Biblia Todo Logo
Bìoball air-loidhne

- Sanasan -




FAA YÁKƐ KƆ́LƆI 18:14 - Kɛ́lɛ Niinaí

14 Yawo wɔ mbélaitii taá ɣɛ́ náa ma, “Ŋani vandáitii kpɛ́lɛɛ í longɔ́ í ɣɛngɔ la, ti guláá í yáá. Í bátɛi kpɛ́lɛɛ ɛ́ɣɛ í líívo kɛi tí guláá í yáá, aáva kúnafɔ yɛ́i mɔ́ɔ́ tí w̃ááhɔlɔ.”

Faic an caibideil Dèan lethbhreac




FAA YÁKƐ KƆ́LƆI 18:14
12 Iomraidhean Croise  

Ná ɛ́i ɣɛ́ ngáá ná, kɛ ndéé lɔ́ hɔ́ɔ́ wú lííni tɔmá? Siỹɛ máá yílingɔ vánda wala lɔ wú lííni tɔmá? Wú súúwɔlɔ nɔ́ɔ ngáá kɛ nungái sítii taá kula vandá vándai yíli w̃a taá ɣɛ́ masa pɛ́lɛ wála waláitii mbu.”


Kɛ́ Ngalá ngi ɣɛi siỹɛndópoi ná w̃a, ‘Tamál̃a mɔ́ɔ́ waa ngáá í ye, kpɔkɔ́i sí kái kái yá lɔɔ wála lɛɛh̃uí w̃a. Kɛ ele lɔ náa í hɔ́lɔ wɔlíngi sí kpɛ́lɛɛ yí ngándɔɔlɔngɔ bɔwɔ́ hááw̃a áá ló ngeyá?’ ”


Kɛ́ Lébilah̃au i kpatɛ w̃ɔ́i woo yápoteni, i ɣɛ ma, ‘Ní lóu, ná h̃u yí ɣɛ́ngɔ ngelewu ndɛɛh̃ú h̃u yí faa vánda vándaitii maahɔ́lɔni yí ɣɛ́i loní la, Lásɔlɔ va faa ỹɔ́itii tɔ í maahɔ́lɔni, kɛ́ sí h̃u aá lɔ náa mbéi ngapɔpɔ́ su, yáa vá yí nduwu ya fuulɛ́ wála h̃u.


Faalɔ, faí sítii kpɛ́lɛɛ ti ɣɛ́ngɔ, tiyá lɔ ngáá tɔmaseí mú haáw̃a ngáá málaa ló ngáá faa ỹɔ́u ɣɛ́ndaa kíya tiyá ti ɣɛ́i na.


Ŋani w̃ɔní aa ɣɛ wú w̃á kɛ́ wɔ́i maahɔ́lɔ, ná va ngáá kɛ náá ngáá háwu wu nuu váa. Nungáá wɔ́li mɔní í víli wu líí vólu kɛ́ wɔ́i maahɔ́lɔ wu kpɔɔlɔ vɛ́lɛ nungáá wa, wu laalɛ́ ti wu ngáá ndapi. Wɛ́i wú líívo fái w̃aahɔ́lɔ bɔw̃álale wɔ́i Ngalá mɔ́ɔ́ni faaw̃a.


Ŋani w̃ááku nɛɛ nɛɛngáitii kíya sɛ́ndi wulɔ í ná taa ti tolí ngáá sínamɔ, ísɛngi, mɛ́i ɛ́ɣɛ filakísɛngi, ná vólu, ndɔí, ngulɔ́i ɛ́ɣɛ ngɛ́ingi ná taa tolí ngáá fuláwai taa biléi bátɛ lá ɛ́ɣɛ mɛɛni sí taa tolí ngáá wíítii ɛ́ɣɛ tóŋaniaitii í báha soítii mba ɛ́ɣɛ ngɛ́ingi sí taa hei su tí píli soí wá ɛ́ɣɛ nduwɔáitii ɛ́ɣɛ nuu búsa, ti yaa mbélaitii taá mɔ́ɔ́ ɣɛi na.


Yawo wɔ mbélai sítii tí bátɛi yawo wɔndái h̃u taa walái ná h̃u, taa ló p̃óuma bɔw̃álale taa ɣɛ́ taá lúwa ngáá tɔɔ maanɔw̃ɔ́i ná tá yéɣe áá wó ngáá taí ná. Taá ɣɛ́ taá wɔ́lɔ táá w̃aaw̃áánu,


Lean sinn:

Sanasan


Sanasan