FAA YÁKƐ KƆ́LƆI 2:21 - Kɛ́lɛ Niinaí

²¹ Ngí kúú hénga nyah̃ápoi sí yáa ngáá í vólu yáfe ngí háá ỹɔítii mba, kɛ́ aa kɛ́ma ɔ́ɔ́ lókogula ngi gɔ́lɔsiyangi h̃u.

FAA YÁKƐ KƆ́LƆI 2:21 Iomraidhean Croise

LÓÓMI 9:22

Ngimɔ́ɔ́ nɔ́ɔ í ná kɔwɔ́ato sí wa Ngalá ngí kɛ́ngɔ. Ngalá ngí ɣɛngɔ́ lói í ngi lííyaw̃al̃ai taá ngí yákpangi yákɛ sítii maa véle w̃a kule í ɣɛ́ngɔ ti w̃a ti ɣɛ kíli í ỹááni. Kɛ́ áá ɣéle, háwui ɔ́ɔ́ kɛ ɔ́ɔ́ ná ɣɛ, aá ɣéle i liilɔ́lɔngɔ ti hái ya.

PÍTƐ HESENDAA GƆLƆÍ 3:20

Sítii ti ɣɛ́i Ngala mɔ́i Nówa ndá yéteyangi h̃u táingi ná h̃u Nówa í ɣɛ́i áá kele ngwálai bátɛ Ngalángi liilɔ́lɔni íwaa naa w̃áálɛlɛ ngáá ti gólo mbɛ kɛ́ taá ɣɛ́i kɛí tɔɔ́ gólo mbɛ, ti yáfuw̃angaitii tɔ laa Kílisitii í maa Yála ngoí ná léi ti w̃a. Nungái taá ɣɛ́i bih̃í, ti w̃áá í wáloni, ti ɣɛ́i nɔ́ɔ ngáá nuu ngwáhakpangɔ njɛ́i í kɛ́ni ngáá háwu ti w̃áá í waloni.

PÍTƐ GƆ́LƆI HELE KÉLEI 3:15

Wú hómbo wú gísei ma gíte ngáá Ndemɔí Jísu liilɔlɔí áá mbo a mu yaá aá lɔ́ nɔ́ɔ na ngáa a mu bɔwɔ́ wúmaawongi hááw̃a kíya nɔ́ɔ a mu mbála Yála fɛ́li mɔ́i Pɔ́ɔ lɛ́i a mu longɔ́ lá laá bɛ́lɛ í kɔ́lɔ vɔ́nɛngɔ wú yéle ngáá kele ɣeléngi sí Ngala ngí féngɔ ngéya í púngɔ su.

PÍTƐ GƆ́LƆI HELE KÉLEI 3:9

A mu Lemɔ́i Jísu h̃uulɛíngɔ láá le paalaí volú ngi gúúlongi hítɛ fááw̃a nga kíya í tí lɛ́ingaa ti gísiyai h̃u, kɛ́ aá ɣéle, aá lɔ́ɔ liilɔ́lɔ wú háá ya bɔw̃álale aa loí kúnafɔ ɣɛ́ kíli ỹaanií ɔ́ɔ́ wó ngáá nuu fíli, kɛ́ aá ɣéle, ndongɔ́ɔ́ lé nuu kpɛ́lɛɛ tí vólu yáfe ti háá ỹɔítii mba.

FAA YÁKƐ KƆ́LƆI 16:11

Ti ɣɛ́i náa taa Ngalá ngɛ́ɛ́li lɛ́i í ngelegóóh̃u. Ti ɣɛ́i taa ná ɣɛ́ kɔwɔ́ato nduwu ya fuulɛ́i wa í ɣɛ́i áá wó ngáá ti ye ɛ́ɣɛ palaítii í ɣɛ́i ti w̃a. Kɛ́ taá kɛi tɔɔ́ bé tí háá ỹɔítii mba.

FAA YÁKƐ KƆ́LƆI 16:9

Folo lúye nduyengí wála bandingɔ́ i ɣɛi lá í pɛ́lɛ nungáitii mɔ́ma ngáá suulɔ́vengɔ. Nungái sítii tí pɛ́lɛ Ngalá ngɛ́ɛ́lima, lɛ́i ngakpá ngí ngeyá faa bámai sítii mááh̃u. Kɛ́ taá kɛi tɔɔ bé tí háá ỹɔítii mba tɔɔ́ Ngalá ndaaw̃áálɛ.