FAA YÁKƐ KƆ́LƆI 17:8 - Kɛ́lɛ Niinaí

⁸ Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 17:8 Iomraidhean Croise

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:20

Kɛ́ ná fíli su, a waá gooh̃unɛ́ɛ ngáá sífaa sí fíli wáá nde ỹína nyɔítii ma taá kɛ. Kɛ́ wá ɣéle, a gooh̃unɛ́ɛ sífaa wá lɔ́ náá kpaɣaí sí h̃u nungái sítii ndiiwáá táá ɣɛ́ ngelegóóh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:31

Kɛ ỹína nyɔítii ti Jísu w̃aanɛ́ɛ́nɛnga ká ká ngáá álaa ti lɔ́ve njahááma.

NJƆÚ 17:24

Kɛɛɣɛ́, ndóngɔɔ lé pólu yélai sítii yí ti hengɔ́ ngéya ti ɣɛ́ mbéi ngí na, kɛinɔɔ́ ti ní wúfema walaí lɔ, ngufema wálai sí í héngɔ mbɛ́ sífaa, yí lóngɔ ngáá ngé p̃ɛ́ɛ́ ngetéyangi ɔ́ɔ́ ɣɛ́a batɛ́.

TI GƐ́Ɛ́ HAÍTII 15:18

nungáitii ti ɣɛ́i faa wɔ́lɔ faí sítii mba wɔ́lɔ kpɔ́lɔɔ.’ ”

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

TÁITƆ 1:2

Ná ná áá ɣɛ́, kitomái áá ɣɛ́ tí wa kúnafɔ lɛ́ɛ́h̃ui hááw̃a Ngala lɛ́i ɛ́i ndɛɛ gɔ́ɔ́la í máá gúúlombongɔ p̃ɛ́ɛ́ ngetéyangi ɔ́ɔ́ ɣɛ́a batɛ́.

PÍTƐ HESENDAA GƆLƆÍ 1:20

Ngalá ngɔ́ɔ́ ɣɛ́ p̃ɛ́ɛ́ í ngeleí sí wu bátɛ, i ɣɛi náa lokoloní Kílisitii wa ngáá ɔ́ɔ́ vá í wú wúmaawo. Kɛ́ ngapúmaa yeteyangi sí h̃u, i kulaá kɛlɛ́ma ngeleí sí wu wú hááw̃a.

FAA YÁKƐ KƆ́LƆI 11:7

Ná taa víla Ngala ndáá háá léma, ngakpa súwai sí áá gúla ndowái sí h̃u kpu ngáá mba, aa lapi ngáá ti ye, í hómbo ti w̃a, í tí váá.

FAA YÁKƐ KƆ́LƆI 17:11

Ngakpa súwai sí ndɛɛh̃ú í ɣɛ́ngɔ su kɛ́ aa mɔɔ ndɛɛh̃ú h̃ú. I ɣɛngɔ́ ngáá masa ngɔ́felangɔi ti tá, kɛ́ aa lɔ́ vá í ɣɛ́ ngáá masangí wahákpa kélei aáva aa li mbéi áá saa w̃ááhɔlɔ na.

FAA YÁKƐ KƆ́LƆI 17:2

Ndɔwɔlɔ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Ngi gɔ́lɔsiyangi i ngélei sí wuu yélaitii sóunga kíya nɔ́ɔ́ ndɔɔ áá nuu hóu ti wú ngángi í vóte ti hítɛ polú.”

FAA YÁKƐ KƆ́LƆI 20:10

Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.

FAA YÁKƐ KƆ́LƆI 20:12

Kɛ ngí sítii tɔ́a ti háángɔ, sítii ti ɣɛ́i ngáá ndaahéi mbá yélaa ɛ́ɣɛ sítii táá ɣɛ́i ngáá ndaahéi mba yélaa, ti lóóni masa kpɔ́kpɔngi gákala. Kɔlɔí sítii saa yélai ti gɛ́ɛ́ haí ɛ́ɣɛ ti híya gílii vɔ́nɛngɔ ti h̃u, tí tí laawóni, ti mɔ́ɔ kúnafɔ lɛ́ɛ́h̃u gɔ́lɔi laawó. Tí sáá yelái kɔsɔ́ni ngáá ti híya gílii ɛ́ɣɛ ti gɛ́ɛ́ hai kíya pɔnɛngɔ́ í ɣɛ́i la maa gɔ́lɔitii su.

FAA YÁKƐ KƆ́LƆI 20:15

Sítii ti laahéingi vɔnɛ́ngɔ áá ɣɛ́i la kúnafɔ lɛ́ɛ́h̃u gɔ́lɔi h̃u tí tí vílini ngɔmbu hó ngwálai sí ya.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 3:5

Wɛ́i wú ndái áá ndoma, wú w̃ááyilingɔ lɔ́ɔ ɣɛ́ lá kúla woléngi h̃u h̃íí na. Ngɛ́i mɔ́ɔ́ wú lááheingaitii kula kúnafɔ lɛ́ɛ́h̃u gɔlɔí h̃u. Ngáá ló ní kɛ́ɛ́ɣɛ yááh̃u taá ngi w̃álekaitii ngí ndé kpál̃au ngáá kɛ wá lɔ́ ngáá ní vóngaa.