FAA YÁKƐ KƆ́LƆI 18:11 - Kɛ́lɛ Niinaí

¹¹ Yawo wɔ mbélaitii ti ngélei sí wu, taá wɔ́lɔ tí mɔ́ɔ́ w̃aaw̃áanu faaw̃a bɔw̃álale, nuu fíli ɛi mɔɔ ti yáwo ỹaakaítii ngíya.

FAA YÁKƐ KƆ́LƆI 18:11 Iomraidhean Croise

MÁFIYU 22:5

Kɛ́ sítii í tí lolíni, taá béɣe pílini su, kɛ́ tí liiní waa háá w̃a. Ngiláángi i liiní ngi báálai h̃u, pekaí í lí ngi yáawo ɣɛmái.

NJƆÚ 2:16

Sítii ti ɣɛ́i taá poovóóngai maa híya kɛ i ndéa gíte ti w̃a kpáŋ, i ɣɛ ta, “A ti gúla mbéi wa! A waa ní Kɛ́ɛ́ɣɛ Ngalángi vɛ́lɛi ɣɛ́ ngáá ndɔwɔ́ bála nga!”

PÍTƐ GƆ́LƆI HELE KÉLEI 2:3

Maa lɛɛ gálambo mbo mbelaí sítiini ŋani w̃áálii vílingɔ aa ɣɛ́ lá ngwala ti lii vólu, faale, taá ndɛɛ háá bíh̃i bih̃i sei heínga ngáá kɛinɔɔ́ ti ɣɛ́ taá ŋani w̃ááhɔlɔ su wú yáá. Aáva kaví te náá ti ndá gɔ́sɔngi sí wáálevengɔ ngáá taá vélei ɛ́ɣɛ kɛ kíli ỹaaní íwaa vá wóma ngáá ti ye, aa siɣemá ma.

FAA YÁKƐ KƆ́LƆI 18:15

Yawo wɔ mbélai sítii tí bátɛi yawo wɔndái h̃u taa walái ná h̃u, taa ló p̃óuma bɔw̃álale taa ɣɛ́ taá lúwa ngáá tɔɔ maanɔw̃ɔ́i ná tá yéɣe áá wó ngáá taí ná. Taá ɣɛ́ taá wɔ́lɔ táá w̃aaw̃áánu,

FAA YÁKƐ KƆ́LƆI 18:20

A gooh̃unɛ́ɛ́ wɛ́i kínɛi wú ngelegóóh̃u, bɔw̃álale Babél̃ɔ i wolóa. A gooh̃unɛ́ɛ́ wɛ́i wú ngáá Ngalángi vóngaitii, ɛ́ɣɛ Ngalángi géélaitii í báha Ngalá ndáá háá lé mbélaitii mba. Faa ỹɔ́i í kɛ́ngɔ ngáá wú ye, Ngala ngí pelé lálanga aáva maa háá bamaí lɔ́ Ngalá ngáá nda ma.

FAA YÁKƐ KƆ́LƆI 18:23

Kúnafɔ lámbo fo ngɛi mɔ́ɔ hólo taí ná h̃u. Kúnafɔ nyah̃á wɔ́li kóóh̃unɛɛ ɛi mɔ́ɔ wo na. Naa yáwo w̃aahíya mbélaitii tɔ tí ɣɛ́ngɔ ngáá ngakpa mbélaitii ngélewu. Taí sí h̃u húkɛ gulandái i nungáá kpɛ́lɛɛ ngákpolowanga ngélewu.”

FAA YÁKƐ KƆ́LƆI 18:3

Taa walaí sí h̃úú háá ỹɔítii ɛ́ɣɛ naa kɔ́lɔsiyangi i hiyangá ndɔwɔlɔ́ vékaitii kpɛ́lɛɛ su kíya nɔ́ɔ ndɔɔ bɔ́lendaa. Ndɔwɔlɔ́ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Yawo w̃ááhiya mbélaitii pa ti ndɔwɔlɔ́i h̃u kpɛ́lɛɛ, ti bátɛa ngi lóngi h̃u í sú ngáá ngeleí sí wuu ỹáákaitii.”

FAA YÁKƐ KƆ́LƆI 18:9

Ndɔwɔlɔ́ w̃ása ngwala walaítii kínɛi tí ngeleí sí wu, tiyɛ́i ti kɛ́a ngáá tí gɔ́lɔsiya mɔ́ɔ ɛ́ɣɛ ti líívo kɛ mɔɔ wala, tiyá lɔ́ɔ vá wɔ́lɔma ɛ́ɣɛ tí w̃ááw̃aanu ná taá ndúúlii lɔ́ áá gúla mɔngí h̃ú taa walaí ná áá ɣɛ́ áá mbó.