala fɛ́li mbélaitii tí w̃ááh̃u béle mbélaa, í mɔ́ɔ tí lɛ́ingaa ɣɛ́ ngáá Ngala Kɔ́lɔ ɣɛ mbélaitii.

HÍBULU 11:10

Lébilah̃au i sí ɣɛ́ni sífaa í ɣɛi áá náa lúwɔɔ béle ngáá í ɣɛ taa walaí sí h̃u i ná kúnafɔ Ngala kpútei í súw̃angɔ í to.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:17

Kɛ́ wɛ́i wú ngáá mu mbála vandáitii, a gísei sí w̃a mu Lemɔ́i Jísu Kílisitii géélaitii tí ndéni wú w̃a wɔ́lɔ ngáá áá lɔ́ɔ́ va ɣɛ́ma.

FAA YÁKƐ KƆ́LƆI 18:20

A gooh̃unɛ́ɛ́ wɛ́i kínɛi wú ngelegóóh̃u, bɔw̃álale Babél̃ɔ i wolóa. A gooh̃unɛ́ɛ́ wɛ́i wú ngáá Ngalángi vóngaitii, ɛ́ɣɛ Ngalángi géélaitii í báha Ngalá ndáá háá lé mbélaitii mba. Faa ỹɔ́i í kɛ́ngɔ ngáá wú ye, Ngala ngí pelé lálanga aáva maa háá bamaí lɔ́ Ngalá ngáá nda ma.

FAA YÁKƐ KƆ́LƆI 21:13

Sasa walái sí laa púúngɔ maah̃úú félengɔi sítii kɔlɛngɔ́ i ɣɛi lá su ngáá seiw̃aá nááningɔ. I ɣɛi foló gúla veléi h̃uu véle sáwa, i seɣá h̃ú veleí h̃uu véle sáwa, i kɔlɔ́ɔ veleí h̃úu véle sáwa, i foló líí veléi h̃uu véle sáwa.