FAA YÁKƐ KƆ́LƆI 20:11 - Kɛ́lɛ Niinaí

¹¹ Kɛ ngí mása kpɔ́kpɔ kóle ngwalaí lɔ́a nuí ta í héini su. Ndɔwɔlɔ́ ɛ́ɣɛ ngéleya ti kpɛ́lɛɛ ti ỹɛ́ɛ́nɛi kákala kúnafɔ fááw̃a tɛí belé mɔ́ɔ́ lɔ́.

FAA YÁKƐ KƆ́LƆI 20:11 Iomraidhean Croise

MÁFIYU 11:22

Kɛ́ nyá lɔɔ́ ndé náa wú w̃a ngáá suu lɔɔ vá ɣɛ́ma ỹɔ́u wú w̃a í lɔ́ve sítii mba ti ɣɛ́i Táya ɛ́ɣɛ Sáidɔ, Ngalángi gɔ́sɔ foloí w̃a.

MÁFIYU 24:35

Ngeleíni ngaa ndɔwɔlɔ́i taa váma ɣɛ́ma na kúnafɔ, kɛ́ ndáá wói lɔ ɣɛ́ na kúnafɔ.”

MÁFIYU 25:31

Jísu í mɔ́ɔ́ ɣɛ volú yélaitii ma, “Ná nuí síí w̃ɔ́i taa ɣɛ́ ma Nuu Búsa Goo H̃ú Loí áá vá áá hólo ngi yákpa maanɛɛnɛɛngí h̃u, aáva malékaitii kpɛ́lɛɛ tí mba, ngi gááma w̃asandai h̃u,

LÓÓMI 2:5

Kɛ́ wú wóli h̃u bɔlɔngɔ́ɔ́ lé aáva wú lélenga ngáá wú vóte Ngála mba. Ná vá kɛngɔ́ wá lɔ́ɔ suu ɣɛ́ nɔ́ɔ ỹɔú bɔ́wɔ w̃a ngwala fóloi ná w̃a Ngalangí lííyaw̃al̃a walaí áá vá gúlama kɛ́lɛma. Ná wáá ngáá, ná h̃u Ngalá ngáá vá nuu kpɛ́lɛɛ kɔ́sɔma kahá vó fíli ɛ́i ɣɛ́ mbá.

PÍTƐ GƆ́LƆI HELE KÉLEI 3:7

Kɛ́ ngélewui sí í ná mú su náá Ngalá ndáa wói ná lɔ́ nɔ́ɔ múl̃ɔ í na ngéya ngandɔ́ɔ́lɔngɔ mɔ fááw̃a kúna. Ngandɔ́ɔ́lɔngɔɔ lé ngáá kɛinɔɔ́ folói ná í fólo ma Ngalá ngáá sítii mbaaléve taá faaw̃á ngáá taá véleni í tí ɣɛ kíli ỹaaní.

FAA YÁKƐ KƆ́LƆI 12:8

Kɛ́ kɔí i kaaliini ngaa ngí w̃álekaitii kúlani. Náá hááw̃a, taa mɔ́ɔ loi ngelegóóh̃u.

FAA YÁKƐ KƆ́LƆI 16:20

Ndɔwɔlɔ́itii kínɛi tí w̃ááyele mbélengɔ í ɣɛ́i lá ngáá njɛí, ti w̃áá í bɔ́leni. Ngihéngitii kpɛ́lɛɛ ti ỹɛ́ɛ́nɛ.

FAA YÁKƐ KƆ́LƆI 19:11

Kɛ ngí tɔ́a ngelegóóh̃u laa í wó soo woléngi i ná. Soo woléngi sí híya mɔ́i taa ɣɛ ma Tokola Ma W̃ɔ́ɔ́ ɛ́ɣɛ Tɔɔỹaá W̃ɔ́ɔ́ aáva ngi háá waalévengi ɛ́ɣɛ ngí gɔ́i áá kɔ́ taa ɣɛ́ telembo péle w̃á.

FAA YÁKƐ KƆ́LƆI 20:2

Í kaali wálai sí hóuni í ngáá wɔ́lɔ wɔ́lɔ ma gáálii lɛ́i taa ɣɛ́ ma Ngutuwɔ́ Ỹína Nyɔí ɔɔ Setána, i ngíli ngáá njɔlɔwɔ ngáá í ló ngíli h̃u fowó tásu ngiláá ndáá lówah̃u.

FAA YÁKƐ KƆ́LƆI 21:1

Kɛ ngí ngéleya ɛ́ɣɛ ndɔwɔlɔ́ níínai lɔ́nga. Hésendaa geleáitii í báha yívoi wa ti ỹɛ́ɛ́nɛi.

FAA YÁKƐ KƆ́LƆI 21:5

Kɛ Ngalá lɛ́i í héini masa ngwálai bɔ́kpɔngi ya, i ɣɛa ta, “Nyá ngáá ŋani kpɛ́lɛɛ kpátɛ ngáá ngi níína.” Kɛ i ɣɛ́a má, “Ngoí sítii ngáá nde ti vɔ́nɛ bɔw̃álale tiyá lɔ́ ngáá tɔɔỹaá ɛ́ɣɛ tókola ma wóó.”

FAA YÁKƐ KƆ́LƆI 4:2

Ngáma nɔ́ɔ kɛ Hɛ́ɛ́ma Ỹínangi i vúnga sú, ngí ngelegóóh̃u lɔ masa ngwálai bɔ́kpɔngi i na nuí tá i héini su.

FAA YÁKƐ KƆ́LƆI 6:14

Ná ná í gúlai su, ngeleí w̃áá i gálani kíya nɔ́ɔ taá sába w̃ááɣala í ỹɛ́ɛ́l̃ɛ. Ngihéitii kpɛ́lɛɛ ɛ́ɣɛ ndɔwɔlɔ́itii maayelé mbélengɔi ngáá njɛí ti gúlei.