FAA YÁKƐ KƆ́LƆI 20:8 - Kɛ́lɛ Niinaí

⁸ Ndɔwɔlɔ́i sítii pa taa ti lolí ngáá Gó ɛ́ɣɛ Mágo, maa yélaitii tiyɛ́i ti bih̃íngɔ kíya nɔ́ɔ kaha í ná tí vahá fáhangɔ ngélei sí wu, Setána lɔɔ vá tí yakpólowama í vá ngáá ti ye kɔɔ wɔ́mai

FAA YÁKƐ KƆ́LƆI 20:8 Iomraidhean Croise

HÍBULU 11:12

Náá hááw̃a, Lébilah̃aui sí saangɔ́ vóto ngí ɣɛ́i náá la í tó kpokólongi wa í ɣɛ́i su, i ndoú léni aáva ngi láála lengái ti ɣɛ́a bih̃í kíya nɔ́ɔ temúleɣaitii taa ɣɛ́ na ngeleí ya ɔɔ kíya nɔ́ɔ nyɛɛ basángi áá ɣɛ́ na yívoi la.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 16:14

Ỹína nyɔú sáángɔi sítii tɔ taa káámaa haítii kɛ. Tiyá lɔ́ɔ vá ndɔwɔlɔ w̃ásangaitii kpɛ́lɛɛ ngátɛma mba ngélei sí wu kɔɔ wɔ́ fááw̃a foló wálai ná w̃a Ngakpa Ngála Ngwalaí áá vá ngí yákpa ngwalaí yákɛma.

FAA YÁKƐ KƆ́LƆI 20:10

Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.

FAA YÁKƐ KƆ́LƆI 20:3

Malékai i Setána víli ndowá wálai na h̃u kpu ngáá mba í ndaabɔ́lu ma, í sítɛnga, i lokovó ndó mba. I ná ɣɛ́ni kɛinɔɔ́ álaa mɔ́ɔ nuu fíli ngákpolowa ngeléi sí wu í ló su kpóloo fówo tásu ngiláángi sí í víla. Ná fówo tásu ngiláángi áá víla, taá bé mba kuu h̃úú lukpúngɔ hááw̃a.

FAA YÁKƐ KƆ́LƆI 7:1

Ná sí í gúlai su, ngí malékaa nááningɔ lɔ́ni lóóni ndɔwɔlɔ́i gaká nááningɔi w̃a táá fɛfɛ nááningɔi h̃úúhou ngáá kɛinɔɔ́ fɛfɛ ngákpangɔ álaa vá ndɔwɔlɔ́i h̃u ɔ́ɔ́ yívoi ɛ́ɣɛ ngulúitii suu lika líka.