FAA YÁKƐ KƆ́LƆI 2:9 - Kɛ́lɛ Niinaí

⁹ Ngí wú w̃áánɔw̃ɔitii suuwɔlɔ́. Ngí súúwɔlɔ ngáá kɛ wú ỹááningɔɔ lé. Kɛ́ ngí kítei lé wú w̃á, wú bátɛngɔɔ lé! Faa ỹɔ́i sí kínɛi sítii taá bɔ́wɔ gúla ngáá Júsua kɛ́ táa ngáá Júsua tí ndéngɔ wú hááw̃a, ngí súúwɔlɔ. Tiyá lɔ́ ngáá Setána hitɛ polú yelaa!

FAA YÁKƐ KƆ́LƆI 2:9 Iomraidhean Croise

MÁFIYU 4:10

Kɛ́ Jísu i ngoo yápotei, i ɣɛ ma, “Setána, léve pólu! Pɔnɛngɔ́ɔ́ lé Ngalá Kɔ́lɔi h̃u ngáá sí, í ɣɛ́ngɔ ta, ‘Ndemɔí hɛ́li lɛ́i í ngáá í Yálangi aáva í ɣɛ́ nɔ́ɔ ngáá ngilangɔ́ kpé yáá fɛ́li.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 12:21

Kɛ Jísu í ɣɛ ta, “Ngimɔ́ɔ́ íwaa vá ɣɛ má ngáá nuí fíli áá ŋani bih̃í bih̃i ngándɔɔlɔ bɔwɔ́ hááw̃a ngeleí sí wu kɛ́ ŋani fíli ɛi ɣɛ́ ngeyá Ngalá ngelé péle.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:65

Tí ngɛɛli ngóó vekaa bih̃íw̃aa léni ma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:18

“Ndemɔí Ngalángi Ỹínangi lɔ́ pólu, bɔw̃álale, i lokolongá mbá ngáá ngí kééla woó vándai lé nyaani yélaitii ma. I tɔ́venga ngáá ngí sítii ti wumááwondai w̃ááheehe wó ti ngáá pelésina, ná vólu, ngí mɔ́ɔ sítii mbaló ti ngáá mbole yeláa. Ngí mɔ́ɔ sítii ngumááwo ti ngáá nungáá taa ɣɛ́ faa báma h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:20

Kɛ Jísu i wu mbúyoɣenga, í volú yélaitii kpelé, i ɣɛ ti w̃a, “Wɛ́i wú ỹááningɔi sí h̃úi, aá lɔ́ ngáá faa vánda wú hááw̃a, sífaa Ngalángi w̃ásandai lɔ wú hááw̃a.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

TI GƐ́Ɛ́ HAÍTII 14:22

Ti ɣɛ́i taá kɛ ngáá háwu nungáitii ti h̃úú áa bá ti lángitii sú Jísu haaw̃a. Ná vólu, táá nduwúh̃ulɛ ngáá ti ye ngáá ti ló ti lángitii su kpáŋ. Tí ndéni ti w̃a, ti ɣɛ́ ta, “Kɛ a maá lɔve faa bámaitii su kɛinɔɔ́ a mu wála Ngalángi w̃ásandai wu.”

TI GƐ́Ɛ́ HAÍTII 26:11

Kuu bíh̃iw̃aa hááw̃a, ngí lɔ́ve tɔvéni Ngala fɛ́li máákpɔ wotaítii mbu ngáá faa bá nda ti w̃a, ná vólu, ngáá kpa ti w̃a ngáá kule ngáá ti volu yafé Jísu wa. Ní líí ỹɔí ti haáw̃a i kɛní ngáá háwu ngí li taa walá wála vekaítii su ngáá ngí faa bá ndá ti w̃a.”

