FAA YÁKƐ KƆ́LƆI 19:9 - Kɛ́lɛ Niinaí

⁹ Kɛ malékai i ɣɛa má, “Sí vɔ́nɛ. ‘Aá lɔ́ ngáá faa vánda sítii faaw̃a tí tí lolínga Mbáálai ỹáh̃a wɔlí kuí w̃a.’ ” Kɛ i mɔ́ɔ ɣɛa má, “Ngoí sítii tiyá lɔ́ɔ ngáá tɔɔỹaá gééla woo áá gúla Ngalá ngéya.”

FAA YÁKƐ KƆ́LƆI 19:9 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:16

Sífaa ngi ndé wú w̃a, ngɛ́i mɔ́ɔ Ngumaawó Kuí sí w̃aa ỹɛ́ɛ́ni veka fíli mɛ́ í ló su kpóloo polú hái kái kái í hítɛ nga Ngalángi wásandai h̃u.”

TÍMOTI HESENDAA GƆLƆÍ 1:15

Sí ngáá vá ndéma aá lɔ ngáá tɔɔỹaá wóo, kule lɔ nuu kpɛ́lɛɛ má tí lókohei mbu ɛ́ɣɛ tí lá la, ná wáá ngáá, Jísu Kílisitii i vaangɔ́ ngeleí sí wu ngáá í faa ỹɔ́u yélaitii ngumááwo. Aáva faa ỹɔ́u yélaitii kínɛi su, nyá lɔ ngí ngáá ti wúngi.

TÍMOTI HESENDAA GƆLƆÍ 4:9

Sí ngí ndéngɔ aá lɔ́ ngáá tɔɔỹaá aáva kule lɔ nuu kpɛ́lɛɛ má tí lókohei mbu ɛ́ɣɛ tí lá la.

TÍMOTI GƆ́LƆI HELE KÉLEI 2:11

Sí ngáá vá ndéma aa lɔ ngáá tɔɔỹáa woo. Ná wáá ngáá, ngoí sí ndengɔ ngáá sí, “Ná a maa báha Jísu Kílisitii wa a mu há, ngimɔ́ɔ́ nɔ́ɔ múl̃ɔ a maa báha mba a mu ɣɛ́ ndɛɛh̃ui h̃u.

TÁITƆ 3:8

Ngoí sí va í léngɔ, aá lɔ́ ngáá tɔɔỹaá woo. Ndóngɔɔ lé yí laabákpa fái sítii mba kalambo sú kɛinɔɔ́ sítii ti langɔ́ ngáá Ngalá taayáá faa vándaitii kɛ, ná vá tɔ í ngáá faa vándai maanɛ́ɛ́ngɔ nuu kpɛ́lɛɛ fááw̃a.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 1:19

Faalɔ, sítii yíwaa súúlɔ, kɔ́lɔ vɔ́nɛ kɔwɔ́ato ti wa, ná wáá ngáá, sítii táa ɣɛ́ náa ɛ́ɣɛ sítii táa vá ɣɛ́ma.

FAA YÁKƐ KƆ́LƆI 10:4

Ná léi tí bɔ́ɔ́lɔni, ngí ɣɛ́i loí ngí sítii pɔnɛ tí ndéni kɛ́ ngí ngói ỹɛ́nini í gúla ngelegóóh̃u, i ɣɛ ma, “Faí sítii ngele bandɛ́ ngɔ́felangɔitii tí ndéngɔ kɛ ngáá ndɔɔwu h̃u haa, yálaa ti vɔ́nɛ!”

FAA YÁKƐ KƆ́LƆI 14:13

Kɛ ngí ngoí ỹɛ́ninga í gúla ngelegóóh̃u, i ɣɛ ta, “Sí vɔ́nɛ. Í séi náa sí h̃úi w̃á í lí ngáá naá wútuwɔ, aa lɔ́ ngáá faa vánda sítii kínɛi mbɛ́ taa lá ngáá Ndemɔí tí wála lɛɛh̃úi w̃a faaw̃a.” Hɛ́ɛ́ma Ỹínangi i ndéni, i ɣɛ ta, “Tɔɔỹáá lé. Tiyá lɔ́ɔ vá liivó kɛ́ma ngáá ndɛɛlɛmbó ti yénge kpa kpangí yá, bɔw̃álale, ná lɔ́ í ngáá kulasuunumái ti yénge pandaí hááw̃a.”

FAA YÁKƐ KƆ́LƆI 17:1

Kɛ malékaa ngɔ́felangɔi páni ngɔ́felangɔi í ɣɛ́i ti yaá ngilángi i vaá, i ɣɛ má, “Vá, ngí fáá bámai ɣɛ́ ngáá í ye áá vá láma kɔlɔsiyá mɔ́ɔ́ walaí sí w̃á, ná wáá ngáá, taa walái ná tongɔ́ njɛ bíh̃i kpih̃ingi béla.

FAA YÁKƐ KƆ́LƆI 17:17

Ngala ngí kɛngɔ́ ngáá háwu masa púúngɔi nátii ti gi mái í ɣɛ́ yílaa sí Ngala ndóngɔ í ɣɛ́ tí kɛ. Ná wáá ngáá, tí woo í ɣɛ́ su yílaa, tí tí yákpangi hé ngakpa súwai sí yaá ngáá í másandai ɣɛ í ló sú kpóloo Ngalá ndáá woí í hítɛnga.

