FAA YÁKƐ KƆ́LƆI 20:12 - Kɛ́lɛ Niinaí

¹² Kɛ ngí sítii tɔ́a ti háángɔ, sítii ti ɣɛ́i ngáá ndaahéi mbá yélaa ɛ́ɣɛ sítii táá ɣɛ́i ngáá ndaahéi mba yélaa, ti lóóni masa kpɔ́kpɔngi gákala. Kɔlɔí sítii saa yélai ti gɛ́ɛ́ haí ɛ́ɣɛ ti híya gílii vɔ́nɛngɔ ti h̃u, tí tí laawóni, ti mɔ́ɔ kúnafɔ lɛ́ɛ́h̃u gɔ́lɔi laawó. Tí sáá yelái kɔsɔ́ni ngáá ti híya gílii ɛ́ɣɛ ti gɛ́ɛ́ hai kíya pɔnɛngɔ́ í ɣɛ́i la maa gɔ́lɔitii su.

FAA YÁKƐ KƆ́LƆI 20:12 Iomraidhean Croise

MÁFIYU 11:22

Kɛ́ nyá lɔɔ́ ndé náa wú w̃a ngáá suu lɔɔ vá ɣɛ́ma ỹɔ́u wú w̃a í lɔ́ve sítii mba ti ɣɛ́i Táya ɛ́ɣɛ Sáidɔ, Ngalángi gɔ́sɔ foloí w̃a.

MÁFIYU 16:27

Sífaa nuí síí w̃ɔ́i taa ɣɛ́ ma Nuu Búsa Goo H̃ú Loí aá lɔɔ vá vaamá taá ngi w̃álekaitii, aá lɔɔ vá ngi Kɛ́ɛ́ɣɛ yákpa maanɛɛnɛɛngí h̃u. Aáva aa nuí kpɛ́lɛɛ mááỹa fe ngáá ngilá ngíla kíya nuu í yénge tokoí áá ɣɛ́ na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:20

Kɛ́ ná fíli su, a waá gooh̃unɛ́ɛ ngáá sífaa sí fíli wáá nde ỹína nyɔítii ma taá kɛ. Kɛ́ wá ɣéle, a gooh̃unɛ́ɛ sífaa wá lɔ́ náá kpaɣaí sí h̃u nungái sítii ndiiwáá táá ɣɛ́ ngelegóóh̃u.”

TI GƐ́Ɛ́ HAÍTII 24:15

Naá nungái sítiini ni gitómai i yíla kpé. Ná wáá ngáá, Ngalá tɔɔ vá telembo mbélaitii ɛ́ɣɛ nyaama yélaitii mbuyoɣéma sái h̃u.

LÓÓMI 2:6

Sí fíli pá nuu áá ɣɛ́ suuhíyai, laá lɔ áá pólu háá w̃ááhɔlɔ.

KƆ́L̃E HESENDAA GƆLƆÍ 4:5

Náá hááw̃a, waá nuu fíli mbááleve p̃ɛ́ɛ́ kɔsɔ́ kuí ɔ́ɔ́ ɣɛ́a foló ma. Ngakɛɛlɛ́ kɔ́sɔngi lɔɔ vá ná h̃u Ndemɔí Jísu áá va vááma ma. A naa w̃áálɛlɛ Ndemɔí Jísu í vá. Laá lɔ sí ndɔɔwungɔ́i áá kula kalá kála ma aáva aa nuu búsai lii h̃ú haítii maa ɣɛ kpál̃au. Táingi ná h̃úu vá, nuí yíla ngílangi kpɛ́lɛɛ aa tɛ ngóó w̃ááhɔlɔ ngáá kule í ma í mááhɔlɔ Ngala ngeyá.

KƆ́L̃E GƆ́LƆI HELE KÉLEI 5:10

sífaa, a mu kpɛ́lɛɛ kɛ mú ló Kílisitii gakála mu gɔsɔ́ fááw̃a. Nuu yíla ngílangi fíli sí áá ɣɛ́ kɛ́ni ngeleí wu i ɣɛi ngáá ngi vánda ɔɔ ngi ỹɔ́u, aa polú háá w̃aahɔ́lɔ.

FÉLEPA 4:3

Ní mbála yengé mɔ́i yɛ́i tókolangɔi í w̃á ngwala ngáá yí bɔ́ mbá, bɔ́ nyah̃ái sítii mba ti woo í ɣɛ́ su yíla. Tiyá lɔ ti bɔ́ngɔ ni wa ngengengí h̃u Ngala ngói hááw̃a naa Kílɛmɛ ɛ́ɣɛ ní mbála yengé mbélaa vekaítii kpɛ́lɛɛ. Nungái sítii ti bɔ́ngɔ mbá ti laahéingai pɔnɛngɔ́ɔ́ lé kúnafɔ lɛ́ɛ́h̃u gɔ́lɔi h̃u.