LÓÓMI 12:12

Kitomái í wú yáá ná í kɛ́ ngáá háwu wú góóh̃unɛɛngɔ í ɣɛ́ la. Wu lííbangɔ í ɣɛ́ la táingi fíli má faa báma áá vá wú w̃ááh̃u, ná vólu, wú ɣɛ́ nɔ́ɔ fɔ́ wáá Ngala fɛ́li hɔ́wɔ fíli.

LÓÓMI 2:17

Wú lɛ́ingaa wá lɔ́ɔ́ h̃uubákpa ngáá w̃á lɔ́ ngáá Júsua. Wú lókolangɔɔ lé wú híyalai w̃a ngáá Ngala sávai, wáá maayónga tevé ngáá wú wóó lángɔɔ lé ma wáá Ngála.

LÓÓMI 5:3

Ná vólu mɔ́ɔ́, a maá góóh̃unɛɛ maanɔw̃ɔ́itii su taa lá mú w̃a bɔw̃álale, a mú súúwɔlɔ ngáá maanɔw̃ɔ́i lɔ áá kɛ a mu lii í bá.

LÓÓMI 8:35

Ŋani fíli ɔɔ faa fíli áá ná áá kɛ ngáá háwu ndongí í mú lówah̃u a maa Kílisitii maa í léve í lí bɛ́lɛ í tó faa bámai wa, maanɔw̃ɔ́, faa bɔ́lunda taá ndá nuu w̃á, ndɔlɛ gulá ma, nyaaní, mal̃a faa áá ɣɛ́ í ɣɛ́ ngáá nuú, ɔɔ í lí bɛ́lɛ í tó saa wa, ta fíli ɛi mu betéve ndongí wá í mú lówah̃u a maa Kílisitii.

LÓÓMI 9:6

Nuu ɛ́i wɔ́ɔ́ nde ngáá Ngalá ngí ngi gúúlongi ỹáánini bɔw̃álale, nuí kpɛ́lɛɛ táá le ti ngáá Ísulɔ yeláitii tɔ́ɔ ɣɛ́ ngáá Ngalángi vóngaa.

KƆ́L̃E GƆ́LƆI HELE KÉLEI 6:10

Kɛ kíya bɛ́lɛ kulangɔ́ ngáá ni w̃ááw̃aanungɔɔ lé, kɛ́ hɔ́wɔ fíli ni góóh̃unɛɛngɔɔ lé. Kulangɔ́ɔ́ lé ngáá niỹá lɔ ngáá nyaani yélaa kɛ́ niỹá lɔ kɛ ngáá háwu nuu bíh̃iw̃aa táá ɣɛ́ ngáá kpatɛ yélaa. Kulangɔ́ɔ́ lé ngáá ŋani fíli áá ni yaá kɛ́ ná fíli sú, ŋani kpɛ́lɛɛ tɔ́ ní yaá.

KƆ́L̃E GƆ́LƆI HELE KÉLEI 8:2

Ti híyanga faa bɔ́lunda bákpani su, kɛ́ ná fíli sú, hɔ́wɔ fíli ti góóh̃unɛɛngɔ áá ɣɛ lá ngwala aáva, taá kɔ mbó ngáá ngambɔ́ɔ́lɔngɔ ndiiwolé w̃ááh̃u kíya bɛ́lɛ ti ỹááningɔ ngwala.

KƆ́L̃E GƆ́LƆI HELE KÉLEI 8:9

Wú faa wɔ́lɔ kɔwɔ́ato mu Lemɔ́i Jísu Kílisitii háá bɔwɔí wa a mu yɛ. Ná wáá ngáá, kíya bɛ́lɛ kpatɛngɔ í ɣɛ́i la i bɔwɔ́ ɣɛ́i ngáá nyaani w̃ɔ́ɔ́ wú hááw̃a ngáá kɛinɔɔ́ wú bátɛ láa ngi ỹáánii w̃áá vélei w̃a.

