FAA YÁKƐ KƆ́LƆI 21:10 - Kɛ́lɛ Niinaí

¹⁰ Hɛ́ɛ́ma Ỹínangi i vuí sú, malékai í lí ngáá ngé ngihé ngwálai wú mba. Í Hɛ́ɛ́ma Láá Wálai Jɛlúsɛl̃ɛ ɣɛ ngáá nge áá gúla ngelegóóh̃u Ngalá ngéle.

FAA YÁKƐ KƆ́LƆI 21:10 Iomraidhean Croise

TI GƐ́Ɛ́ HAÍTII 8:39

Ná ti gúlani njɛí wu, naa yaah̃ú w̃á nɔ́ɔ, Ndemɔí Ngalángi Hɛ́ɛ́ma Ỹínangi i Félepi gúlani náa naa wa aáva Ítiyopiya w̃ɔí ná vá aa mɔɔ tɔní. Kɛ́ Ítiyopiya w̃ɔí ná i ɣɛi áá lí ngáá gooh̃unɛ́ɛ.

GALÉSIYA 4:26

Kɛ́ Jɛlúsɛl̃ɛ sí í ngelegóóh̃u, kulangɔ́ɔ́ lé ngáá Sééla lɛ́i í ngáá húli ỹáh̃ai laáva tɔ í ngáá mu njéé,

FAA YÁKƐ KƆ́LƆI 1:10

Ná í ɣɛ́i ngáá Tɛnɛ́mai, Hɛ́ɛ́ma Ỹínangi i vúni sú, kɛ ngí ngóó wála ỹɛ́ninga ngáá pólu véle kíya nɔ́ɔ taá búlu wála hɛ́.

FAA YÁKƐ KƆ́LƆI 11:2

Kɛ́ yálaa Hɛ́ɛ́ma Yála Pɛ́lɛi góvii h̃úw̃a, bɔw̃álale Ngala ngí féngɔ sítii ngeyá táa ngáá ngí vóngaa, tiyɛ́i táa vá lóma Hɛ́ɛ́ma Láá Wálai w̃ááh̃u ngalú puu nááningɔ maah̃úú félengɔ láa lówah̃u,

FAA YÁKƐ KƆ́LƆI 17:3

Hɛ́ɛ́ma Ỹínangi i vuí sú, malékai í lí ngáá ngé ngaalái h̃u. Ngí nyah̃á yílaa tɔ́i na i héini ngakpa súwa biỹangí sí gɔ́ma ngungí i nga wɔféla, ndowói í mba púu. Tɛɣɛsu lááheingaitii kɔwɔ́ato Ngala mba pɔnɛngɔ́ i ɣɛi lá suwaí sí w̃á hááli hááli.

FAA YÁKƐ KƆ́LƆI 21:2

Kɛ ngí Hɛ́ɛ́ma Láá Wálai lɔ́a, í ngáá Jɛlúsɛl̃ɛ niinaí áá gúla ngelegóóh̃u Ngalá ngelé kɛ́ kíli batɛ́ngɔ Ngalá mbɛ kíya nɔ́ɔ nyah̃á wɔ́lingɔ níína w̃aayílingɔ áá ɣɛ́ lá áá lí ngi h̃íỹɛ ngelé.

FAA YÁKƐ KƆ́LƆI 3:12

Wɛ́i wú ndái áa ndoma, ngáá wú ɣɛ́ ngáá kpɛndɛ ní H̃ɛ́ɛ́ma Yála Pɛ́lɛi wú laáva wɔ́i gúla na kúnafɔ. Ngáá ní Yálangi laahéingi vɔ́nɛ wú w̃á, ngí mɔ́ɔ ngi láá niiná walaí sí taá tolí ngáá Jɛlúsɛl̃ɛ aá vá gúlama ngelegóóh̃u ndaahéingi vɔ́nɛ wú w̃á ɛ́ɣɛ ngí mɔ́ɔ ní lááhei niinái vɔ́nɛ wú w̃á.

FAA YÁKƐ KƆ́LƆI 4:2

Ngáma nɔ́ɔ kɛ Hɛ́ɛ́ma Ỹínangi i vúnga sú, ngí ngelegóóh̃u lɔ masa ngwálai bɔ́kpɔngi i na nuí tá i héini su.