FAA YÁKƐ KƆ́LƆI 2:1 - Kɛ́lɛ Niinaí

¹ I mɔɔ ɣɛi ma, “Kééla wói sí vɔ́nɛ malékai sí yéle í Ngála fɛ́li mbélaitii maah̃u ti Ɛ́fɛsɔ taa h̃u. ‘Sí lɔ́ í ngáá keela wói áá gúla síí w̃ɔ́i yáa temúleɣa ngɔ́felangɔitii tí hóuni ngísa lókoi ya ɛ́ɣɛ lɛ́i íwaa lɔ́ve tɔvé góóli lowa ngɔ́felangɔitii ndííwaa.

FAA YÁKƐ KƆ́LƆI 2:1 Iomraidhean Croise

MÁFIYU 18:20

Sífaa mbéi fíli nuu félengɔ ɔɔ nuu sáángɔ táá yátɛmba na ndááheingi h̃u, ngáá ɣɛ ti liiwáá.”

MÁFIYU 28:20

Wú ti galámbo ti híya ngáá faí sítii kpɛ́lɛɛ ngí ndengá wú w̃a ngáá wááyaa ti ɣɛ. Aáva tɔɔỹaá hááw̃a, nyá lɔɔ ɣɛ́ wú vólu hɔ́wɔ fíli í ló sú í foló ngetéyangi sí yakɛ́ɛ́lɛmai w̃a.”

NJƆÚ 5:35

Njɔú gálambongi wó kílii í ɣɛ́i ngáá lámbo kɛ kíli, íwaa hó, aáva i wú líívoni ngáá wú woliló ma kpɛ́ɛ́.

TI GƐ́Ɛ́ HAÍTII 18:19

Kɛ tí folónga Ɛ́fɛsɔ taa walái h̃u aáva naa lɔ Pɔ́ɔ í Pilesílani ngaa Akúila loní na, laá bútei í lí náa Júsua ti Yála fɛ́li máákpɔ wotaí wu áá faa yákula mba, áá ngakɛ́ ngáá Júsuaitii.

TI GƐ́Ɛ́ HAÍTII 18:21

Kɛ́ ná í ɣɛ́i áá pele hóu i nátii kuulóni, i ɣɛ ti w̃a, “Ná Ngalá ngáá lúw̃a ma, ngáá vá volú.” Kɛ i vílinga kélengi h̃u, í gúla Ɛ́fɛsɔ wa.

TI GƐ́Ɛ́ HAÍTII 19:1

Ná h̃u Apólo í ɣɛ́i Kɔ́l̃e taa h̃u, Pɔ́ɔ i kɔndíngi h̃u vélei yeɣéni áá lí ngáá Galésiya lataí h̃uu véle ɛ́ɣɛ Felíjiya lataí h̃u í ló su í fólo Ɛ́fɛsɔ taí h̃u. Naa lɔ í Jísu volú yélaitii tɛingáá w̃ááleni na.

KƆ́L̃E GƆ́LƆI HELE KÉLEI 6:16

Aa ɣéle kɛ náa Ngalángi vɛ́lɛini ngaa kɔɔ kɔ́ɔ́ ŋániaitii taa ti yeɣé ngáá ngalángaa ti bɔ́ faaw̃á? A muỹá lɔ mu ngáá pɛlɛ́ Ngalá ngí sí hááw̃a í ndɛɛh̃úi h̃u kɛ kíya Ngalá ngí í ndéngɔ, í ɣɛ́i ta, “Nyá lɔɔ ɣɛ́ ti loow̃áá ɛ́ɣɛ ngí híya hiyá ti liiwáá, aáva ngáá ɣɛ́ ngáá ti Yálangi, tiyá va tí ɣɛ ngáá ní vóngaa.”

FAA YÁKƐ KƆ́LƆI 1:16

Temúleɣa ngɔ́felangɔ i ɣɛi hóuni ngísa lokói ya. Aáva mbowá hɔ́kpɔ yándiili ndái i mba féle i gúlai ndá. Ngaah̃úi i ɣɛi áá hólo kíya nɔ́ɔ foló yákpangɔ hólo.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 12:1

Kɛ káámaa haa wala i ɣɛ́a ngeleí yá. Nyah̃ápoi i ɣɛi ngeleí yá, folói i ma ngáá kulaí, ngálungi i kɔwɔ́i wu. Masa mbɔ́ɔ́lɔi i ngu mba ngáá kpahái temúleɣaitii ti vɛ́lɛi mba púú maah̃úú féle.

FAA YÁKƐ KƆ́LƆI 2:12

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii maah̃u tí Pɛgɔ́mɔ tai h̃u. ‘Sí lɔ́ í ngáá keela wói áa gúla síí w̃ɔ́i yáa mbowá hɔ́kpɔ yándiili ndái í mba féle í ndá.

FAA YÁKƐ KƆ́LƆI 2:18

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Tayatálɔ taí h̃u. ‘Sí lɔ́ í ngáá keela wói áa gúla Ngalángi H̃íỹɛndou Loí yáa lɛ́i ngaah̃u gɛ́hɛi áa hólo sú í ɣɛ́ ngɔ́mbu hó ɛ́ɣɛ lɛ́i sí kɔwɔ́i w̃aa áá hólo míl̃a mil̃a í ɣɛ́ góóli wuyangɔ́.

FAA YÁKƐ KƆ́LƆI 2:8

I mɔɔ ɣɛi má, “Kééla wói sí vɔ́nɛ malékai sí yéle í Ngala fɛ́li mbélaitii maah̃u tí Símɛna taa h̃u. ‘Sí lɔ́ í ngáá kééla wói áá gúla síí w̃ɔ́i yaá í ngáá hésendaa w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i, lɛ́i í háángɔ, kɛ́ i ndɛɛh̃uu h̃ú múl̃ɔ.

FAA YÁKƐ KƆ́LƆI 3:1

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Sadé tái h̃u. ‘Sí lɔ́ í ngáá keela wói áa gúla síí w̃ɔ́i yaá Ngalángi ỹína ngɔ́felangɔitii ɛ́ɣɛ temúleɣa ngɔ́felangɔitii ti ngéya. Ngí súúwɔlɔ sí wúwaa kɛ. Aá lɔ́ núngaa gí ma ngáá kɛ wá lɔ́ ndɛɛh̃uu h̃ú, kɛ́ wú háángɔɔ lé.

FAA YÁKƐ KƆ́LƆI 3:14

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Leyodésiya tái h̃u. ‘Sí lɔ́ í ngáá keela wói áá gúla síí w̃ɔ́i yáa taa ɣɛ́ ma Amíína í ngáá tɔ́wɔbaɣa w̃ɔ́i ɛ́ɣɛ tɔɔỹáá héélei lɛ́i maa véle w̃a Ngala ngí ŋani kpɛ́lɛɛ kpátɛngɔ.

FAA YÁKƐ KƆ́LƆI 3:7

I mɔɔ ɣɛi má, “Keela wói sí vɔ́nɛ malékai sí yéle í Ngála fɛ́li mbélaitii mááh̃u tí Feladɛ́fiya tái h̃u. ‘Sí lɔ́ í ngáá keela wói áa gúla síí w̃ɔ́i yáa faa ỹɔ́u áa su aáva tɔɔỹáángɔ. Aá lɔ́ kíi í ngéya Masangí Deevé vɛ́lɛi hááw̃a. Ná áa ndááwo, nuu fíli ɛi hombó ɔ́ɔ́ kpɔ́lu aáva ná áa ndaabɔ́lu, nuu fíli ɛí hombó ɔ́ɔ́ ndááwo.