FAA YÁKƐ KƆ́LƆI 2:25 - Kɛ́lɛ Niinaí

²⁵ Kɛ́ a ndi ngú ma ngáá wú lúva véle vándai sí wú kálanga í ló sú kpóloo ngí vá.

FAA YÁKƐ KƆ́LƆI 2:25 Iomraidhean Croise

NJƆÚ 14:3

Aáva ná ngáá ɣɛ́ lii, ngí ỹandá ɣɛ kíli batɛ́ wú yɛ, ngáá mɔ́ɔ yangáima náá ngáá ngí wú yéɣe wú ɣɛ́ ndóów̃a. Mbéi fíli pá ngáá ɣɛ́ na, naa lɔ náá wá bɛ́lɛ wáá ɣɛ́ na.

TI GƐ́Ɛ́ HAÍTII 11:28

Ti tá yiláá sí ndaahéingi i ɣɛi ngáá Agábɔ i wuyoɣéni, í ló Hɛ́ɛ́ma Ỹínangi yákpangi h̃u, sí í ɣɛ́i áá va ɣɛ́ma, í nde, í ɣɛ ta, “Ndɔlɛ walá lɔɔ vá gulamá, í híya hiyá Lóómi ndɔwɔlɔí sí kpɛ́lɛɛ sú.” Aáva sí i hitɛní nga naa h̃u siỹɛndópoi sí tɔ́ɔ ɣɛ́ ma Kulɔ́diyasi ngi w̃ásandai h̃u.

LÓÓMI 12:9

Wálaa ɣɛ́ nɔ́ɔ wáá kpátɛ ngáá wú lóngɔɔ lé ngáá ỹɔw̃ɔ́ ỹɔ́w̃ɔ kɛ́ ɛi ɣɛ wú líí h̃u. A híli ngáá faa ỹɔ́u ɣɛ́ndai, wú ló ngáá faa vándaitii kɛ́ndaa.

KƆ́L̃E HESENDAA GƆLƆÍ 11:26

Ná wáá ngáá, mbéi hɔ́wɔi fíli wáá biléi sí ỹɛ ɛ́ɣɛ wú sí bɔ́le áá ɣɛ́ kɔ́pungi sí h̃u, kɛ wá lɔɔ́ Ndemɔí Jísu haalái yakɛ́ í ló su kpóloo í vá vólu.

KƆ́L̃E HESENDAA GƆLƆÍ 4:5

Náá hááw̃a, waá nuu fíli mbááleve p̃ɛ́ɛ́ kɔsɔ́ kuí ɔ́ɔ́ ɣɛ́a foló ma. Ngakɛɛlɛ́ kɔ́sɔngi lɔɔ vá ná h̃u Ndemɔí Jísu áá va vááma ma. A naa w̃áálɛlɛ Ndemɔí Jísu í vá. Laá lɔ sí ndɔɔwungɔ́i áá kula kalá kála ma aáva aa nuu búsai lii h̃ú haítii maa ɣɛ kpál̃au. Táingi ná h̃úu vá, nuí yíla ngílangi kpɛ́lɛɛ aa tɛ ngóó w̃ááhɔlɔ ngáá kule í ma í mááhɔlɔ Ngala ngeyá.

TƐSALÓNIKA HESENDAA GƆLƆÍ 5:21

kɛ́ waayaa faa kpɛ́lɛɛ ngásɔbɛ ngáá pángɔ sí áá ɣɛ́ pele w̃a, wú ɣɛ́ ná wa.

HÍBULU 10:23

Sí a máá nde ngáá aá lɔ́ ngáá a mu gitómaa, a mu hóu mba gíte kpé bɔw̃álale, kuulóngi Ngala ngí mbóngɔ a maá lá lá ngáá aá lɔɔ vá sítɛma nga.

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

HÍBULU 4:14

Ná náá Jísu lɛ́i í ngáá Ngalángi H̃íỹɛndou Loí í ngáá a mú Yála sááɣa gula mɔ́ɔ́ walaí i liingá naa wutúwɔɔ véle ngelegóóh̃u, faalɔ, a mú ndí ngu ma ngáá ndangí a máá ndé ngáá a muỹá lɔ́ su la.

PÍTƐ GƆ́LƆI HELE KÉLEI 3:10

Kɛ́ aáva paa holói ná váálai gúlangɔɔ lé ngáá kíya ŋuỹá w̃ɔ́i í na nuu ɣɛ́i ɣɛ́ paa l̃áingi wɔ́lɔ ŋuỹá womái. Aáva ngeleí áá ỹɛɛl̃ɛ́ vóma woo wála h̃u, ngeleya kɔ́lingaitii pa taá w̃ɔ, ti ɣɛ kíli í ỹááni. Ndɔwɔlɔ́i sí vá ɛ́ɣɛ sí kpɛ́lɛɛ í su taá ỹaaní, tɛí mɔ́ɔ ɣɛ́ na.

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.

FAA YÁKƐ KƆ́LƆI 22:7

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!

FAA YÁKƐ KƆ́LƆI 3:11

Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.

FAA YÁKƐ KƆ́LƆI 3:3

Faalɔ, a giséi fái sítii ma wú tí galangá ɛ́ɣɛ sítii wú mɛ́ninga. Wú híya ngáá tí ye wú vólu yáfe wú háá ỹɔítii mba. Ná wɔ́i ɣɛ́ ná ɣɛ́ni, nyá lɔ́ɔ vá vááma wú gɔ́ɔ́la mba h̃ú kíya nɔ́ɔ ŋúỹa w̃ɔ́ɔ́ aáva wɔ́i ɣɛ́ kɔ́lɔ táingi ngáá vá ma.