FAA YÁKƐ KƆ́LƆI 2:5 - Kɛ́lɛ Niinaí

⁵ A gisíya ngáá kíya wú híɣenga wú lúva véle vándai wa. A vólu yáfe wú háá ỹɔítii mba, wú vóte sítii mba wú ɣɛ́ngɔ wáá kɛ́ hése. Ná wɔ́i ɣɛ́ vólu yáfei wú háá ỹɔítii mba, nyá lɔ́ɔ́ vá ngí wú ndá góóli lowaí yeɣé vóma.

FAA YÁKƐ KƆ́LƆI 2:5 Iomraidhean Croise

MÁFIYU 5:14

Wá lɔ ngáá lámbo fo kɛ kíli nuu kpɛ́lɛɛ fááw̃a. Taa walá fíli áá ɣɛ́ lói ngihé wú mba, maa ɛ́i lɔ́ɔ́wu.

MÁFIYU 5:15

Nuu ɛ́i lámbo to ɔ́ɔ́ mbala bɔ́ki wu, kɛ́ laá ɣéle, aa sei lámbo seimái mbéi áá ɣɛ́ héi na ngí hóngi áá foló nuu kpɛ́lɛɛ má pɛ́lɛi wu.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:9

Kɛ Jísu i mɔɔningí wónga, i ɣɛ ta, “Ná kpéle w̃ɔ́i sí áá vá, ndeé lɔ áá kɛ? Aa va í kpéle híŋa mbélai nátiini páa, í kpélei he kpelé híŋa mbélaa vekaa yaá siŋa h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:17

Ná vólu, aá lɔ íwaa lí Ndemɔí wutúwɔ ngakpángi h̃u kíya í ɣɛ́i ngáá Iláija. Laa lɔ áa kɛ ngáá háwu ndóu kɛ́ɛ́ɣɛaitii ɛ́ɣɛ ndengáitii ti ɣɛ ngoo yiláá su. Ɛ́ɣɛ múl̃ɔ sítii ti golo lálangɔ Ngalá mbɛ í kɛ ngáá háwu tí ɣɛ́ ngáá sítii kɛ kíli ti golóngɔ Ngalá mbɛ. Ná vólu, í ti ɣɛ kíli batɛ́ Ndemɔí haaw̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:16

Aa vá, i kpelé híŋa mbélai nátiini paa, í kpélei he kpelé híŋa mbélaa vekaa yaá siŋa h̃u.” Kɛ́ ná nungáitii ti fái sí ỹɛ́nini, ti ɣɛ́i ta, “Í lí p̃óu, ná w̃aa hái ɛi ɣɛ p̃ɛ́ɛ́.”

GALÉSIYA 5:4

Wɛ́i va wáá yakpá ngáá wú gólo sávai wu kɛinɔɔ́ wú ɣɛ́ ngáá telembo mbélaa Ngalá ngááh̃u, wú bɔ́wɔ bétevenga Kílisitii wa. Wáá mɔ́ɔ Ngalangí háá bɔwɔí wu.

FÉLEPA 2:15

kɛinɔɔ́ wú ɣɛ́ ngáá faa ỹɔ́u ɣɛ tála yelaa. Ná vólu, wú ɣɛ́ ngáá Ngala ndéngaa, wú w̃ááw̃uỹangɔ í ɣɛ́ la fó ngáá nuu fíli álaa faa ỹɔ́u lɔ wú h̃u ná wú faa ỹɔ́u yélaitii ndiiwáá faa ỹɔ́u yéteyangi sí h̃u. Kɛ́ wú holó ti liiwáá kɛ kíya temúleɣaitii tí na ngeleí ya

HÍBULU 10:32

A gisíya lɛ́ɛ́ ngáá ná h̃u Ndemɔí Ngalángi í tɔɔỹái yakɛ́i ngáá wú yé hése, wú lɔ́vei maanɔw̃ɔ́ bíh̃i bih̃i su laáva wú liilɔ́lɔ ngá.

