FAA YÁKƐ KƆ́LƆI 20:3 - Kɛ́lɛ Niinaí

³ Malékai i Setána víli ndowá wálai na h̃u kpu ngáá mba í ndaabɔ́lu ma, í sítɛnga, i lokovó ndó mba. I ná ɣɛ́ni kɛinɔɔ́ álaa mɔ́ɔ nuu fíli ngákpolowa ngeléi sí wu í ló su kpóloo fówo tásu ngiláángi sí í víla. Ná fówo tásu ngiláángi áá víla, taá bé mba kuu h̃úú lukpúngɔ hááw̃a.

FAA YÁKƐ KƆ́LƆI 20:3 Iomraidhean Croise

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

MÁFIYU 27:66

Tí lií náa tí loko vondó kambái wa ti sóyaitii ndó ná naa w̃ááh̃u béle fááw̃a kɛinɔ́ɔ faa fíli álaa ɣɛ́ na.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 4:15

Nungáitii ti lɛ́ingaa ti gúlangɔɔ le ngáá hakpá súwui í gúlani péle gaalɛ́i w̃a. Ná nɔ́ɔ léi taá Ngála ndaa wói ỹɛ́ni, Setána aa va náa, í Ngála ndaa wói ná gúla ti gi má taa ɣɛ́ mɛniní.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:31

Kɛ ỹína nyɔítii ti Jísu w̃aanɛ́ɛ́nɛnga ká ká ngáá álaa ti lɔ́ve njahááma.

KƆ́L̃E GƆ́LƆI HELE KÉLEI 11:3

Kɛ́ nyá lɔ́ lúwa ngáá sí í ɣɛ́i ngáa Ádau ỹah̃a Íífi ɔ́ɔ́ ɣɛ́ ngáá wú ye. Ná wáá ngáá kíya kaalií í Ádau ỹah̃aí Íífi yakpólowani ngáá ndɛɛ géle ɣélengi ná í fáa ỹɔ́u ɣɛ́i, ngimɔ́ɔ́ nɔ́ɔ tɛ́ingaa h̃u tíwaa vá wú yákpolowama ngáá wɔ́i mɔ́ɔ́ bɔwɔ́ gúla fó fóndei kɛ́lɛma Kílisitii yɛ́.

PÍTƐ GƆ́LƆI HELE KÉLEI 3:8

Mu mbála vandáitii, a waa lééw̃a sí w̃a. Ná áá ɣɛ́ ngáá Ndemɔí Jísu ndá hái h̃u, fowó tásu ngiláángi kulangɔ́ɔ́ lé nɔ́ɔ ngáá folo yílaa aáva folo yílaangi vá kulangɔ́ɔ́ lé nɔ́ɔ múl̃ɔ ngáá fowó tásu ngiláá.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 17:2

Ndɔwɔlɔ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Ngi gɔ́lɔsiyangi i ngélei sí wuu yélaitii sóunga kíya nɔ́ɔ́ ndɔɔ áá nuu hóu ti wú ngángi í vóte ti hítɛ polú.”

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 20:1

Kɛ ngí maléka yiláá tɔ́a áá gúla ngelegóóh̃u, ndówa wálai ná kpú ngáá mba maa kíí i ngeyá ɛ́ɣɛ njɔ́lɔwɔ wála.