FAA YÁKƐ KƆ́LƆI 20:4 - Kɛ́lɛ Niinaí

⁴ Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 20:4 Iomraidhean Croise

MÁFIYU 19:28

Kɛ Jísu i ɣɛa ti w̃a, “Ngí tɔ́ɔ́ỹai le wú w̃á, ná nuí síí w̃ɔ́i taa ɣɛ ma Nuu Búsa Goo H̃ú Loí áá ɣɛ́ ngi gáámaa w̃asandai h̃u ngetéya níínai h̃u áá vá kúna, wú púúngɔ wú w̃ááh̃uu félengɔitii wú pólu, wá bɛ́lɛ wáá ɣɛ́ masandáá h̃u, wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.

MÁFIYU 24:10

Aáva maa l̃áingi ná h̃uu vá nuu bíh̃iw̃aa táa vólu yafé ti lángi wá kɔwɔ́ato mbá. Táá ɣɛ́ taa ỹɔw̃ɔ́ ỹɔ́w̃ɔ lókoleve nungáá w̃a, táá híli ngáá ỹɔw̃ɔ́ ỹɔ́w̃ɔ.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:16

Ná Hɛ́lɔdi í faí sí ỹɛ́nini Jísu í ɣɛ́i áá kɛ, i ɣɛi ta, “Njɔú ngí kɛ́ni ngáá háwu tí ngungí léveni mba aá lɔ́ í yóóɣenga sái h̃u.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:27

Faalɔ, Masangí Hɛ́lɔdi í sóya w̃ɔí lɔ́veni nɔ́ɔ ngamá, í ɣɛ ma, “Lí, yí Ngúya Wo Mɔ́i Njɔú wúngi léve mba, yí váá la.” Sóya w̃ɔí ná i liiní, í Njɔú wúngi léve mba kpindi vɛlɛ́i wu,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:11

Kɛ ti Jísu w̃ɔɔningá, ti ɣɛ́ ma, “Ndeénii le kaamɔítiini Ngala sávai hááw̃a ti ɣɛ́ kɛ Iláija hése aa va Ngalángi Lókolo Mbá W̃ɔ́i ɔ́ɔ́ ɣɛ́a va?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:17

Ná vólu, aá lɔ íwaa lí Ndemɔí wutúwɔ ngakpángi h̃u kíya í ɣɛ́i ngáá Iláija. Laa lɔ áa kɛ ngáá háwu ndóu kɛ́ɛ́ɣɛaitii ɛ́ɣɛ ndengáitii ti ɣɛ ngoo yiláá su. Ɛ́ɣɛ múl̃ɔ sítii ti golo lálangɔ Ngalá mbɛ í kɛ ngáá háwu tí ɣɛ́ ngáá sítii kɛ kíli ti golóngɔ Ngalá mbɛ. Ná vólu, í ti ɣɛ kíli batɛ́ Ndemɔí haaw̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:14

Aáva aa ɣɛ ngáá faa vánda í háaw̃a. Kíya bɛ́lɛ tɛi hómbo tɔɔ́ suulóo, suu áá lóo í w̃á ná sítii ti ngáá telembo mbélaa Ngalá ngaah̃ú taa yóóɣe sái h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:30

kɛinɔɔ́ a maa wúyeni a mú laaỹɛ́ ỹanda yílaa tééve yiláá má ní w̃ásandai h̃u. Ná vólu, wú ɣɛ́ masandáá h̃u wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.”

NJƆÚ 14:19

Suu áá mɔ́ɔ́ gooh̃á nungáá vekáitii tí ngélei sí wu tɛí mɔɔ tɔ́ kpósouŋ, kɛ́ wá, wá lɔɔ vá tɔ́ma múl̃ɔ. Aáva sífaa ngáá va ɣɛmá múl̃ɔ ndɛɛh̃úi h̃u, náá hááw̃a, wá bɛ́lɛ wáá ɣɛ́ ndɛɛh̃úi h̃u.

LÓÓMI 11:15

Sí ɣéle na ná Ngála ngí ɣɛ́ngɔ lokogúlani ti haá h̃u ná í ɣɛngɔ ngáá ndowah̃u batɛ́ Ngalá ndówah̃u taá nungáá vékaitii ngetéyangi h̃u kɛlaa ná náa Ngála ngáá lókohei ti wu mɔ́ɔ́ ná ɣéle p̃ɛ́ɛ́ aa ɣɛ́ ngáá kíya saa yeláitii taa yóóɣe sái h̃u.

LÓÓMI 8:17

Na aáva a mú ngáá Ngalángi léngaa, sí í ngándɔɔlɔngɔ a muỹá lɔ́ɔ vá maahɔ́lɔma a maa Kílisitiini. A mu lɔ́ngɔ muỹá lɔɔ vá ɣɛ́ma Kílisitii yákpa maanɛɛnɛɛ ngwalaí h̃u bɔw̃álale, a muỹá lɔ́ɔ w̃áánɔw̃ɔ kíya í w̃áánɔw̃ɔni.

TÍMOTI GƆ́LƆI HELE KÉLEI 2:12

Ná a maa ndí ngu ma ngáá ndiilɔlɔí, ngimɔ́ɔ́ nɔ́ɔ a máá ɣɛ́ masandáá h̃u aa maa Jísu. Ná a maa bééle mba, áá bɛlɛ́ áá beele mu wa.

