FAA YÁKƐ KƆ́LƆI 18:6 - Kɛ́lɛ Niinaí

⁶ A suuhóu kíli ỹɔu wó kíya nɔ́ɔ jɔ́ í wú h̃úúhou kíli ỹɔu wongɔ́. Sí í kɛ́ngɔ ngáá wú ye, a poto kúlandaa ɣɛ ma féle. Ná ɣɛ́ndai gúlangɔ í ɣɛ́ lá ngáá ndɔɔ yákpangɔ héndaa ngeyá áá nuu hóu. Ndɔí sí yákpangɔ í ɣɛ́ lá í lɔ́ve sí wá í féngɔ nungáitii ngeyá.

FAA YÁKƐ KƆ́LƆI 18:6 Iomraidhean Croise

TÍMOTI GƆ́LƆI HELE KÉLEI 4:14

Alɛsáánda lɛ́i í ngáá kɔlu yengé mɔ́i, i nímih̃angɔ ngwala. Kɛ́ Ndemɔí Ngála pá tɔɔ fáa báma la ma faí sítii fááw̃a í kɛ́nga.

FAA YÁKƐ KƆ́LƆI 13:10

Nuí fíli kpatɛngɔ́ ndaaw̃á ngáá tí sóu, kɛ tí sóu. Nuí fíli pá kpatɛngɔ́ ndaaw̃á ngáá kɛ í ló mbowá hɔ́kpɔ yá, kɛ í ló nga. Ngoí sí lɔ́ ná ngáá í kɛ ngáá háwu Ngalángi vóngaitii ndiilɔ́lɔngɔ í ɣɛ́ lá, ti lɔwɔbáɣangɔ í ɣɛ́ lá Ngála ngéya.”

FAA YÁKƐ KƆ́LƆI 14:10

Ngalangí lííyaw̃al̃ai áá foló ma. Ndiiyaw̃ál̃a wálai ná kulangɔ́ ngáá ndɔɔ yakpangɔ́ wála maa w̃ɔ́i aa kpɛ́lɛɛ kpɔ́le. Sítii kínɛi taa sítii kɛ, tiyá lɔ́ taa maanɔw̃ɔ́ wálai sí yeɣé ngɔmbu hóngi sí yá ɛ́ɣɛ ngɛi w̃ááku nyɔu ỹɔungí áá w̃ɔ́ ngwála kíya nɔ́ɔ fukú i ná hɛ́ɛ́ma w̃álekaitii ɛ́ɣɛ Mbaalaí yaah̃ú w̃a.

FAA YÁKƐ KƆ́LƆI 16:19

Taa walaí sí i wali sú sáwa, taa walá wálaitii kínɛi ti ndɔwɔlɔ vékaitii su ti kpɛ́lɛɛ tí wólo ngóloni. Faa ỹɔ́i sí kínɛi í ɣɛ́i áá ɣɛ́ taí ná h̃u, Ngala ngí giséini ti w̃a. Náá hááw̃a, i ngi lííyaw̃al̃a walaí lɛ́ni taí sí w̃a. Ngi lííyaw̃al̃a walaí ná kúlangɔɔ lé ngáá ndɔɔ yakpángɔ wála kule áá ɣɛ́ nuu w̃á ngáá í kpɛ́lɛɛ kpɔ́le.

FAA YÁKƐ KƆ́LƆI 17:2

Ndɔwɔlɔ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Ngi gɔ́lɔsiyangi i ngélei sí wuu yélaitii sóunga kíya nɔ́ɔ́ ndɔɔ áá nuu hóu ti wú ngángi í vóte ti hítɛ polú.”

FAA YÁKƐ KƆ́LƆI 17:4

Nyah̃ápoi sí w̃ááyilingɔ i ɣɛi lá ngáá kula boolé vóto ngí bíỹangi i su ɛ́ɣɛ kula biỹá, maa vungɔ́ ngáá góóli wɔlingáitii taa kɔtu vandá gúlo gulóaitii táá hólo ɛ́ɣɛ kɔtu wolé pándaitii maa bongóngɔ ngwala. Góóli gɔpungí i ɣɛi ngeyá ndaahéngɔ ngáá ndɔí. Ndɔí ná vá tɔ áá ló ngí yɔ́lɔ háitii fááw̃a ɛ́ɣɛ ngí gɔ́lɔsiyangi.

FAA YÁKƐ KƆ́LƆI 18:20

A gooh̃unɛ́ɛ́ wɛ́i kínɛi wú ngelegóóh̃u, bɔw̃álale Babél̃ɔ i wolóa. A gooh̃unɛ́ɛ́ wɛ́i wú ngáá Ngalángi vóngaitii, ɛ́ɣɛ Ngalángi géélaitii í báha Ngalá ndáá háá lé mbélaitii mba. Faa ỹɔ́i í kɛ́ngɔ ngáá wú ye, Ngala ngí pelé lálanga aáva maa háá bamaí lɔ́ Ngalá ngáá nda ma.