FAA YÁKƐ KƆ́LƆI 20:13 - Kɛ́lɛ Niinaí

¹³ Sítii pa ti ɣɛ́i loní njɛ wu, njɛ́i í béi tí wa. Sítii ti háángɔ í ɣɛ́i la, saí í beí tí wa sítii pa ti ɣɛ́i saa yelái ti ỹándai tiyá bɛ́lɛ tí béi ti wa ngáá tí tí kpɛ́lɛɛ kɔ́sɔ kɔwɔ́ato ti gɛ́ɛ́ haí ɛ́ɣɛ ti híya gílii wa.

FAA YÁKƐ KƆ́LƆI 20:13 Iomraidhean Croise

MÁFIYU 11:23

Wɛ́i vangí wú ngáá Kapɛ́ɛ́niya taa h̃u yélaitiini, aa lɔ́ wú gí ma ngáá wú wú nga tɔ́ɔ́ vá yóóɣema í lɛ́ í tó ngeleí wa? Kpéle, wú wú nga tɔ́ɔ́ va yéima ndɔwɔlɔ́i wa fáli. Kááma haítii ngí ti ɣɛngɔ́ wú lái h̃u, kɛbei ngí ɣɛ́i ti ɣɛí taí sí h̃u tɔ́ɔ́ naa lolí ngáá Sɔ́dɔu Ngalá ngí naa ỹáánini sífaa ti ỹáámangɔ í ɣɛ́i la, maa lái ɔ́ɔ́ ɣɛ́ ɣɛi loí na í ló su sí h̃úi í fólo!

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

KƆ́L̃E HESENDAA GƆLƆÍ 15:26

Ngapúmaa waahilima w̃ɔí Kílisitii áá vá ngi háá h̃uu nyááni ma aá waa ngáá sái,

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.

FAA YÁKƐ KƆ́LƆI 2:23

Nyá lɔ́ɔ ngi hítɛ polú yeláitii páá. Ngala fɛ́li mbélaitii kpɛ́lɛɛ taá ɣɛ́ náá suuwɔlɔ́ ngáá kɛ nyá lɔ́ ngí nuu kpɛ́lɛɛ kí ma háá wɔ́lɔ ɛ́ɣɛ ti liivó fáitii. Nyá lɔ́ɔ vá wú yíla ngíla fíli súúhouma kɔwɔ́ato wú lúva veléitii mba.

FAA YÁKƐ KƆ́LƆI 20:12

Kɛ ngí sítii tɔ́a ti háángɔ, sítii ti ɣɛ́i ngáá ndaahéi mbá yélaa ɛ́ɣɛ sítii táá ɣɛ́i ngáá ndaahéi mba yélaa, ti lóóni masa kpɔ́kpɔngi gákala. Kɔlɔí sítii saa yélai ti gɛ́ɛ́ haí ɛ́ɣɛ ti híya gílii vɔ́nɛngɔ ti h̃u, tí tí laawóni, ti mɔ́ɔ kúnafɔ lɛ́ɛ́h̃u gɔ́lɔi laawó. Tí sáá yelái kɔsɔ́ni ngáá ti híya gílii ɛ́ɣɛ ti gɛ́ɛ́ hai kíya pɔnɛngɔ́ í ɣɛ́i la maa gɔ́lɔitii su.

FAA YÁKƐ KƆ́LƆI 20:14

Tí sái ɛ́ɣɛ saa yélai ti ỹándai vílini ngɔmbu hó ngwálai ya. Ngɔmbu hó ngwálai sí yá tɔ́ í ngáá saí helé kéle wómai.

FAA YÁKƐ KƆ́LƆI 21:4

Aa ti yaah̃ú wɔ́lɔyɛi kpɛ́lɛɛ kpále ti yaah̃ú. Aáva sái ɛ́ɣɛ ndiihoolɛ́ ɛ́ɣɛ ngɔ́lɔ taá ndúwu ya fuulɛ́ ɛ́i mɔ́ɔ la ti w̃a kúnafɔ. Faa vɔ́lɔitii taa ɣɛ́ náa vilái.”

FAA YÁKƐ KƆ́LƆI 6:8

Ná ngí wɔ́lɛni na, ngí soí tá lɔ́ni lói na maí i ngáá báhi wúú bóólengɔi. Soí sí híya mɔ́i laahéingi i ɣɛi ngáá Sái. Nuí síí w̃ɔ́i vá taá ɣɛ́ ma Saa Yeláitii Tí Ỹándai, i ɣɛi héini soí sí gɔ́ma Sái í ɣɛ́i áá síya. Tí ngákpa féni tí yaa ngáá nungáitii kpɛ́lɛɛ tí ngélewu tí wɔ́lɛ su ngáá séiw̃aa nááningɔ tí séiw̃aa yílangi váá ngáá kɔ́ɔ, ndɔlɛ, seebɛ ɛ́ɣɛ ngákpa suwaítii.