FAA YÁKƐ KƆ́LƆI 17:6 - Kɛ́lɛ Niinaí

⁶ Nyah̃ápoi sí i ɣɛi Ngalangí vóngai ti ỹááw̃ɔi bɔ́lei ɛ́ɣɛ sítii tí tí vááni bɔw̃álale ti ɣɛ́i lái ngáá Jísu. Ti ỹááw̃ɔi i nyah̃ápoi ná hóuni kíya nɔ́ɔ ndɔɔ áá nuu hóu. Ná ngí tɔ́i, i kíndaa vílini ngwala.

FAA YÁKƐ KƆ́LƆI 17:6 Iomraidhean Croise

NJƆÚ 2:10

í yɛ́pɛ ngelé i ɣɛ ma, “Nuu áá va ngáá ndɔí sí hése pangɔ ná naá nungái taa ɣɛ́ ndɔí bɔ́lei ká ká, nuu áá vá náá ngáá ndɔí sí ngakpangɔ́ ɛ́i ɣɛ́ la. Kɛ́ yí ndɔɔ vandái lónga vólo h̃u í ló su sí h̃uí í fólo!”

TI GƐ́Ɛ́ HAÍTII 22:20

Aáva ná ti ɣɛ́i taá Sitívi vaa lɛ́i ɔ́ɔ́ faa lé nungái ma kɔwɔ́ato í wá, ngí ɣɛ́i na aáva ngí luw̃á ma ngáá tí páa. Ná vólu, ngí ɣɛ́i ngáá nungái nátii ti lóma maah̃u lómangaitii maah̃u béle tiyɛ́i ti ɣɛ́i taá paa.’

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.

FAA YÁKƐ KƆ́LƆI 13:15

Ngala ngí béni ngakpa súwai hele kélei sí wá ngáá í ndɛɛh̃u vú kɔɔ kɔ́ɔ́ ŋáni sí h̃u tí kpátɛi kulangɔ́ ngáá hésendaa yakpa súwai kɛinɔɔ́ i hómbo í bɔ́ɔ́lɔ ɛ́ɣɛ í sítii páa tɛ́i ɣɛ́ kɛ́i tɔ́ɔ fɛli ngáá ti yála.

FAA YÁKƐ KƆ́LƆI 13:7

Ngakpa ngí ɣɛ́i súwai sí yáá táingi sí laa lówah̃u ngáá í lápi ngáá Ngalá ngí vóngaitii í hómbo tí w̃a. Ngakpa ngí ɣɛi ngeyá mɔ́ɔ híítii maah̃u tiyɛ́i taá híí woítii nde bɛ́kpɛ tí gúlangɔ paatiitíí su tí ndɔ́wɔlɔ kpɛ́lɛɛ sú.

FAA YÁKƐ KƆ́LƆI 16:6

Nungái sítii tɔ wɔ́lɔ ti Ngalángi vóngaitii ɛ́ɣɛ Ngalá ndáá háá lé mbélaitii paaní. Náá hááw̃a, yí faa bámai sí lánga ti w̃a tíwaa ŋaaw̃ɔ́i sí bɔ́le. Sí kúle í má í lá tí w̃a, aá lɔ́ áá lá tí w̃a!”

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.