FAA YÁKƐ KƆ́LƆI 19:14 - Kɛ́lɛ Niinaí

¹⁴ Ngelegóóh̃u hóyaitii ti ɣɛ́i polú tí soo woléngaitii kɔma, ti w̃ááyilingɔ ngáá kula wolé pándaitii ti wúyangɔ fó.

FAA YÁKƐ KƆ́LƆI 19:14 Iomraidhean Croise

MÁFIYU 21:5

“Nde nungáitii má tí Jɛlúsɛl̃ɛ, yí ɣɛ́ tí w̃a, ‘A wɔlɛ lɛ́ɛ́! Wú w̃ásangi béle íwaa vá wú yéle. Aá ngáá suuwɔɔlɔ́ w̃ɔ́ɔ́, aá lɔ́ héini soohaaléngi gɔ́ma ɛ́ɣɛ soohaalé njivoí áá siya.’ ”

MÁFIYU 26:53

Yáá kɔ́lɔ ngáá ngɔ́ɔ́ ní Kɛ́ɛ́ɣɛ Ngalá tóli ngáá í bɔ́mba, aáva ɔ́ɔ́ maléka tásu kpih̃íw̃aa lɔ́ve ngéle?

MÁFIYU 28:3

Kɛ kíli gúlangɔ í ɣɛi la ngáá kíya ngeleí áá ɣɛ́ míỹa míỹa, ngi gúlai wólengɔ i ɣɛi la fó fo kíya kpéi hɛ́mgbɛi í na.

TƐSALÓNIKA GƆ́LƆI HELE KÉLEI 1:7

Aáva wɛ́i wúwaa w̃áánɔw̃ɔ, aa wú gúla wú w̃áánɔw̃ɔi h̃u niỹá bɛ́lɛ nɔ́ aa ni gúla ni w̃áánɔw̃ɔi h̃u. Aá lɔɔ vá sí ɣɛ́ma ná Ndemɔí Jísu áá gúla ngelegóóh̃u í va taá ngi w̃áleka yakpangɔ́ wálaitii ngɔmbu hó ngwálai h̃u.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:14

Siỹɛndópoi sí tɔ́ɔ́ ɣɛ ma Íínɔ, Ádau í ɣɛ́i ngáá ngi káwala wɔ́lɔ í Ngalá ndáa háá léni kɔwɔ́ato nungái sítii mba, í ɣɛ ta, “A wɔ́lɛ lɛɛ! Ndemɔí lɔ́ɔ́ vá ngáá tasu bih̃i kpih̃i hɛ́ɛ́ma w̃álekaitii su

FAA YÁKƐ KƆ́LƆI 14:1

Kɛ ngí wɔ́lɛa, ngí Mbáálai lɔ́ i lóóni taa nuu tásu seiw̃aá hɔ́ndɔ ngiláá púu nááningɔ maah̃úú nááningɔitii (144,000) ngihéngi sí wú mbá taa tolí ngáá Sáỹa. Nungái nátii tɔ Mbaalaí taa ngí Kɛ́ɛ́ɣɛ ti laahéingi vɔ́nɛngɔ í ɣɛ́i la ti lavála.

FAA YÁKƐ KƆ́LƆI 14:20

Ti gilépiitii fɔɔỹái gilépi lowaí ná h̃u taa walaí sí bélaa aáva ŋaaw̃ɔí í gúlai gilépii yanjɔ́wɔlɔ ndówai ná h̃ú i ɣɛi áá yéi kíya nɔ́ɔ njei yɛ́ ááyaa yéi. Ŋaaw̃ɔi sí h̃úú í ɣɛ́i gooh̃á í híti foló ndɔ́ɔ́lungɔ híya mbomáá h̃u aáva mbuu hulú kíli ɔ́ɔ́ nuu w̃áábɔle votó.

FAA YÁKƐ KƆ́LƆI 17:14

Ngakpa súwai sí ɛ́ɣɛ ngí w̃ása púúngɔitii, tiyá lɔ́ vá ndapi vɛ́lɛma Mbaalaí wá. Kɛ́ Mbaalaí taa polú yélaitii tiyá lɔ́ɔ hómbo ngakpa súwai sí w̃a ɛ́ɣɛ polú yélaitii. Mbaalaí sí lɔ́ ngáá Ndemɔí nde mbélaitii kpɛ́lɛɛ fááw̃a ɛ́ɣɛ masa ngwálai masangáitii kpɛ́lɛɛ fááw̃a aáva polú yélaitii mbaa ngáá sítii Ngala ngí ti lolíngɔ, í lókolo tí wa aáva ti lɔwɔbáɣangɔ ngeyá.”

FAA YÁKƐ KƆ́LƆI 19:11

Kɛ ngí tɔ́a ngelegóóh̃u laa í wó soo woléngi i ná. Soo woléngi sí híya mɔ́i taa ɣɛ ma Tokola Ma W̃ɔ́ɔ́ ɛ́ɣɛ Tɔɔỹaá W̃ɔ́ɔ́ aáva ngi háá waalévengi ɛ́ɣɛ ngí gɔ́i áá kɔ́ taa ɣɛ́ telembo péle w̃á.

FAA YÁKƐ KƆ́LƆI 19:8

Nyah̃ápoi sí w̃ááyilingɔɔ lé ngáá kula wolé pánda Ngalá ngí féngɔ mbɛ.” Kula woléngi sí lɔ́ áá lo Ngalangí vóngaitii ti lúva velé vándai hááw̃a.

FAA YÁKƐ KƆ́LƆI 3:4

Kɛ́ wú lɛ́ingaa wú Sadé nɛ́nɛ, wú gúlaitii kp̃ɔɔŋngɔ́ laá le, ná wáá ngáá, faa ỹɔ́u áá wú h̃u. Maa wúyeni tɔ máá vá ɣɛ́ma vólu kúla woléngi h̃u, bɔw̃álale wú lúva veléi í ngákɛnga ngáá kɛ wú gúlaɣɛngɔ le ngáá maa wúyeni a mu ɣɛ́ vúlu.

FAA YÁKƐ KƆ́LƆI 4:4

Masa kpɔ́kpɔ púú félengɔ maah̃úú nááningɔ i ɣɛí masa ngwálai bɔ́kpɔngi w̃ááyele mbélengɔ. Kele ɣelé mbélaa púú félengɔ maah̃úú nááningɔ ti ɣɛ́i héini ti h̃u. Ti w̃ááyilingɔ ngáá kula wolé, masa mbɔ́ɔ́lɔi kpatɛngɔ́ ngáá góóli í vɛ́lɛi tí wú mba.

FAA YÁKƐ KƆ́LƆI 7:9

Ná sí í gúlani su, ngí wɔ́lɛni ngí faŋaí lɔ sí nuu fíli ɛ́i belé hómbo ɔ́ɔ́ ti báɣa. Tiyá lɔ́ bɛ́kpɛ tí gúlani paatiitíí su tí ndɔwɔlɔ́i kpɛ́lɛɛ su ɛ́ɣɛ híítii su taa ti laawóitii ndé ngeléi sí wu. Faŋaí í ɣɛi vúúni masa ngwálai bɔ́kpɔngi ɛ́ɣɛ Mbaalaí gakála. Tí w̃ááyilingɔ ngáá jobgo kólengaitii, ndɔɔ laɣái í hói tí yaá.