FAA YÁKƐ KƆ́LƆI 2:16 - Kɛ́lɛ Niinaí

¹⁶ A vólu yáfe wú háá ỹɔítii mba! Ná wɔ́i ɣɛ́ ná ɣɛ́ni, nyá lɔ́ vá wú yéle h̃umbuwa ngí lápi ngáá nátii ngáá mbowá hɔ́kpɔi áá gúla ndá.

FAA YÁKƐ KƆ́LƆI 2:16 Iomraidhean Croise

Ɛ́FƐSƆ 6:17

A lokohéi ngumaawóngi wu Ngalá ngáá fé wú yáá í ɣɛ́ ngáá kɔlu wɔɔlɔ́ ɣɛ́ kíli wú wú mba. Ngalá ngói Hɛ́ɛ́ma Ỹínangi áá fe í ɣɛ́ wú yáá ngáá kɔɔ wɔ́ mbówa hɔ́kpɔ ɣɛ kíli.

TƐSALÓNIKA GƆ́LƆI HELE KÉLEI 2:8

Ná ná áá ɣɛ, nyaama ỹáni walaí sí aa va náa aáva Ndemɔí Jísu va aa paa náa paaw̃ái ngáá láá hɛ́fɛngi, í nyaaní pɔ́lɛɣɛ pɔ́lɛɣɛ ngáá ngí múw̃a muw̃angí.

FAA YÁKƐ KƆ́LƆI 1:16

Temúleɣa ngɔ́felangɔ i ɣɛi hóuni ngísa lokói ya. Aáva mbowá hɔ́kpɔ yándiili ndái i mba féle i gúlai ndá. Ngaah̃úi i ɣɛi áá hólo kíya nɔ́ɔ foló yákpangɔ hólo.

FAA YÁKƐ KƆ́LƆI 16:9

Folo lúye nduyengí wála bandingɔ́ i ɣɛi lá í pɛ́lɛ nungáitii mɔ́ma ngáá suulɔ́vengɔ. Nungái sítii tí pɛ́lɛ Ngalá ngɛ́ɛ́lima, lɛ́i ngakpá ngí ngeyá faa bámai sítii mááh̃u. Kɛ́ taá kɛi tɔɔ bé tí háá ỹɔítii mba tɔɔ́ Ngalá ndaaw̃áálɛ.

FAA YÁKƐ KƆ́LƆI 19:15

Mbówa hɔ́kpɔ yándiilingi sí áá vá hómboma lá ndɔwɔlɔ́itii ma ngeleí sí wu i gúlai nda. Aa bandí bándi héi ti w̃a ngí w̃ásandai h̃u aáva aa lɔ́ ti yanjɔ́wɔlɔ mbéi i ngáá Ngakpa Ngála Ngwalaí lííyaw̃al̃a walaí ỹándai áá faa bá ngwála la ná nungáitii ma ti háá ỹɔítii fááw̃a.

FAA YÁKƐ KƆ́LƆI 19:21

Ngakpa súwai sí hóyaitii kpɛ́lɛɛ ti hááni mbowa hɔ́kpɔi sí ya áá gúla nuí sí lá áá ɣɛ héini soí gɔ́ma. W̃ɔniáitii pa tí tí luwú yóitii mɛ́ni ngáá hɛmbɛ́ fíli.

FAA YÁKƐ KƆ́LƆI 2:12

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii maah̃u tí Pɛgɔ́mɔ tai h̃u. ‘Sí lɔ́ í ngáá keela wói áa gúla síí w̃ɔ́i yáa mbowá hɔ́kpɔ yándiili ndái í mba féle í ndá.

FAA YÁKƐ KƆ́LƆI 2:5

A gisíya ngáá kíya wú híɣenga wú lúva véle vándai wa. A vólu yáfe wú háá ỹɔítii mba, wú vóte sítii mba wú ɣɛ́ngɔ wáá kɛ́ hése. Ná wɔ́i ɣɛ́ vólu yáfei wú háá ỹɔítii mba, nyá lɔ́ɔ́ vá ngí wú ndá góóli lowaí yeɣé vóma.

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.

FAA YÁKƐ KƆ́LƆI 22:7

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa!” Aá lɔ ngáá faa vánda sítii faaw̃a táá híya ngáá Ngalá kééla woí sítii pɔnɛngɔ́ kɔlɔí sí h̃u!

FAA YÁKƐ KƆ́LƆI 3:19

Nungáitii kínɛi ndóngɔ ngáá ti ye, tiyá lɔ́ ngáá tí háá ỹɔítii kɛ ngáá ti ye, ngí fáa bá ndá tí w̃a ti ɣɛ́ fááw̃a. Faalɔ, a ní hái yeɣé ngáá hɛmbɛ́, wú vólu yáfe wú háá ỹɔítii mba.