FAA YÁKƐ KƆ́LƆI 2:13 - Kɛ́lɛ Niinaí

¹³ Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:13 Iomraidhean Croise

MÁFIYU 10:23

Ná taá faa bá ndá wú w̃á taa yílaa sú, a w̃aavéla taa vekái h̃u. Ngí tɔɔỹái le wú w̃á, wɔ́i nɛ́ɛ́ ɣɛ folóni Ísulɔ yeláitii ti láitii kpɛ́lɛɛ su p̃ɛ́ɛ́ nuí síí w̃ɔ́i taa ɣɛ́ ma Nuu Búsa Goo H̃ú Lói, í vá.”

MÁFIYU 24:9

Ná nátii taa ɣɛ́ taa ɣɛ́, tiyá lɔɔ vá ɣɛ́ma taa wú hóu, táa wú lókoleve ngáá wú faa bá maahɔ́lɔ taá sái. Aáva ngeléi sí wu yélaitii kpɛ́lɛɛ taá híli ngáá wú yé sífaa wá lɔ ngáá pólu yélaa.

MÁFIYU 4:10

Kɛ́ Jísu i ngoo yápotei, i ɣɛ ma, “Setána, léve pólu! Pɔnɛngɔ́ɔ́ lé Ngalá Kɔ́lɔi h̃u ngáá sí, í ɣɛ́ngɔ ta, ‘Ndemɔí hɛ́li lɛ́i í ngáá í Yálangi aáva í ɣɛ́ nɔ́ɔ ngáá ngilangɔ́ kpé yáá fɛ́li.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:17

Nungáá kpɛ́lɛɛ taá híli ngáá wú ye sífaa nɔ́ɔ wú ngáá pólu yélaa.

TI GƐ́Ɛ́ HAÍTII 22:20

Aáva ná ti ɣɛ́i taá Sitívi vaa lɛ́i ɔ́ɔ́ faa lé nungái ma kɔwɔ́ato í wá, ngí ɣɛ́i na aáva ngí luw̃á ma ngáá tí páa. Ná vólu, ngí ɣɛ́i ngáá nungái nátii ti lóma maah̃u lómangaitii maah̃u béle tiyɛ́i ti ɣɛ́i taá paa.’

TI GƐ́Ɛ́ HAÍTII 9:14

Aáva i vaangá mbéinda ngáá ngakpá áá gúla Ngala sááɣa gula mbélai ti wutúwɔaitii ngeyá ngáá í nuu fíli sóu áá Ngála fɛ́li í lááheingi h̃u.”

TƐSALÓNIKA HESENDAA GƆLƆÍ 5:21

kɛ́ waayaa faa kpɛ́lɛɛ ngásɔbɛ ngáá pángɔ sí áá ɣɛ́ pele w̃a, wú ɣɛ́ ná wa.

TÍMOTI HESENDAA GƆLƆÍ 5:8

Ngala fɛ́li mɔ́i ɛ́i ɣɛ́ ngí vóngaitii mbaa hái yeɣéni ngáá hɛmbɛ́ ngu ngí lí í nda mɛ́ɛ́ ngí vɛ́lɛ lowaí wuu yélai kái kái ma, kɛ ndangí sí nuu áá ɣɛ́ su ngáá Jísu Kílisitii i lokogúlaa su. Laáva kɛ tuva veléi ỹɔ́ungɔɔ lé í lɔ́ve bɛ́lɛ nuí sí wá ɛ́i ɣɛ́ lái ngáá Jísu Kílisitii.

TÍMOTI GƆ́LƆI HELE KÉLEI 1:13

Ló tɔɔỹaá gálambongi sí w̃a ngí í gálangɔ la aáva í ɣɛ́ ngáá tɔmaseí ngáá yááyaa híya la. Ndangí ɛ́ɣɛ ndóngi a maá mááhɔlɔ kpahái wa a maa ɣɛ́ su Jísu Kílisitii wá, í ló í h̃u.

TÍMOTI GƆ́LƆI HELE KÉLEI 2:12

Ná a maa ndí ngu ma ngáá ndiilɔlɔí, ngimɔ́ɔ́ nɔ́ɔ a máá ɣɛ́ masandáá h̃u aa maa Jísu. Ná a maa bééle mba, áá bɛlɛ́ áá beele mu wa.

HÍBULU 10:23

Sí a máá nde ngáá aá lɔ́ ngáá a mu gitómaa, a mu hóu mba gíte kpé bɔw̃álale, kuulóngi Ngala ngí mbóngɔ a maá lá lá ngáá aá lɔɔ vá sítɛma nga.

HÍBULU 3:6

Kɛ́ Kílisitii lɛ́i í ngáá Ngalángi H̃íỹɛndou Loí, áá lɔ ngáá tokola ma w̃ɔ́ɔ́ ngi yéngengi h̃u Ngalángi vóngaitii mááh̃u. A múỹa lɔ́ ngáá Ngalángi vóngaa nɔ́ɔ léi ná ndiibángi ɛ́ɣɛ ndángi áá ɣɛ́ mú h̃u kɔwɔ́ato mu gítomai wa.

JIMISÍ 2:7

Kɛ́mbɛ tiyá lɔ nɔ́ɔ múl̃ɔ taá ndaaheí sínai ná ỹááni wú lókolangɔi ma, kɛ́lɛi?