FAA YÁKƐ KƆ́LƆI 11:18

Sítii taá ngáá í vóngaa ti liiyaw̃ál̃angɔ i ɣɛngɔ lá ngwala, bɔw̃álale faa bámai yáá vá ndáma ɛ́ɣɛ saa yeláitii ti gɔsɔ́ndai i folóa ma. Kuí i folónga ma ngáá yáá vá náa í yénge mbeláitii maaỹáá féma, ná wáá ngáá, í láa haa lé mbélaitii, ɛ́ɣɛ í vóngaitii kpɛ́lɛɛ tiyɛ́i í wúfema í tí yaá, sítii ti ngáá ndaahéi mbá yélaa ɛ́ɣɛ sítii taa ngáá ndaahéi mbá yélaa. Kuí i folónga ma yáá vá sítii kɛ kíli ỹaanimá táa ngelewuí sí ỹááni!”

FAA YÁKƐ KƆ́LƆI 13:8

Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 19:5

Kɛ ngí ngoí ỹɛniá í gúla Ngalángi w̃ása kpɔ́kpɔngi ŋál̃aa véle, ngoí ná i ɣɛi ngáá sí, “Wú kpɛ́lɛɛ wáá wúfe Ngala ma wú ngáá Ngalá ngénge mbélaitii ɛ́ɣɛ nuu kpɛ́lɛɛ taa wúfe ma, ti ɣɛ́i ngáá ndaahéi mbá yélaa ɔɔ taa ɣɛ́i ngáá ndaahéi mbá yélaa, a mú mú Yálangi laaw̃áálɛ!”

FAA YÁKƐ KƆ́LƆI 2:23

Nyá lɔ́ɔ ngi hítɛ polú yeláitii páá. Ngala fɛ́li mbélaitii kpɛ́lɛɛ taá ɣɛ́ náá suuwɔlɔ́ ngáá kɛ nyá lɔ́ ngí nuu kpɛ́lɛɛ kí ma háá wɔ́lɔ ɛ́ɣɛ ti liivó fáitii. Nyá lɔ́ɔ vá wú yíla ngíla fíli súúhouma kɔwɔ́ato wú lúva veléitii mba.

FAA YÁKƐ KƆ́LƆI 20:11

Kɛ ngí mása kpɔ́kpɔ kóle ngwalaí lɔ́a nuí ta í héini su. Ndɔwɔlɔ́ ɛ́ɣɛ ngéleya ti kpɛ́lɛɛ ti ỹɛ́ɛ́nɛi kákala kúnafɔ fááw̃a tɛí belé mɔ́ɔ́ lɔ́.

FAA YÁKƐ KƆ́LƆI 20:13

Sítii pa ti ɣɛ́i loní njɛ wu, njɛ́i í béi tí wa. Sítii ti háángɔ í ɣɛ́i la, saí í beí tí wa sítii pa ti ɣɛ́i saa yelái ti ỹándai tiyá bɛ́lɛ tí béi ti wa ngáá tí tí kpɛ́lɛɛ kɔ́sɔ kɔwɔ́ato ti gɛ́ɛ́ haí ɛ́ɣɛ ti híya gílii wa.

FAA YÁKƐ KƆ́LƆI 20:15

Sítii ti laahéingi vɔnɛ́ngɔ áá ɣɛ́i la kúnafɔ lɛ́ɛ́h̃u gɔ́lɔi h̃u tí tí vílini ngɔmbu hó ngwálai sí ya.

FAA YÁKƐ KƆ́LƆI 21:27

Sí fíli faa ỹɔ́u vóngi í mba, ɛi li taa walái ná h̃u. Ngufe tála haa ɣɛ́ mbélaa ɛ́ɣɛ ndɛɛ gɔ́ɔ́la mbélaa tɛ́i li taa walái ná h̃u. Sítii nɔ́ɔ léi táá vá liimá taa walái ná h̃u, aa ɣɛ ngáá sítii tí laahéingi vɔ́nɛngɔ kúnafɔ lɛ́ɛh̃u gɔ́lɔi h̃u í Mbáálai hááw̃a.

FAA YÁKƐ KƆ́LƆI 22:12

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa! Nyáá ngáá vá ngáá maaỹángaitii aáva ngáá fé nuí fíli ngeyá kɔwɔ́ato sí wa áá ɣɛ́ kɛ́ni.

FAA YÁKƐ KƆ́LƆI 3:5

Wɛ́i wú ndái áá ndoma, wú w̃ááyilingɔ lɔ́ɔ ɣɛ́ lá kúla woléngi h̃u h̃íí na. Ngɛ́i mɔ́ɔ́ wú lááheingaitii kula kúnafɔ lɛ́ɛ́h̃u gɔlɔí h̃u. Ngáá ló ní kɛ́ɛ́ɣɛ yááh̃u taá ngi w̃álekaitii ngí ndé kpál̃au ngáá kɛ wá lɔ́ ngáá ní vóngaa.