FAA YÁKƐ KƆ́LƆI 2:1

I mɔɔ ɣɛi ma, “Kééla wói sí vɔ́nɛ malékai sí yéle í Ngála fɛ́li mbélaitii maah̃u ti Ɛ́fɛsɔ taa h̃u. ‘Sí lɔ́ í ngáá keela wói áá gúla síí w̃ɔ́i yáa temúleɣa ngɔ́felangɔitii tí hóuni ngísa lókoi ya ɛ́ɣɛ lɛ́i íwaa lɔ́ve tɔvé góóli lowa ngɔ́felangɔitii ndííwaa.

FAA YÁKƐ KƆ́LƆI 2:12

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii maah̃u tí Pɛgɔ́mɔ tai h̃u. ‘Sí lɔ́ í ngáá keela wói áa gúla síí w̃ɔ́i yáa mbowá hɔ́kpɔ yándiili ndái í mba féle í ndá.

FAA YÁKƐ KƆ́LƆI 2:18

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Tayatálɔ taí h̃u. ‘Sí lɔ́ í ngáá keela wói áa gúla Ngalángi H̃íỹɛndou Loí yáa lɛ́i ngaah̃u gɛ́hɛi áa hólo sú í ɣɛ́ ngɔ́mbu hó ɛ́ɣɛ lɛ́i sí kɔwɔ́i w̃aa áá hólo míl̃a mil̃a í ɣɛ́ góóli wuyangɔ́.

FAA YÁKƐ KƆ́LƆI 2:8

I mɔɔ ɣɛi má, “Kééla wói sí vɔ́nɛ malékai sí yéle í Ngala fɛ́li mbélaitii maah̃u tí Símɛna taa h̃u. ‘Sí lɔ́ í ngáá kééla wói áá gúla síí w̃ɔ́i yaá í ngáá hésendaa w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i, lɛ́i í háángɔ, kɛ́ i ndɛɛh̃uu h̃ú múl̃ɔ.

FAA YÁKƐ KƆ́LƆI 21:5

Kɛ Ngalá lɛ́i í héini masa ngwálai bɔ́kpɔngi ya, i ɣɛa ta, “Nyá ngáá ŋani kpɛ́lɛɛ kpátɛ ngáá ngi níína.” Kɛ i ɣɛ́a má, “Ngoí sítii ngáá nde ti vɔ́nɛ bɔw̃álale tiyá lɔ́ ngáá tɔɔỹaá ɛ́ɣɛ tókola ma wóó.”

FAA YÁKƐ KƆ́LƆI 22:6

Kɛ malékai i ɣɛa má, “Ngoí sítii kpɛ́lɛɛ yí mɛ́ningɔ tiyá lɔ́ ngáá tɔɔỹaá ɛ́ɣɛ tokolá ma wóo. Ndemɔí Ngála, lɛ́i í ngí Ỹínangi héngɔ laa háá lé mbélaitii ngeyá, í ngi w̃álekai lɔ́venga ngáá í ngákɛ ngáá ngi yénge mbélaitii sí kule í ma áá vá ɣɛ́ma h̃úmbuwa.”

FAA YÁKƐ KƆ́LƆI 3:1

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Sadé tái h̃u. ‘Sí lɔ́ í ngáá keela wói áa gúla síí w̃ɔ́i yaá Ngalángi ỹína ngɔ́felangɔitii ɛ́ɣɛ temúleɣa ngɔ́felangɔitii ti ngéya. Ngí súúwɔlɔ sí wúwaa kɛ. Aá lɔ́ núngaa gí ma ngáá kɛ wá lɔ́ ndɛɛh̃uu h̃ú, kɛ́ wú háángɔɔ lé.

FAA YÁKƐ KƆ́LƆI 3:14

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Leyodésiya tái h̃u. ‘Sí lɔ́ í ngáá keela wói áá gúla síí w̃ɔ́i yáa taa ɣɛ́ ma Amíína í ngáá tɔ́wɔbaɣa w̃ɔ́i ɛ́ɣɛ tɔɔỹáá héélei lɛ́i maa véle w̃a Ngala ngí ŋani kpɛ́lɛɛ kpátɛngɔ.

FAA YÁKƐ KƆ́LƆI 3:20

A wolílo! Nyá lɔ́ lói pɛlɛ́i la, ngíwaa túba. Ná nuu fíli áá ngóó ỹɛ́ni, í ndááwo, ngáá vá mbu maa w̃ɔ́i yéle, náa láá ni héi ní lááỹɛ ỹanda yílaa.

FAA YÁKƐ KƆ́LƆI 3:7

I mɔɔ ɣɛi má, “Keela wói sí vɔ́nɛ malékai sí yéle í Ngála fɛ́li mbélaitii mááh̃u tí Feladɛ́fiya tái h̃u. ‘Sí lɔ́ í ngáá keela wói áa gúla síí w̃ɔ́i yáa faa ỹɔ́u áa su aáva tɔɔỹáángɔ. Aá lɔ́ kíi í ngéya Masangí Deevé vɛ́lɛi hááw̃a. Ná áa ndááwo, nuu fíli ɛi hombó ɔ́ɔ́ kpɔ́lu aáva ná áa ndaabɔ́lu, nuu fíli ɛí hombó ɔ́ɔ́ ndááwo.