FAA YÁKƐ KƆ́LƆI 2:26 - Kɛ́lɛ Niinaí

^26-27 Wɛ́i wú ndái áa ndoma ɛ́ɣɛ wɛ́i wú gólongɔ áá ló mbú í ló sú í fólo ngetéyangi sí yakɛ́ɛ́lɛmai, ngáá wú wɔ́ ngáá ngakpangí sí ní kɛ́ɛ́ɣɛ í féngɔ ngéya. Ngáá wú wɔ́ ngáá ngakpá ngáá wú bándi bándi héi ndɔwɔlɔítii ma wú w̃ásandai h̃u wú ti woló ngólo kíya nɔ́ɔ fɛɛtó.

FAA YÁKƐ KƆ́LƆI 2:26 Iomraidhean Croise

MÁFIYU 10:22

Aáva nungáá kpɛ́lɛɛ taá híli ngáá wú ye sífaa nɔ́ɔ wú ngáá pólu yelaa, kɛ́ nuí fíli áá ló ní hái h̃u í ló su ndɛɛh̃úi ya kɛ́ɛ́lɛmai í foló, Ngalá ngáá ngumááwo.

MÁFIYU 19:28

Kɛ Jísu i ɣɛa ti w̃a, “Ngí tɔ́ɔ́ỹai le wú w̃á, ná nuí síí w̃ɔ́i taa ɣɛ ma Nuu Búsa Goo H̃ú Loí áá ɣɛ́ ngi gáámaa w̃asandai h̃u ngetéya níínai h̃u áá vá kúna, wú púúngɔ wú w̃ááh̃uu félengɔitii wú pólu, wá bɛ́lɛ wáá ɣɛ́ masandáá h̃u, wúwaa nde kpambi púúngɔ maah̃úú félengɔitii kɔsɔ́ ti ngáá Ísulɔ yeláitii.

MÁFIYU 24:13

Kɛ́ nuí fíli áá ló ní hái h̃u, í ló su ngetéyangi yakɛ́ɛ́lɛmai í fólo, Ngalá ngáá ngumááwo.

NJƆÚ 6:29

Jísu i ti woo yápoteni, i ɣɛ ti w̃a, “Sí Ngalá ndongɔ́ wú kɛ aá wáá ngáá, wú lá ngáá nuí sí í tɔvengá.”

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

LÓÓMI 8:37

Kɛ́ faa kpɛ́lɛɛ sú, a mu hombóndaa lɔ́ faa kpɛ́lɛɛ mááh̃u. Aáva sí aa ɣɛ́ h̃íi Jísu Kílisitii w̃aa véle w̃a lɛ́i ndóngɔ ngáá mu ye.

TƐSALÓNIKA HESENDAA GƆLƆÍ 3:5

Háwui ná vá tɔ í kɛ́ngɔ ngí Tímoti lɔvéngɔ wú yéle ngáá í vá í tɔ́ kíya wú lángi ɣɛ́ kíli í na sí h̃úi, sífaa ndíí ɛ́i belé mɔ́ɔ́ lónga. Ngí ɣɛ́ngɔ ngáá gísiya ngáá tɛ́ingaa suugɔvɔ́ mɔ́i Setána aa ɣɛ wú h̃úúgɔvɔnga aáva wáá ɣɛ́ bengá Ngalá fái wa. Ná ná vá ngɔ́ɔ́ ɣɛ́, kɛ ní yéngengi kpɛ́lɛɛ kulasuunúma fíli ɛ́i béle mɔ́ɔ́ ɣɛ́ su.

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

JIMISÍ 2:20

Faa yátɔ mba tála w̃ɔ́ɔ́ waa ngáá í ye, í lóngɔɔ lé ngí ngákɛ naa ngáá í ye kíya pele áá ndángi h̃u nuu áá ɣɛ́ su ngáá Ngalá ɛ́i maah̃ú háá ɣɛ?