FAA YÁKƐ KƆ́LƆI 1:2

Sí kínɛi pá Njɔú í súúlɔni, í tí lení. Sí vá tɔ í ngáá konángi kɔwɔ́ato kééla woí sí wa Ngala ngí pílini, Jísu Kílisitii í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 11:11

Kɛ́ ná foló sáángɔ síkpɛ í gúlani su, Ngala ngí kɛ́ni ngáá háwu ndɛɛh̃u í vú tí h̃u volú, tí yóóɣe, tí ló. Aáva sítii kínɛi tí tí lɔ́ni, nduwá wála i vúni tí h̃u.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 11:3

ná wáá ngáá, foló tásu ngilaa hɔ́ndɔ félengɔ puu ngɔ́hitangɔ (1,260) laá lówah̃u. Ná h̃úú vá tɔ́ ndáá háá lé mbélaa félengɔi ngáá ti lɔ́ve táa vá ti ndáá háá lé. Ti w̃ááyilingɔ áá ɣɛ́ lá ngáá kúlai kpatɛngɔ́ ngáá njée kpélengi ngáá áá ngákɛ ngáá kɛ aa lɔ ngáá maaw̃aanú háa.”

FAA YÁKƐ KƆ́LƆI 11:7

Ná taa víla Ngala ndáá háá léma, ngakpa súwai sí áá gúla ndowái sí h̃u kpu ngáá mba, aa lapi ngáá ti ye, í hómbo ti w̃a, í tí váá.

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.

FAA YÁKƐ KƆ́LƆI 14:11

Nduulí ááyaa gúla ngɔmbu hóngi sí yá ngáá áá ɣɛ́a nungáitii maanɔw̃ɔ́ kúnafɔ taa ngí ndá gúnafɔ ɛi víla. Sítii kínɛi taa ngakpa súwai sí hɛ́li ɛ́ɣɛ kɔɔ kɔɔ ŋániitii, ná vólu, tí ngí lókovongi vú ti w̃a, kúnafɔ w̃áánɔw̃ɔi sí taa híya su foló ɛ́ɣɛ kpindí, ndɛɛlɛmbó ngɛi ɣɛ́ su.”

FAA YÁKƐ KƆ́LƆI 15:2

Kɛ ngí ŋáni lɔ́a kulangɔ́ ngáá yívo kpatɛngɔ́ ngáá mɛl̃ɛ mɛl̃ɛí supungɔ́ ngáá ngɔmbuí. Nungáitii ti ɣɛ́i lóóni yívoi sí béla mbakaí Ngala ngí féni ti yaa, í tí yaá. Nungái nátii tɔ ti hómboi hésendaa yakpa suwaí sí w̃á ɛ́ɣɛ kɔɔ kɔɔ́ ŋáni tí kpátɛi kulangɔ́ la aáva taa tokovongí yéɣeni í ngáá nɔ́mbai áá ló ndaahéingi hááw̃a.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 2:26

Wɛ́i wú ndái áa ndoma ɛ́ɣɛ wɛ́i wú gólongɔ áá ló mbú í ló sú í fólo ngetéyangi sí yakɛ́ɛ́lɛmai, ngáá wú wɔ́ ngáá ngakpangí sí ní kɛ́ɛ́ɣɛ í féngɔ ngéya. Ngáá wú wɔ́ ngáá ngakpá ngáá wú bándi bándi héi ndɔwɔlɔítii ma wú w̃ásandai h̃u wú ti woló ngólo kíya nɔ́ɔ fɛɛtó.

FAA YÁKƐ KƆ́LƆI 20:6

Aá lɔ́ ngáá faa vánda sítii faaw̃a Ngalá ngáá vá ti yooɣéma sái h̃u hése. Tiyá lɔ́ na séɣe héɣe Ngala fááw̃a. Saí héle kélei ɛ́i mɔ́ɔ ti w̃áále. Taá ɣɛ́ náá ngáá saáɣa gula mbélaa Ngala mbɛ́ ɛ́ɣɛ Kílisitii ti mɔ́ɔ ɣɛ ngáa masangáá taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 22:5

Kpindí ɛ́i mɔ́ɔ vɛlɛ taa walái ná h̃u aáva lámbo ɔɔ foló kpɛ́ndɛ ɛi mɔ́ɔ ɣɛ nungáitii mba bɔw̃álale Ndemɔí Ngála aa ɣɛ́ ngáá ti lámbo tiyá vá taá ɣɛ́ ngáá ndɔwɔlɔ́ w̃ásangaa kúnafɔ fááw̃a.

FAA YÁKƐ KƆ́LƆI 3:21

Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.

FAA YÁKƐ KƆ́LƆI 4:4

Masa kpɔ́kpɔ púú félengɔ maah̃úú nááningɔ i ɣɛí masa ngwálai bɔ́kpɔngi w̃ááyele mbélengɔ. Kele ɣelé mbélaa púú félengɔ maah̃úú nááningɔ ti ɣɛ́i héini ti h̃u. Ti w̃ááyilingɔ ngáá kula wolé, masa mbɔ́ɔ́lɔi kpatɛngɔ́ ngáá góóli í vɛ́lɛi tí wú mba.

FAA YÁKƐ KƆ́LƆI 6:9

Kɛ Mbaalaí í mɔ́ɔ́ tokovongí lɔ́ɔ́lu kélei w̃áálevenga. Ná ngí wɔ́lɛni na, sítii tí ɣɛ́i tí vááni ngí tí yáfuw̃angaitii tɔní Ngala sááɣa gúla tútui gakála. Tí tí vááni bɔw̃álale tí Ngalangí gééla woí léni aáva tí ló ma.

FAA YÁKƐ KƆ́LƆI 7:3

Malékai ná i ɣɛi áá ɣɛ́ ta, “Waa nɛ́ɛ́ faá ɣɛ́ ngáá ndɔwɔlɔ́i sí ɛ́ɣɛ yívoi taa ngulúitii, í ló su kpóloo ní tokovongí vú Ngalángi yénge mbeláitii tavála.”