FAA YÁKƐ KƆ́LƆI 19:10 - Kɛ́lɛ Niinaí

¹⁰ Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 19:10 Iomraidhean Croise

MÁFIYU 4:10

Kɛ́ Jísu i ngoo yápotei, i ɣɛ ma, “Setána, léve pólu! Pɔnɛngɔ́ɔ́ lé Ngalá Kɔ́lɔi h̃u ngáá sí, í ɣɛ́ngɔ ta, ‘Ndemɔí hɛ́li lɛ́i í ngáá í Yálangi aáva í ɣɛ́ nɔ́ɔ ngáá ngilangɔ́ kpé yáá fɛ́li.’ ”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 5:22

I ɣɛi nɔ́ɔ lóóni njɛí la, kɛ Ngala fɛ́li máákpɔ wotaí wu wútuwɔ w̃ɔ́ɔ́ yiláá tɔ́ɔ́ ɣɛ́ ma Jáilɔ i vaangá na. Ná í Jísu lɔní, í láni mbɛ,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:25

Aá ɣéle p̃ɛ́ɛ́, nyah̃ápoi sí ỹína nyɔí í ɣɛ́i ngi ỹáh̃alou loí vólu, ná nɔ́ɔ léi í Jísu w̃aa woo ỹɛ́nini, i liiní, í lá Jísu yɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:19

Kɛ malékai i Sakaláya woo yápotenga, i ɣɛ ma, “Ndááhei mbáá ngáá Gébilɛ. Nyá lɔ nɔ́ɔ Ngala ndóow̃a hɔ́wɔ fíli. Aáva tɔ í tɔ́vengɔ ngáá ngí keela woó vándai sí lé í w̃á.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:44

Kɛ i ɣɛa ti w̃a, “Sí lɔ ngí ndéni wú w̃a ná h̃u ngí ɣɛ́i wú lííwaa ngáá kɛ sí kpɛ́lɛɛ pɔnɛngɔ́ kɔwɔ́ato mbá Ngala Kɔ́lɔi h̃u Muusé í pɔ́nɛni ɛ́ɣɛ sí Ngalá ndaa háá lé mbélaitii tí pɔnɛní i hítɛ nga. Ná vólu, ɛ́ɣɛ sí pɔnɛngɔ́i kɔlɔí sí h̃u taá tolí ngáá Ngala Fɛ́li Ngúle Gɔlɔí.”

NJƆÚ 5:39

Wáá ndáma tɔ́ wúwaa Ngalá Kɔ́lɔi galá bɔw̃álale aá lɔ wú gí mai h̃u ngáá laá lɔ áá kúnafɔ lɛ́ɛ́h̃ui w̃aahɔ́lɔ kíli ɣɛ ngáá wú ye. Aáva Ngala Kɔ́lɔi sí kái kái pá, aá lɔɔ yɛ́pɛ kɔwɔ́ato mbá.

TI GƐ́Ɛ́ HAÍTII 10:43

Ngalá ndaa háá lé mbélai kpɛ́lɛɛ ti yɛ́pɛni kɔwɔ́ato Jísu wa ngáá nuí fíli áá lá la, ngi háá ỹɔítii suuhaa áá lo ndaahéingi h̃u.”

TI GƐ́Ɛ́ HAÍTII 13:27

Aáva Jɛlúsɛl̃ɛ yélaitii ɛ́ɣɛ naa wutúwɔaitii taá ɣɛ́i kɔlɔ́ ngáá ele wáá ngáá Jísu kɛlaa tɔɔ́ Ngalá ndaa háá lé mbélaitii ndaa wói yatɔ́ mba, nuu áá kalá Júsuai ti Lɛ́ɛ́lɛmbo Ngála Fɛ́li Fóloi fíli ma. Ná fíli sú, tí kɛ́ni ngáá háwu Ngalá ndaa háá lé mbélai ti laa wói í hítɛnga ngáá pelé lálai tí kulaní lá, tí páa.

