FAA YÁKƐ KƆ́LƆI 2:3 - Kɛ́lɛ Niinaí

³ Wú lííbangɔɔ lé, wú fáa bɔ́lunda bih̃íw̃aa w̃ááhɔlɔnga fááw̃a, kɛ́ wáá nɛ́ɛ́ nduwuh̃úgulai wa.

FAA YÁKƐ KƆ́LƆI 2:3 Iomraidhean Croise

Keela woó vándai Máa í pɔ́nɛni kɔwɔ́ato Jísu Kílisitii wa MÁI 15:21

Ná sóyaitii ti ɣɛ́i taa lí ngáá Jísu, ti w̃ɛ́ɛ́ni taa siỹɛndópo yiláá taa ɣɛ́ ma Sáimɔ. I ɣɛi ngáá taí sí h̃uu w̃ɔ́ɔ́ taa naa lolí ngáá Saílini. I ɣɛi áá gúla kpaalaí w̃a, áá va taa walái h̃u. Alɛsáánda ɛ́ɣɛ Lúfɔ ti kɛ́ɛ́ɣɛ i ɣɛi lá. Sóyaitii tí kpáni ma ngáá kule ngáá í lí ngáá Jísu kulɔsíi.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:27

Aáva nuí fíli ɛ́i ɣɛ́ w̃aahéi wóni ngáá ɔ́ɔ́ ha fááw̃a, ɔ́ɔ́ í hítɛ pólu, ɛi ɣɛ ngáá pólu w̃ɔ́ɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:1

Kɛ Jísu i faanɛ́ɛ́ngi sí héinga volú yélaitii ma ngáá í ngakɛ́ ngáá ti ye ngáá ti ɣɛ́ táa Ngala fɛ́li táiŋ fíli má tálaa nduwúh̃ugula wa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:19

Wú lángi í wú h̃u, a ndi ngu ma lá ngáá hɛmbɛ́ fíli ná ná va ngáá ɣɛ́, wáá kúnafɔ lɛ́ɛ́h̃ui w̃aahɔ́lɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:5

Kɛ Sáimɔ i Jísu woo yápotenga, i ɣɛ ma, “Kaamɔ́ɔ́, ni ỹííngɔ p̃íí bɔkɔ́i w̃a yéngema, kɛ́ ŋani yiláá kéle tɔ naá sóuni. Kɛ́ sífaa yí ndengá h̃íí ná, nyá lɔɔ́ nyɛɛ bɛ́ mbów̃aitii pili njɛí wu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:15

Hakpá súwui sítiini pa ti gúlani ndɔwɔlɔ́ vándai w̃a, ti gúlangɔɔ lé ngáá nungái sítii kɛ kíli taá Ngala ngói ỹɛ́ni, tí lokohéi mbu ngáá ndiiwolé aáva tí goló mbu, ti ló su kpáŋ í ló su ti ɣɛ́ ngáá faa váá mbélaa kíya nɔ́ɔ hakpá súwui sítii ti gúlani ndɔwɔlɔ vándai w̃a ti bátɛni ngwala.”

NJƆÚ 15:21

Nungái taa wú h̃úúhou h̃íí bɔw̃álale wá lɔ́ ngáá ní vóngaa, aáva taá kɔlɔ́ nuí í tɔ́vengɔ.

LÓÓMI 12:12

Kitomái í wú yáá ná í kɛ́ ngáá háwu wú góóh̃unɛɛngɔ í ɣɛ́ la. Wu lííbangɔ í ɣɛ́ la táingi fíli má faa báma áá vá wú w̃ááh̃u, ná vólu, wú ɣɛ́ nɔ́ɔ fɔ́ wáá Ngala fɛ́li hɔ́wɔ fíli.

LÓÓMI 16:12

Ngí há Tilefinɔ w̃a ɛ́ɣɛ Tilefosɔ, tiyɛ́i tíwaa yénge Ndemɔí Jísu yɛ. Ngí há mú mbála vandái Pɛse w̃a lɛ́i laa bɛ́lɛ nɔ í yéngenga ngwala Ndemɔí Jísu yɛ.

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

LÓÓMI 8:25

Kɛ́ áá ɣéle, faa lɔ́ ná í ngáá a mu gitómai kɛ́ áá nɛ́ɛ mú yaá aáva a maa náa w̃aalɛ́lɛ ngáá ndiilɔlɔ́.

