FAA YÁKƐ KƆ́LƆI 18:3 - Kɛ́lɛ Niinaí

³ Taa walaí sí h̃úú háá ỹɔítii ɛ́ɣɛ naa kɔ́lɔsiyangi i hiyangá ndɔwɔlɔ́ vékaitii kpɛ́lɛɛ su kíya nɔ́ɔ ndɔɔ bɔ́lendaa. Ndɔwɔlɔ́ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Yawo w̃ááhiya mbélaitii pa ti ndɔwɔlɔ́i h̃u kpɛ́lɛɛ, ti bátɛa ngi lóngi h̃u í sú ngáá ngeleí sí wuu ỹáákaitii.”

FAA YÁKƐ KƆ́LƆI 18:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 7:25

Ná ɛ́i ɣɛ́ ngáá ná, kɛ ndeé lɔ hɔ́ɔ́ wú lííni tɔmá? Siỹɛ mááyilingɔ vánda wala lɔ wú lííni tɔmá? Wú suuwɔlɔ́ nɔ́ɔ ngáá kɛ nungái sítii taá kula vandá vandaí yíli w̃a tí ndiivó kɛɛ́ wála h̃u taá ɣɛ́ masa pɛ́lɛ wala waláitii mbu.”

TÍMOTI HESENDAA GƆLƆÍ 5:11

Kɛ́ yálaa ponyah̃ái sítii ndaahéingi vɔ́nɛ taa ɣɛ́ ngáá tɛɛniinángaa ponyah̃á gɔ́lɔi h̃u, sífaa, ná siỹɛ séi mɔ́nii áá víli ti lii vólu, taa lókogula Kílisitii hái h̃u.

FAA YÁKƐ KƆ́LƆI 14:8

Kɛ ngí malékai hele kélei lɔ́a ngeleí yá áá góvo. Íwaa ɣɛ́ ta, “Taa walái sí taa tolí ngáá Babél̃ɔ i wolóa bú, taa walá sí i wolóa bú. Taí sí h̃ú gɔ́lɔsiya ngwalaí i ndɔwɔlɔ vékaitii kpɛ́lɛɛ súúỹaaninga. I kɛ́a ngáá háwu ndɔwɔlɔ vékaitii ti ɣɛ́a ngáá kíya nɔ́ɔ nuu áá ndɔ́ɔ yakpángɔ bɔ́le í sóu.”

FAA YÁKƐ KƆ́LƆI 17:2

Ndɔwɔlɔ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Ngi gɔ́lɔsiyangi i ngélei sí wuu yélaitii sóunga kíya nɔ́ɔ́ ndɔɔ áá nuu hóu ti wú ngángi í vóte ti hítɛ polú.”

FAA YÁKƐ KƆ́LƆI 18:19

Tí tutuwángi híyani wú mba, tíwaa wɔ́lɔ ɛ́ɣɛ táá w̃ááw̃aanu, tí ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ nduwá háá wála taa walái sí hááw̃a. Aá lɔ́ ngáá taa walá sítii kínɛi sitímai í tí yaá tí bátɛi ngí bátɛi h̃u. Háwa yiláá ndáá lówah̃u, taa walái sí bátɛi kpɛ́lɛɛ i ỹaaniá.”

FAA YÁKƐ KƆ́LƆI 18:23

Kúnafɔ lámbo fo ngɛi mɔ́ɔ hólo taí ná h̃u. Kúnafɔ nyah̃á wɔ́li kóóh̃unɛɛ ɛi mɔ́ɔ wo na. Naa yáwo w̃aahíya mbélaitii tɔ tí ɣɛ́ngɔ ngáá ngakpa mbélaitii ngélewu. Taí sí h̃u húkɛ gulandái i nungáá kpɛ́lɛɛ ngákpolowanga ngélewu.”

FAA YÁKƐ KƆ́LƆI 18:7

Kɛ ngáá háwu ngi w̃áánɔw̃ɔi ɛ́ɣɛ ngí w̃ááw̃aanui áa ngeɣé í híti ngí wúfemai h̃u í mááhɔlɔngɔ ɛ́ɣɛ ngí líívo kɛi í kɛ́ngɔ. I ɣɛi áá ndé gí ma ngáá aa lɔ́ ngáá ndɔwɔlɔ́ w̃ása ngwala, aa ngáá pónyah̃a aáva áá ndé múl̃ɔ gí ma ngáá maaw̃áánu háá ɛi lá kakála kúnafɔ.

FAA YÁKƐ KƆ́LƆI 18:9

Ndɔwɔlɔ́ w̃ása ngwala walaítii kínɛi tí ngeleí sí wu, tiyɛ́i ti kɛ́a ngáá tí gɔ́lɔsiya mɔ́ɔ ɛ́ɣɛ ti líívo kɛ mɔɔ wala, tiyá lɔ́ɔ vá wɔ́lɔma ɛ́ɣɛ tí w̃ááw̃aanu ná taá ndúúlii lɔ́ áá gúla mɔngí h̃ú taa walaí ná áá ɣɛ́ áá mbó.