KƆ́L̃E GƆ́LƆI HELE KÉLEI 8:7

Wú lóko h̃uulɔ́vengɔɔ lé faa kpɛ́lɛɛ su. Ná wáá ngáá, ndá ngi wú su ngáá Jísu Kílisitii ɛ́ɣɛ Ngalángi gééla woo lendái wú yɛ́ ɛ́ɣɛ kele ɣélengi wú kálangɔ ɛ́ɣɛ kíya kpɔmba wóndai í wú líí wa ngwala ɛ́ɣɛ ndóngi wú sú ngáá ni ye. Faalɔ, ndóngɔɔ lé wú lóko h̃uulɔ́vengɔɔ í ɣɛ́ la ndiiwolé lóko bɔmbaí háá h̃u.

Ɛ́FƐSƆ 5:15

Faalɔ, a w̃aah̃ú béle ngáá sí wáá nde ɛ́ɣɛ sí wáá kɛ, tí ɣɛ́ ngáá kele ɣéle faa. Wú lúva veléitii tálaa ɣɛ́ ngáá kíya sítii taa faa wɔ́lɔ.

Ɛ́FƐSƆ 5:33

Kɛ́ wá bɛ́lɛ aá lɔ wú hááw̃a jɔ́. Kule lɔ siỹɛ́ fíli má í ló ngáá ngi ỹáh̃ai kíya nɔ́ɔ ndongɔ́ ngáá bɔwɔ́ aáva kule lɔ nyah̃á fíli má i wúfe ngi h̃iỹɛ́ngi w̃a.

FÉLEPA 3:3

Ná wáá ngáá tɔvé pɛlɛ vólu hái, a muỹá gíte lɔ mu lɔ́vɔngɔ pɛlɛ́ vólu ngáá tɔɔỹaá kɛ́ tiyá laa le, bɔw̃álale a muỹá lɔɔ́ Ngalángi hɛ́li ngi Hɛ́ɛ́ma Ỹínangi bɔ́mbai w̃aa véle w̃a. Aáva a mu liilɛingɔ́ɔ́ lé ngáá a mu báha gílii su maa Jísu Kílisitii. Ná vólu, a mu ndá Yála fɛlindái mu lóko langɔ́i ma aa nɔ́ɔ ngáá faa lɛ́ingaani kɛndáá bɛ́kpɛ.

TƐSALÓNIKA HESENDAA GƆLƆÍ 5:15

Wálaa ló ná nuu fíli ɔ́ɔ́ faa ỹɔ́u vóto kúla ngáá fáá ỹɔ́u ɣɛ́ndaa, kɛ́ aá ɣéle, wú ɣɛ́ hɔ́wɔ fíli wáá faa bɔ́wɔ ɣɛ ỹɔw̃ɔ́ ỹɔ́w̃ɔ yɛ́ ɛ́ɣɛ nuu kpɛ́lɛɛ mbɛ́.

HÍBULU 1:14

Kɛ́mbɛ malékaitii kpɛ́lɛɛ tiyá lɔ́ nɔ́ɔ ngáá Ngalángi ỹínangaa ngáá tí ngáá ngi yénge mbelaa áá ti lɔ́ve ngáá ti bɔ́ sítiini mba taá ɣɛ́ náa taa vá ngumaawongí w̃ááhɔlɔma?

HÍBULU 12:25

Wú ndá gí su gíte ngáá wálaa léle wolilóndaa w̃a Ngalá ma lɛ́i áá yɛ́pɛ wú yéle. Sítii ti léleni ngáá tí wólilo ma ná h̃u í ngí lááhingi wóni ngáá ti ye ngelewu taá vélai maa háá bamaí wa í lái ti w̃a. Muỹa ɣéle p̃ɛ́ɛ́ pele guló áá ná mɔɔ́ w̃aavela ná maa léle ngáá a mú wólilo Ngalá ma lɛ́i ngi lááhingi áá gúla ngelegóóh̃u.