TƐSALÓNIKA HESENDAA GƆLƆÍ 3:4

Ná nɛ́nɛ ní ɣɛ́i wú lóów̃a, ní ndéi wú w̃á naa lúwɔ ngáá faa báma lɔɔ vá láma mu w̃a. Aáva kɛ kíya nɔ́ɔ wú kɔ́lɔ wá gíte kpál̃au ngimɔ́ɔ́ nɔ́ɔ jɔ́ í ɣɛ́ngɔ.

TÍMOTI HESENDAA GƆLƆÍ 1:13

I ná ɣɛ́ngɔ mbɛ́ kíya bɛ́lɛ ngɔ́ɔ́ ngoo ỹɔ́u ỹɔ́u nde kɔwɔ́ato Jísu wa, ngí faa bá ndá ma, ngí ngɛ́ɛ́li, kɛ́ Ngalángi mááw̃aanu hóuni bɔw̃álale ngáá ɣɛ́i nɛ́nɛ laí ngáá Jísu aáva ngáá ɣɛ́i kɔ́lɔ ngáá faa ỹɔ́u lɔ́ ngí ɣɛ́i ngáá kɛ.

TÍMOTI HESENDAA GƆLƆÍ 6:18

Nde ti w̃a taayáá faa vánda ɣɛ, ná vólu, ti lóko h̃uulɔ́vengɔ í ɣɛ́ la ngwala kpɔmba hááw̃a nuu kpɛ́lɛɛ mbá. Ti ɣɛ́ ngáá nungáá taá ŋáni hé nuu yáá tɛi bóɣi kpoɣí, ná vólu, ti ɣɛ́ ngaá kɔ mbó mbélaa.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:2

Ngí súúwɔlɔ sí kpɛ́lɛɛ wú kɛ́a. Ngí súúwɔlɔ kíya wú yéngenga ɛ́ɣɛ ndiibángi sí kínɛi wú ngéɣenga. Ngí súúwɔlɔ ngáá kɛ wɛ́i ló nyaama yélaa volu. Aáva wú sítii suugɔvɔ́nga táa ɣɛ́ ta tiyá lɔ́ ngáá Ngalángi géélaa kɛ́ aa ngáá tɔɔỹáá, aáva wú ɣɛ́a náa súuwɔlɔ ngáá kɛ tiyá lɔ́ ngáá ndɛɛ yélaa.

FAA YÁKƐ KƆ́LƆI 2:24

Kɛ́ wɛ́i kínɛi wú Tayatálɔ taa h̃u, wáá kɛ́ngɔ wɔ́ɔ́ hítɛ ti gálambo ỹɔ́u ỹɔungí vólu, wáá nɛ́ɛ́ kɔ́lɔ sí pekáitii taá tolí ngáá Setána lɔwuh̃u háá bikpíngi. Nyáá ngáá ndé wú w̃á ngáá kɛ ngáá mɔ́ɔ́ wú vílima faa véka fíli su kɛ fááw̃a.

FAA YÁKƐ KƆ́LƆI 3:9

A wolílo! Sítii tí ngáá Setána hitɛ polú yeláitii ngáá ndɛɛ yélai nátii, tíwaa ɣɛ́ ta tiyá lɔ́ ngáá Júsua, kɛ́ aa ngáá tɔɔỹáa, nyá lɔ́ɔ vá kɛ́ma tí vá tí lá wú gɔ́wɔ wú. Tí kpɛ́lɛɛ táa ɣɛ́ náá súúwɔlɔ ngáá kɛ ndóngɔɔ lé ngáá wú ye.

FAA YÁKƐ KƆ́LƆI 7:14

Ngí ngóó yápoteni, ngí ɣɛ́ ma, “Kawálai, ngáá ti wɔ́lɔ. Yá lɔ́ yí tí wɔ́lɔ.” Kɛ i ɣɛa ma, “Sítii tɔ́ tí hómbongɔ tí híya faa báma walaí h̃u ngelewu. Tí tí jógbongaitii nguyangɔ fó, ngáá Mbaalai haaɣa hai ỹááw̃ɔi i mbóni í tí wóle fó.