KƆ́L̃E HESENDAA GƆLƆÍ 13:7

Ndongí aa nuu líílɔlɔ faa kpɛ́lɛɛ sú, í kɛ nda ngí ɣɛ́ maa w̃ɔ́ɔ́ h̃u, í kɛ kitómai kpɛ́lɛɛ í ɣɛ́ ngáá Ngala ɛ́ɣɛ maa w̃ɔ́i liibángɔ aa ɣɛ la ɛ́ɣɛ mɔ́ɔ maa w̃ɔ́i aa ndi nɔ́ɔ ngu ma fɔ́ ngáá maa hái.

KƆ́L̃E HESENDAA GƆLƆÍ 16:16

a gólo ngutuwɔ́ láália sítii mbɛ kɛ kíya Sitɛ́fɛnɔni tí na, ɛ́ɣɛ nuí fíli nɔ́ɔ áá víli ngengengí sí h̃u, í báha ti wa.

KƆ́L̃E GƆ́LƆI HELE KÉLEI 10:15

Faalɔ, nɛí yónga téve nungáá véka ti yénge mbongɔ́ hááw̃a kíya áá ɣɛ́ ngáá ni yénge mbongɔ́. Kɛ́ ní gitómai waa ngáá wú lá ngáá Kílisitii ngwala kɛinɔɔ́ ní ngénge kpíh̃iw̃aa wó wú lííwaa ni gúúwui h̃u Ngala ngí féngɔ ní yaá.

KƆ́L̃E GƆ́LƆI HELE KÉLEI 11:23

Taa ɣɛ́ ta tiyá lɔ́ ngáá Kílisitii yénge mbelaa, nyá bɛ́lɛ ngí ɣɛ́ ta nyá lɔ́ ngáá Kílisitii yénge mɔɔ vanda í lɔ́ve ti wa. Nyá lɔ́ yɛ́pɛ náa ngáá bólowa w̃ɔ́ɔ́ ɣɛ́ kíli. Ngí yéngenga ngwala í lɔ́ve ti wa, ti píli kpindi vɛlɛ́ wu ká ká í lɔ́ve ti wa, tí ndéve bih̃í bíh̃i mboá ngáá ngé, ná vólu, kuu bíh̃iw̃aa w̃ááh̃u ngí ɣɛ́i saa lowá la.

KƆ́L̃E GƆ́LƆI HELE KÉLEI 4:1

Ngalángi yááh̃u w̃aaw̃aanuí w̃áá véle w̃á ni haáw̃a, i ngengengí sí hénga ní yaá, ná hááw̃a, nɛ́i yɔ́ njɔ.

KƆ́L̃E GƆ́LƆI HELE KÉLEI 4:16

Faalɔ, a mu líí ɛ́i ỹááni kɛ kíya bɛ́lɛ mu luwú w̃áá véle a muỹá lɔɔ ỹááni. Kɛ́ ná fíli su, mu h̃uuyáfuw̃angi w̃áá véle w̃a, muỹá lɔ́ɔ lóóla foló yíla ngíla fíli ma.

KƆ́L̃E GƆ́LƆI HELE KÉLEI 5:9

Sí ní gi ngí mba aá wáa ngáá ni sí ɣɛ́ áá Ndemɔí liilá. I ɣɛi ngáá ndɛɛh̃úi sí h̃u ɔ́ɔ́ ndɛɛh̃úi ná h̃u áá vá vaamá,

KƆ́L̃E GƆ́LƆI HELE KÉLEI 6:5

Tí ndéveni mbóa ngáá ni ye, tí ni víli kpindi vɛlɛ́ wu, nuu bɔ́ ngí w̃ɛɛ́nga ni w̃a ndiibándi w̃ááh̃u táá faa bá ndá ni w̃a, ná vólu, ní w̃áálɔve maa w̃ɔ́nɛ wóa ɛ́ɣɛ kuu bíh̃iw̃aa laa lówah̃u nɛí belé lóko w̃ááhɔlɔ nɔɔ́ ỹíí kɛlaa nɔ́ɔ lááỹɛ.

GALÉSIYA 6:2

A waayaa bɔ́ ỹɔw̃ɔ́ ỹɔ́w̃ɔ wá wú háa bɔlundáitii su. Ná wáá ɣɛ́ wáá sí ɣɛ, kɛ wá lɔɔ gólo Kílisitii hávaitii mbu.

GALÉSIYA 6:9

Náá hááw̃a, a málaa bɔ́lɔ ngáá faa vánda ɣɛ́ndaa, sífaa ná a mɔ́i ɣɛ́ bɔ́lɔni, naa hɔwɔí lɔɔ va folóma ma a maá kúlasuunuma w̃aahɔ́lɔ su.