FAA YÁKƐ KƆ́LƆI 1:5

Ɛ́ɣɛ mɔ́ɔ, ti gúla Jísu Kílisitii yáa lɛ́i í ngáá tɔ́wɔbaɣa héélei í ngáá hésendaa w̃ɔ́i Ngala ngí mbuyoɣéni sái h̃u, ɛ́ɣɛ lɛ́i í ngáá ngakpa mása ngwálai ndɔwɔlɔ́ w̃ásangaitii mááh̃u ngeleí sí wu. Jísu Kílisitii i loi ngáá mu ye, aáva í lɛɛhúi gúlani kɛlɛ́ma ngáá saáɣa haí í mbóni, í mú gúla faa ỹɔ́u ɣɛ́ndaa yakpangí wu.

FAA YÁKƐ KƆ́LƆI 11:3

ná wáá ngáá, foló tásu ngilaa hɔ́ndɔ félengɔ puu ngɔ́hitangɔ (1,260) laá lówah̃u. Ná h̃úú vá tɔ́ ndáá háá lé mbélaa félengɔi ngáá ti lɔ́ve táa vá ti ndáá háá lé. Ti w̃ááyilingɔ áá ɣɛ́ lá ngáá kúlai kpatɛngɔ́ ngáá njée kpélengi ngáá áá ngákɛ ngáá kɛ aa lɔ ngáá maaw̃aanú háa.”

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.

FAA YÁKƐ KƆ́LƆI 13:2

Ngakpá súwai sí ngí tɔ́ni, kulangɔ́ i ɣɛi lá ngáá kɔlíi. Kɔwɔ́i gúlangɔ ngáá ngakpá súwai sí táa tolí ngáá bíyai. Ndaí gúlangɔ ngáá kíya njalai lai í na. Ngakpa súwai sí i ngakpá ɛ́ɣɛ masandáá w̃ááhɔlɔni kaali wálai sí yáa.

FAA YÁKƐ KƆ́LƆI 14:12

Ngoí sí lɔ́ ná ngáá í kɛ́ ngáá háwu Ngalángi vóngaitii tiyɛ́i ti golongɔ́ ngí hávaitii mbu ɛ́ɣɛ ti lɔwɔbáɣangɔ í ɣɛ́ lá Jísu yaá tí liilɔ́lɔngɔ í ɣɛ́ la.

FAA YÁKƐ KƆ́LƆI 17:14

Ngakpa súwai sí ɛ́ɣɛ ngí w̃ása púúngɔitii, tiyá lɔ́ vá ndapi vɛ́lɛma Mbaalaí wá. Kɛ́ Mbaalaí taa polú yélaitii tiyá lɔ́ɔ hómbo ngakpa súwai sí w̃a ɛ́ɣɛ polú yélaitii. Mbaalaí sí lɔ́ ngáá Ndemɔí nde mbélaitii kpɛ́lɛɛ fááw̃a ɛ́ɣɛ masa ngwálai masangáitii kpɛ́lɛɛ fááw̃a aáva polú yélaitii mbaa ngáá sítii Ngala ngí ti lolíngɔ, í lókolo tí wa aáva ti lɔwɔbáɣangɔ ngeyá.”

FAA YÁKƐ KƆ́LƆI 17:6

Nyah̃ápoi sí i ɣɛi Ngalangí vóngai ti ỹááw̃ɔi bɔ́lei ɛ́ɣɛ sítii tí tí vááni bɔw̃álale ti ɣɛ́i lái ngáá Jísu. Ti ỹááw̃ɔi i nyah̃ápoi ná hóuni kíya nɔ́ɔ ndɔɔ áá nuu hóu. Ná ngí tɔ́i, i kíndaa vílini ngwala.

FAA YÁKƐ KƆ́LƆI 2:2

Ngí súúwɔlɔ sí kpɛ́lɛɛ wú kɛ́a. Ngí súúwɔlɔ kíya wú yéngenga ɛ́ɣɛ ndiibángi sí kínɛi wú ngéɣenga. Ngí súúwɔlɔ ngáá kɛ wɛ́i ló nyaama yélaa volu. Aáva wú sítii suugɔvɔ́nga táa ɣɛ́ ta tiyá lɔ́ ngáá Ngalángi géélaa kɛ́ aa ngáá tɔɔỹáá, aáva wú ɣɛ́a náa súuwɔlɔ ngáá kɛ tiyá lɔ́ ngáá ndɛɛ yélaa.

FAA YÁKƐ KƆ́LƆI 3:11

Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.

FAA YÁKƐ KƆ́LƆI 3:3

Faalɔ, a giséi fái sítii ma wú tí galangá ɛ́ɣɛ sítii wú mɛ́ninga. Wú híya ngáá tí ye wú vólu yáfe wú háá ỹɔítii mba. Ná wɔ́i ɣɛ́ ná ɣɛ́ni, nyá lɔ́ɔ vá vááma wú gɔ́ɔ́la mba h̃ú kíya nɔ́ɔ ŋúỹa w̃ɔ́ɔ́ aáva wɔ́i ɣɛ́ kɔ́lɔ táingi ngáá vá ma.