NJƆÚ HESENDAA GƆLƆÍ 2:19

Nungái sítiini pa ti gúlai mu liiwáá kɛ́ taá ɣɛ́i gítei ngáá mu tá. Bele ti ɣɛ́i ngáá mu ta, tɔ́ɔ́ ɣɛ́ loí mu gúúwui h̃u, kɛ́ kpétevengi tí mbóngɔ mu wa, ná lɔ í ngakɛ́ngɔ kpál̃au ngáá kɛ taá ɣɛ́ngɔ ngáá mu gúúwui h̃uu yélaa.

NJƆÚ HESENDAA GƆLƆÍ 3:23

Sí vá í ndéngɔ mu w̃a ngáá a mu kɛ́, aá wáa ngáá, mu lá ngáá ngí H̃íỹɛndou Loí Jísu Kílisitii, ná vólu, a mu ló ngáá ỹɔw̃ɔ́ ỹɔ́w̃ɔ kíya nɔ́ɔ Jísu Kílisitii í ndéngɔ mu w̃a ngáá mú kɛ.

NJƆÚ HESENDAA GƆLƆÍ 5:5

Nuí áá hómbo í bɔ́wɔ h̃úuhou ngeleí sí wúu háá ỹɔítii ngeyá, maa w̃ɔ́i waa ngáá nuí sí ndángɔ áá ɣɛ́ lá la ngáá Jísu lɔ í ngáá Ngalángi H̃íỹɛndou Loí.

FAA YÁKƐ KƆ́LƆI 2:11

Nuí faá ỹɛ́ni ngói áá ɣɛ́ í wú mbá, kɛ wólilo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, sái hele kélei ɛi mɔɔ wú w̃áále ná wáá ngáá, tɛí mɔ́ɔ lo wú vílima ngɔmbu hó ngwalaí ya.’ ”

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 20:4

Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 21:7

Nuí fíli ngí ndái áá ndó ma, sí lɔ áá ɣɛ́ maa w̃ɔ́i yɛ, ná waa ngáá, ngáá ɣɛ́ ngáá Ngalá maa w̃ɔ́i hááw̃a, maa w̃ɔ́i va aa ɣɛ ngáá ní lóu.

FAA YÁKƐ KƆ́LƆI 22:5

Kpindí ɛ́i mɔ́ɔ vɛlɛ taa walái ná h̃u aáva lámbo ɔɔ foló kpɛ́ndɛ ɛi mɔ́ɔ ɣɛ nungáitii mba bɔw̃álale Ndemɔí Ngála aa ɣɛ́ ngáá ti lámbo tiyá vá taá ɣɛ́ ngáá ndɔwɔlɔ́ w̃ásangaa kúnafɔ fááw̃a.

FAA YÁKƐ KƆ́LƆI 3:12

Wɛ́i wú ndái áa ndoma, ngáá wú ɣɛ́ ngáá kpɛndɛ ní H̃ɛ́ɛ́ma Yála Pɛ́lɛi wú laáva wɔ́i gúla na kúnafɔ. Ngáá ní Yálangi laahéingi vɔ́nɛ wú w̃á, ngí mɔ́ɔ ngi láá niiná walaí sí taá tolí ngáá Jɛlúsɛl̃ɛ aá vá gúlama ngelegóóh̃u ndaahéingi vɔ́nɛ wú w̃á ɛ́ɣɛ ngí mɔ́ɔ ní lááhei niinái vɔ́nɛ wú w̃á.

FAA YÁKƐ KƆ́LƆI 3:21

Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.

FAA YÁKƐ KƆ́LƆI 3:5

Wɛ́i wú ndái áá ndoma, wú w̃ááyilingɔ lɔ́ɔ ɣɛ́ lá kúla woléngi h̃u h̃íí na. Ngɛ́i mɔ́ɔ́ wú lááheingaitii kula kúnafɔ lɛ́ɛ́h̃u gɔlɔí h̃u. Ngáá ló ní kɛ́ɛ́ɣɛ yááh̃u taá ngi w̃álekaitii ngí ndé kpál̃au ngáá kɛ wá lɔ́ ngáá ní vóngaa.