NJƆÚ HESENDAA GƆLƆÍ 5:10

Nuí fíli áá ɣɛ laí ngáá Ngalángi H̃íỹɛndou Loí, kɛ maa w̃ɔ́i langɔ́ɔ́ lé ngáá hééle woí sí. Kɛ́ nuí fíli ɛ́i ɣɛ́ lái la, kɛ i Ngalá kɛ́nga ngáá ndɛɛ w̃ɔ́ɔ́ bɔw̃álale maa w̃ɔ́i ɛi ɣɛ laí ngáá hééle woí sí Ngalá ngáá nde kɔwɔ́ato ngi H̃íỹɛndou Loí wa.

NJƆÚ HESENDAA GƆLƆÍ 5:21

Wɛ́i wú ngáá ní léngaa Ngala fái h̃u, a waa báha kpahá faa fíli mba kɔ́wɔ í tóngɔ kɔɔ kɔɔ́ ŋáni haa wa taa ti yeɣé ngáá ngalángaa.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.

FAA YÁKƐ KƆ́LƆI 12:17

Kaalii liiyáw̃al̃angɔ i ɣɛi náá lá nyah̃ápoi w̃á ngwala, náá hááw̃a, i hiɣeí naá nyah̃ápoi vólu ngáá í lí í lápi ngáá ngí léngaitii taa ngí láála lengáitii, ná wáá ngáá, sítii táa híya ngáá Ngalá saváitii ɛ́ɣɛ ti langɔ ngáá tɔɔỹaá gálambongi Jísu í mbóni.

FAA YÁKƐ KƆ́LƆI 14:7

I ndéni woo wála h̃u, i ɣɛ ta, “A wúfe Ngalá má wú ndaaw̃áálɛ bɔw̃álale táingi folongá ma ngáá áá vá nungáitii kpɛ́lɛɛ kɔ́sɔma. A Ngalá fɛ́li lɛ́i í ngeleya, ndɔwɔlɔ́i, yívoi ɛ́ɣɛ njɛitii kpɛ́lɛɛ kpátɛngɔ.”

FAA YÁKƐ KƆ́LƆI 15:4

Yɛ́i yí ngáá Ndemɔí, ele lɔ ɛ́i wúfe í w̃a? Ele lɔ ɛ́i kɛ ɔ́ɔ́ í lɛ́? Í yílaa kpé tɔ́ faa ỹɔ́u áá í h̃ú. Ngeleí sí wuu yélaitii kpɛ́lɛɛ tiyá lɔ́ɔ vá í gákala ti í hɛ́li bɔw̃álale í lélembongi ya ngí ɣɛa ngáá ti ye.”

FAA YÁKƐ KƆ́LƆI 19:9

Kɛ malékai i ɣɛa má, “Sí vɔ́nɛ. ‘Aá lɔ́ ngáá faa vánda sítii faaw̃a tí tí lolínga Mbáálai ỹáh̃a wɔlí kuí w̃a.’ ” Kɛ i mɔ́ɔ ɣɛa má, “Ngoí sítii tiyá lɔ́ɔ ngáá tɔɔỹaá gééla woo áá gúla Ngalá ngéya.”

FAA YÁKƐ KƆ́LƆI 4:10

kele ɣéle mbélaa puú félengɔ maah̃úú nááningɔi nátii taá hítɛ wúmbu yá tíwaa síí w̃ɔ́i hɛ́li í héi masa kpɔ́kpɔngi h̃u, lɛ́i i ndɛɛh̃úi h̃u kúnafɔ taá ngí ndá gúnafɔ. Taá tí w̃ása mbɔ́ɔ́lɔitii kúla wú mba tí pú masa kpɔ́kpɔngi gakála, ti ɣɛ́ ta,