FÉLEPA 2:16

ngáá Ngalángi gééla woo vandaí lendáá nungáitii ma, keela woí sí áá kɛ́ ngáá háwu nuu áá ndɛɛh̃u gítei w̃ááhɔlɔ. A ndi ngu ma ngáá ná ɣɛ́ndaa kɛinɔɔ́ ngí maayónga tevé folói ná w̃á Kílisitii íwaa vá vaamá ma ngáá kɛ mɔ́l̃ɛi sí ngí mbóngɔ aa ngáá mɔ́l̃ɛ gbááma.

FÉLEPA 4:3

Ní mbála yengé mɔ́i yɛ́i tókolangɔi í w̃á ngwala ngáá yí bɔ́ mbá, bɔ́ nyah̃ái sítii mba ti woo í ɣɛ́ su yíla. Tiyá lɔ ti bɔ́ngɔ ni wa ngengengí h̃u Ngala ngói hááw̃a naa Kílɛmɛ ɛ́ɣɛ ní mbála yengé mbélaa vekaítii kpɛ́lɛɛ. Nungái sítii ti bɔ́ngɔ mbá ti laahéingai pɔnɛngɔ́ɔ́ lé kúnafɔ lɛ́ɛ́h̃u gɔ́lɔi h̃u.

KƆLƆ́SE 1:11

Bɛlɛ́ Ngalá ngí wú h̃úúba gite kpáŋ, ná wáá ngáá, suubángi áá gúla Ngalángi yákpa maanɛɛnɛ́ɛ́ngɔi h̃u, kɛinɔɔ́ wú hómbo wu híya faa báma fíli su ngáá ndiibakpá ɛ́ɣɛ ndiilɔlɔ́. Aáva niỹá lɔ́ɔ Ngala fɛ́li ngáá wú ɣɛ́ wáá sɛ́ɣɛɛ gúla Kɛɛɣɛ́i Ngála má ngáá kooh̃unɛɛ, lɛ́i í kɛ́nga ngáá háwu wú hómbonga wú wú ndá yélendai w̃ááhɔlɔ. Ná wáá ngáá, sí í ngandɔ́ɔ́lɔnga ngi vóngaitii fááw̃a ngí w̃ásandai h̃u áá kpíndi h̃u.

TƐSALÓNIKA HESENDAA GƆLƆÍ 1:3

Ngalá lɛ́i í ngáá a mu Kɛ́ɛ́ɣɛ nápa ná naa ɣɛ́ naá fɛ́li, nɛ́i lééw̃a wú w̃a. Sífaa ní gí tɔ nɔɔ́ fɔ́ wú yéngengi h̃u áá gúla ndangí h̃u ɛ́ɣɛ ndongí wú su ngáá Ndemɔí Jísu Kílisitii, ná vólu, kíya wú gítongɔ mba kpáŋ kpáŋ.

TƐSALÓNIKA HESENDAA GƆLƆÍ 2:9

Mu mbála Yalá fɛ́li mbélai, wú gíseingɔ ma gíte kíya nɔ́ɔ ngenge kpá kpangaitii mbó wú lííwaa. Nɔ́ɔ́ yénge fóloni ngaa kpindí kɛinɔɔ́ ni waa háá ɣɛ́ndaa ɔ́ɔ́ va bá nuu fíli ngú mba Ngalángi gééla woo vandaí sí lé fááw̃a í féngɔ ni yaá ngáá ní ndé wú w̃a.

TƐSALÓNIKA HESENDAA GƆLƆÍ 5:12

Mu mbála Yalá fɛ́li mbélai, wú w̃áánɛɛnɛngɔ gítee le ngáá wú ɣɛ́ wáá wúfe sítiini ma tíwaa Ngalá ngéngengi wo wú lííwaa, sítii Ngalá ngí lókolonga ti wa ngáá wú wútuwɔai tiyɛ́i taa ɣɛ́ taa wú lááhi.

TƐSALÓNIKA GƆ́LƆI HELE KÉLEI 3:13

Kɛ́ mu mbála Yalá fɛ́li mbélai, wálaa bɔ́lɔ ngáá fái sítii kɛ́ndaa tí péle w̃a.

TƐSALÓNIKA GƆ́LƆI HELE KÉLEI 3:5

Bɛlɛ́ Ndemɔí í kɛ ngáá háwu wú ɣɛ́ Ngalángi lóngi wɔ́lɔ ɛ́ɣɛ wú ndí ngú ma ngáá ndiibángi Kílisitii áá kɛ́ ngáá háwu wáá maahɔ́lɔ.

