FAA YÁKƐ KƆ́LƆI 2:10 - Kɛ́lɛ Niinaí

¹⁰ Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.

FAA YÁKƐ KƆ́LƆI 2:10 Iomraidhean Croise

MÁFIYU 10:22

Aáva nungáá kpɛ́lɛɛ taá híli ngáá wú ye sífaa nɔ́ɔ wú ngáá pólu yelaa, kɛ́ nuí fíli áá ló ní hái h̃u í ló su ndɛɛh̃úi ya kɛ́ɛ́lɛmai í foló, Ngalá ngáá ngumááwo.

MÁFIYU 10:28

A waa lúwa sítiini mba taá nuu búsai váá, kɛ́ tɛ́i hómbo tɔɔ́ wú h̃úúyafuw̃angi váá. Kɛ́ wá ɣéle, a lúwa Ngalá mba, lɛ́i áá wú h̃úúyafuw̃angini ngaa wú búsai ỹááni pɔ́lɛɣɛ pɔlɛɣɛ njahááma.

MÁFIYU 24:13

Kɛ́ nuí fíli áá ló ní hái h̃u, í ló su ngetéyangi yakɛ́ɛ́lɛmai í fólo, Ngalá ngáá ngumááwo.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:13

Nungáá kpɛ́lɛɛ taá hilí ngáá wú ye sífaa nɔ́ɔ wú ngáá pólu yélaa, kɛ́ nuí fíli áá ló ní hái h̃u í ló su ngetéyangi yakɛɛlɛmái í fólo, Ngalá ngáá ngumááwo.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:35

Sífaa nuí fíli áá ɣɛ́ lói í bɔwɔ́ lɛɛh̃úi w̃ááɣawo, aa waláma. Kɛ́ nuí fíli áá bɔ́wɔ lɛɛh̃úi gúla kɛlɛ́ma nyá fááw̃a ɛ́ɣɛ Ngalángi gééla woo vandaí hááw̃a, maa w̃ɔ́i aa ndɛ́ɛ́h̃ui gítei w̃aahɔ́lɔ.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:12

Kɛ́ faí sítiini kpɛ́lɛɛ tɔɔ ɣɛ́ p̃ɛ́ɛ́ ti ɣɛ, nungáitii taa wú hóu, tí faa báma la wú w̃a. Taá lí ngáá wú ye Ngala fɛ́li máákpɔ wotaítii mbuu wútuwɔaitii ngelé wú gɔ́sɔ fááw̃a aáva taa wú víli kpindi vɛlɛ́i wu. Ná vólu, taá lí ngáá wú ye masa ngwálai walaítii ngelé ɛ́ɣɛ masa kúlo gulóaitii. Sí kpɛ́lɛɛ pá taa ɣɛ́ sífaa wú ngáá pólu yélaa.

NJƆÚ 12:25

Aáva nuí fíli áá ló ngáá bɔwɔ́ lɛɛh̃úi, aa walá ma. Kɛ́ nuí fíli áá gísiɣe bɔ́wɔ lɛɛh̃úi volú ngeleí sí wu, maa w̃ɔ́i aa ngandɔ́ɔ́lɔ kúnafɔ lɛ́ɛ́h̃ui hááw̃a.

NJƆÚ 13:2

I ɣɛi ngáá kpindi yiláá Ngumaawó Kúi w̃ááỹii wó kpɔ́kɔi, Jísuni ngaa polú yélaitii ti ɣɛ́i héini táá mɛɛnií ỹɛ, aáva Ngutuwɔ́ Ỹína Nyɔí i ɣɛi náá vuní Sáimɔ Ɛsikɛ́liyɔ h̃iỹɛndou loí Júdɔ lií h̃u ngáá í Jísu lókoleve.

NJƆÚ 13:27

Aáva ná nɔɔ́ léi Júdɔ í bilé lukpuí ná hóuni Jísu yaá, kɛ Setána i vungá su. Kɛ Jísu va í ndeá Júdɔ w̃a, i ɣɛ ma, “Sí yíwaa vá kɛ́ma, maahulá yí kɛ bála bala.”

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

TI GƐ́Ɛ́ HAÍTII 21:13

Kɛ Pɔ́ɔ i ni woo yápotenga, i ɣɛ ni w̃a, “Ndeé le wúwaa wɔ́lɔ, wáá ndiiỹaaní víli má? Aa nɔ́ɔ léi ngáá ngíli fááw̃a, kɛ́ mááhei wóngɔɔ lé sáá haá ɣéle tɔ ma Jɛlúsɛl̃ɛ Ndemɔí Jísu haaw̃a.”

KƆ́L̃E HESENDAA GƆLƆÍ 9:25

Sí fíli áá ɣɛ́ ngáá maaỹangi maaɣaalí ná h̃u, nuí yíla ngílangi fíli áá ɣɛ́ maa w̃ááɣaali ná wa, aa luw̃á ma ngáá faa fíli í lá ma í kɛ kíli bátɛ kɛinɔɔ́ í maa w̃ááỹangi ná w̃aahɔ́lɔ, kíya bɛ́lɛ maa w̃ááỹangi ná ɛ́i lɛ́mbi. Kɛ́ mu ndái sí múwaa maa yákpa mbo, ɛi ỹaaní kúnafɔ.