PÍTƐ GƆ́LƆI HELE KÉLEI 3:17

Faale, mu mbála vandáitii, ná wú fái sí h̃uuwɔlɔ́ náá kílii, kɛ waayaa w̃aah̃ú béle gíte maa hái h̃u ngáá pangɔ́ kɛinɔɔ́ nyaama yélai sítii tí gákangɔ tɔɔỹaá vélei wa, tɔ́ɔ́ vá kɛ wɔ́ɔ́ víli kaka péle wa, tɔ́ɔ wú gúla wú lóó gilí vándai h̃u wú su Ngala fái h̃u.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:24

A mú mu Yála ngiláá kpéngi lɛ lɛ́i í ngáá mu Wúmaawo Mɔ́i! Aa kɛ ngáá háwu a mɔ́i gúla ngi hái h̃u, aáva a mu w̃ááw̃uỹangɔ aa ɣɛ lá fó faa ỹɔ́i yáa, ná vólu, mu ɣɛ́ kooh̃unɛɛ h̃u ndoow̃á ngi háá w̃aanɛɛnɛɛ ngwalaí h̃u. A mu Lemɔ́i Jísu Kílisitii w̃aa véle w̃a, bɛlɛ́ ndaaw̃áá í lɛ, ngufema í ɣɛ́ mbɛ, ná vólu, bɛlɛ́ ngi háá w̃aanɛɛnɛɛ ngwalaí, ngi yákpangi, ɛ́ɣɛ ngi w̃ásandaa walaí tí ɣɛ́i na wɔ́lɔ aáva tí na sí h̃úi, ti ɣɛ na kúnafɔ! Amíína.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 16:9

Folo lúye nduyengí wála bandingɔ́ i ɣɛi lá í pɛ́lɛ nungáitii mɔ́ma ngáá suulɔ́vengɔ. Nungái sítii tí pɛ́lɛ Ngalá ngɛ́ɛ́lima, lɛ́i ngakpá ngí ngeyá faa bámai sítii mááh̃u. Kɛ́ taá kɛi tɔɔ bé tí háá ỹɔítii mba tɔɔ́ Ngalá ndaaw̃áálɛ.

FAA YÁKƐ KƆ́LƆI 2:16

A vólu yáfe wú háá ỹɔítii mba! Ná wɔ́i ɣɛ́ ná ɣɛ́ni, nyá lɔ́ vá wú yéle h̃umbuwa ngí lápi ngáá nátii ngáá mbowá hɔ́kpɔi áá gúla ndá.

FAA YÁKƐ KƆ́LƆI 2:19

Ngí súúwɔlɔ sí kpɛ́lɛɛ wú kɛ́a. Ngí wú lóngi h̃úúwɔlɔ ɛ́ɣɛ tɔ́wɔbaɣai wú sú ngáá ngé taá wú yéngengi ɛ́ɣɛ mɔ́ɔ wú lííbangi. Ngí súúwɔlɔ ngáá kɛ sí wáá kɛ sí h̃úi tɔvengɔ́ɔ́ lé sí w̃á wú ɣɛ́ngɔ wáá kɛ hése.

FAA YÁKƐ KƆ́LƆI 2:2

Ngí súúwɔlɔ sí kpɛ́lɛɛ wú kɛ́a. Ngí súúwɔlɔ kíya wú yéngenga ɛ́ɣɛ ndiibángi sí kínɛi wú ngéɣenga. Ngí súúwɔlɔ ngáá kɛ wɛ́i ló nyaama yélaa volu. Aáva wú sítii suugɔvɔ́nga táa ɣɛ́ ta tiyá lɔ́ ngáá Ngalángi géélaa kɛ́ aa ngáá tɔɔỹáá, aáva wú ɣɛ́a náa súuwɔlɔ ngáá kɛ tiyá lɔ́ ngáá ndɛɛ yélaa.

FAA YÁKƐ KƆ́LƆI 3:19

Nungáitii kínɛi ndóngɔ ngáá ti ye, tiyá lɔ́ ngáá tí háá ỹɔítii kɛ ngáá ti ye, ngí fáa bá ndá tí w̃a ti ɣɛ́ fááw̃a. Faalɔ, a ní hái yeɣé ngáá hɛmbɛ́, wú vólu yáfe wú háá ỹɔítii mba.