TƐSALÓNIKA GƆ́LƆI HELE KÉLEI 3:8

Nuu fíli áá faa ɣɛ́ni ni yɛ yɔ́ɔ́ ɣɛ́ naá sɔ́w̃ɔ hení, kɛ́ laá ɣéle, ni ɣɛ́i naa yénge gíte ngwala folóni ngaa kpindí. Ni ɣɛ́i nɔ́ɔ́ fɔ́ naa yénge ngáá kɛinɔɔ́ ni háá ɔ́ɔ́ vá ɣɛ́ wú tá fíli mbá.

TÍMOTI HESENDAA GƆLƆÍ 4:10

Aáva muỹá lɔ́ɔ w̃ɔ́l̃ɛ máá yakpá ngwala bɔw̃álale mú kpɛ́lɛɛ mú gitóngɔɔ lé Ngalá mba, lɛ́i í ngáá Ngalá ndɛɛh̃ú í su, lɛ́i í ngáá nuu kpɛ́lɛɛ Ngúmaawo Mɔ́i kɛ́ ngu ngi nda mɛ́ɛ́ sítii ma tí langɔ́ la.

TÍMOTI HESENDAA GƆLƆÍ 5:17

Kele gelé mbélai sítii taá ɣɛ́ taa yénge ngáá pangɔ́ wú lííwaa, sí taa ɣɛ́ táá maahɔ́lɔ ngáá ti pávai, aa ɣɛ pele w̃a bɛ́lɛ kɛɣɛ́lai í láma ti yɛ ngu ngí lí í nda mɛ́ɛ́ sítii ma ti yéngengi í ngáá Ngala ngóo lendái ɛ́ɣɛ maa gálambo mbondái.

HÍBULU 10:36

Kule lɔ́ wú w̃a wú líílɔlɔngɔ í ɣɛ́ la kɛinɔɔ́ wááyaa Ngalá fáitii kɛ́, aáva kuulóngai sítii pa Ngalá ngí mbóngɔ ngáá wú yé aa kɛ ngáá háwu ti hítɛ nga.

HÍBULU 12:1

Nungáá bíh̃i bih̃ingí sítii ti híya veléi ɛ́ɣɛ ti gɛ́ɛ́ haítii tɔ taá ngákɛ ngáá mu ye ngáá sí í ngáá ndangí. Faalɔ, a mú bé fái sítii mba taá kɛ́ ngáá háwu sí kule í mú w̃a mú kɛ a mɔí kɛ, ná vólu, faa ỹɔ́u ɣɛ́ndai lɛ́i ɛ́i lómbiya víli mu gɔwɔ́ h̃u. Kɛ́ áa ɣéle, Ngalángi yéngengi í mú wutúwɔ a mú mbó ngáá lií kpɛ́lɛɛ kpɛ́lɛɛ.

HÍBULU 13:13

Náá hááw̃a, muỹá bɛ́lɛ a mu báha mba, mu gula taí wa ngangufé ngí vú mú w̃a kíya ngangufé ngí vúni ma.

HÍBULU 6:10

Ngála ngaa ngáá kahá gúla mɔ́ɔ́. Ɛi leéw̃a ngengengí w̃a wú mbóngɔ mbɛ́ ɛ́ɣɛ ndongí wú ngááh̃u ɣɛ́ngɔ lá ná wú bɔ́ngɔ ngi vóngaitii mba aáva wáá ndi nɔ́ɔ ngu ma kélei ngáá kpɔmbái wáá fé ti yɛ.

HÍBULU 6:12

Naá lói wɔ́ɔ́ ɣɛ́ ngáá saɣá yélaa, kɛ́ aá ɣéle, wú ɣɛ́ kíli í ɣɛ́ ngáá nungáá nda ngáá ɣɛ́ ti h̃u, ti líílɔlɔngɔ. Ná vá kɛngɔ́ taá hómbo tí kuulóngi sítii maahɔ́lɔ Ngala ngí mbóngɔ ngáá ti ye.

HÍBULU 6:15

Aáva Lébilah̃au va i liilɔ́lɔni í naa w̃áálɛlɛ kuulóngi Ngala ngí mbói la í mááhɔlɔ.

PÍTƐ GƆ́LƆI HELE KÉLEI 1:6

Ná ná áá gúla su, wááyaa h̃uuhóu w̃a faa kpɛ́lɛɛ sú, ná vólu, wááyaa liilɔ́lɔ faítii nga, ɛ́ɣɛ mɔ́ɔ wú ɣɛ́ kíya Ngala ndóngɔ wú ɣɛ́ na.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.