Ɛ́FƐSƆ 2:2

Wú lúva veléi i ɣɛngɔ ỹɔu kíya nɔ́ɔ ngeleí sí wuu yélai ti lúva véle ỹɔu ỹɔungí tí na. Lɛ́i í ỹína nyɔítii maah̃u ngelewu, wú gólongɔ i ɣɛngɔ la mbu lɛ́i mɔ́ɔ í sítii maah̃u taá kólo lálai gúla ngáá Ngalá.

Ɛ́FƐSƆ 6:12

Ndapií sí múwaa kɔ, a máa kɔ́ma ngáá a mú mbála nuú búsaa, kɛ́ a muỹá lɔ́ɔ kɔ ngáá ngakpa ŋáni ỹɔu ỹɔungáitii tí ngélewu tiyɛ́i tí h̃úúbangɔ, ti ngáá masangáá, ngakpá ngwála í ti yaa ngetéya súúbindingɔi sí h̃u.

JIMISÍ 1:12

Nuí sí faa bá ngɔ́ɔ́ bɔ́ɔ́ maale ɛ́i lókogula Ngala fɛ́lindai h̃u, aa lɔ́ ngáá faa vánda maa w̃ɔ́i hááw̃a. Aá lɔ́ ngáá faa vánda faaw̃a bɔw̃álale ná áá ló ngi lííbangi h̃u í ló su maa háá bamaí í víla, Ngalá ngáá kúnafɔ lɛ́ɛ́h̃ui hé ngeyá, ndɛɛh̃úi sí í sítii kuulóngɔ lá ti longɔ́i ngáá laá Ngalá.

PÍTƐ HESENDAA GƆLƆÍ 5:4

Kílisitii lɛ́i ngi háá gulangɔ́ ngáá mbaala w̃ááh̃u béle mbélaa ti wutúwɔɔ w̃ɔ́ɔ́ wala, ná áá ɣɛ yangáimai, aa maaỹa pandá wala he náá wú yáa lɛ́i kúnafɔ ngaah̃ú ɛ́i gúla mba.

PÍTƐ HESENDAA GƆLƆÍ 5:8

A w̃aah̃ú béle wú ɣɛ́ wáá wɔ́lɛ w̃a, wú wááhilima w̃ɔ́i Ngutuwɔ́ Ỹína Nyɔí aá lɔ nɔ́ɔ áá lɔ́ve tɔvé váá kíya njala í na, áá nuu wɔ́li ngáá í maa w̃ɔ́i ɣɛ kíli ỹaaní Ngala fái h̃u.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 13:2

Ngakpá súwai sí ngí tɔ́ni, kulangɔ́ i ɣɛi lá ngáá kɔlíi. Kɔwɔ́i gúlangɔ ngáá ngakpá súwai sí táa tolí ngáá bíyai. Ndaí gúlangɔ ngáá kíya njalai lai í na. Ngakpa súwai sí i ngakpá ɛ́ɣɛ masandáá w̃ááhɔlɔni kaali wálai sí yáa.

FAA YÁKƐ KƆ́LƆI 13:7

Ngakpa ngí ɣɛ́i súwai sí yáá táingi sí laa lówah̃u ngáá í lápi ngáá Ngalá ngí vóngaitii í hómbo tí w̃a. Ngakpa ngí ɣɛi ngeyá mɔ́ɔ híítii maah̃u tiyɛ́i taá híí woítii nde bɛ́kpɛ tí gúlangɔ paatiitíí su tí ndɔ́wɔlɔ kpɛ́lɛɛ sú.

FAA YÁKƐ KƆ́LƆI 17:14

Ngakpa súwai sí ɛ́ɣɛ ngí w̃ása púúngɔitii, tiyá lɔ́ vá ndapi vɛ́lɛma Mbaalaí wá. Kɛ́ Mbaalaí taa polú yélaitii tiyá lɔ́ɔ hómbo ngakpa súwai sí w̃a ɛ́ɣɛ polú yélaitii. Mbaalaí sí lɔ́ ngáá Ndemɔí nde mbélaitii kpɛ́lɛɛ fááw̃a ɛ́ɣɛ masa ngwálai masangáitii kpɛ́lɛɛ fááw̃a aáva polú yélaitii mbaa ngáá sítii Ngala ngí ti lolíngɔ, í lókolo tí wa aáva ti lɔwɔbáɣangɔ ngeyá.”

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:9

Ngí wú w̃áánɔw̃ɔitii suuwɔlɔ́. Ngí súúwɔlɔ ngáá kɛ wú ỹááningɔɔ lé. Kɛ́ ngí kítei lé wú w̃á, wú bátɛngɔɔ lé! Faa ỹɔ́i sí kínɛi sítii taá bɔ́wɔ gúla ngáá Júsua kɛ́ táa ngáá Júsua tí ndéngɔ wú hááw̃a, ngí súúwɔlɔ. Tiyá lɔ́ ngáá Setána hitɛ polú yelaa!