FAA YÁKƐ KƆ́LƆI 18:16 - Kɛ́lɛ Niinaí

¹⁶ táá ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ nduwá háá wála taa maaw̃aanú ma taa walái sí hááw̃a kulangɔ́ í ɣɛ́ngɔ lá ngáá nyah̃a ɔ́ɔ́ w̃aayíli ngáá kula boolé vóto ngí bíỹangi i su ɛ́ɣɛ kula biỹá ɛ́ɣɛ kula wolé pánda maa vungɔ́ ngáá góóli wɔlingáitii taa kɔtu vanda gúlo gulóaitii táá hólo ɛ́ɣɛ kɔtu wolé pándaitii maa bongóngɔ ngwala.

FAA YÁKƐ KƆ́LƆI 18:16 Iomraidhean Croise

FAA YÁKƐ KƆ́LƆI 17:3

Hɛ́ɛ́ma Ỹínangi i vuí sú, malékai í lí ngáá ngé ngaalái h̃u. Ngí nyah̃á yílaa tɔ́i na i héini ngakpa súwa biỹangí sí gɔ́ma ngungí i nga wɔféla, ndowói í mba púu. Tɛɣɛsu lááheingaitii kɔwɔ́ato Ngala mba pɔnɛngɔ́ i ɣɛi lá suwaí sí w̃á hááli hááli.

FAA YÁKƐ KƆ́LƆI 17:4

Nyah̃ápoi sí w̃ááyilingɔ i ɣɛi lá ngáá kula boolé vóto ngí bíỹangi i su ɛ́ɣɛ kula biỹá, maa vungɔ́ ngáá góóli wɔlingáitii taa kɔtu vandá gúlo gulóaitii táá hólo ɛ́ɣɛ kɔtu wolé pándaitii maa bongóngɔ ngwala. Góóli gɔpungí i ɣɛi ngeyá ndaahéngɔ ngáá ndɔí. Ndɔí ná vá tɔ áá ló ngí yɔ́lɔ háitii fááw̃a ɛ́ɣɛ ngí gɔ́lɔsiyangi.

FAA YÁKƐ KƆ́LƆI 18:18

tí wɔ́lɔ ná tí taí ná w̃ɔ́ ndúúlii lɔ́i áá gúla ngáá mɔngí taa walái ná í ɣɛ́i áá mbo. Tí woo gúlai tí ɣɛ́ ta, “Nápa taa fíli aa nɛɛ ɣɛi na ɔ́ɔ́ ɣɛ́ ngáá taa walái sí ɣɛ́ kíli ngakpa péle w̃a!”

FAA YÁKƐ KƆ́LƆI 18:19

Tí tutuwángi híyani wú mba, tíwaa wɔ́lɔ ɛ́ɣɛ táá w̃ááw̃aanu, tí ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ nduwá háá wála taa walái sí hááw̃a. Aá lɔ́ ngáá taa walá sítii kínɛi sitímai í tí yaá tí bátɛi ngí bátɛi h̃u. Háwa yiláá ndáá lówah̃u, taa walái sí bátɛi kpɛ́lɛɛ i ỹaaniá.”