FAA YÁKƐ KƆ́LƆI 17:5 - Kɛ́lɛ Niinaí

⁵ Ndaahéi pɔ́nɛngɔ i ɣɛi lá nyah̃ápoi sí lávala, nuu áá ɣɛ́i mbuuwɔlɔ́ ná wáá ngáá, “Babél̃ɔ laa walaí, lɛ́i ngi hái gúlangɔ ngáá nyah̃ái áá ɣɛ́ ngáá kɔlɔsiyá mbélaitii kpɛ́lɛɛ ti njéé lɛ́i í ngáá njɔlɔ háitii kpɛ́lɛɛ ngungi ngélewu.”

FAA YÁKƐ KƆ́LƆI 17:5 Iomraidhean Croise

FÉLEPA 3:19

Tiyá lɔɔ vá liimá njahááma bɔw̃álale, ti ndá yálangi waa ngáá, sí ti longɔ́ lá ti luwúi hááw̃a ɛ́ɣɛ ngetéyangi h̃uu háitii. Taá h̃uubákpa ngáá sí kule í ti w̃a ti wúfe lá.

TƐSALÓNIKA GƆ́LƆI HELE KÉLEI 2:7

Kpindí h̃úú hái nyaamái í su aá lɔ náá áá ɣɛ́ kílii. Kɛ́ sí kái kái pá kule í ma í ɣɛ́, ɛi ɣɛ í ló su kpóloo nuí ná toko í lái maa hái lúwɔ tí kúla naa lúwɔ.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 11:8

Aáva ti vúw̃aitii taá ɣɛ́ láá lááni pele walái w̃a taa walái sí h̃u tí tí Lemɔ́i Jísu bakpáni na kulɔsíi w̃a. Aáva naa gúlangɔ i ɣɛi la ngáá Sɔ́dɔu ɛ́ɣɛ Íjepi.

FAA YÁKƐ KƆ́LƆI 14:8

Kɛ ngí malékai hele kélei lɔ́a ngeleí yá áá góvo. Íwaa ɣɛ́ ta, “Taa walái sí taa tolí ngáá Babél̃ɔ i wolóa bú, taa walá sí i wolóa bú. Taí sí h̃ú gɔ́lɔsiya ngwalaí i ndɔwɔlɔ vékaitii kpɛ́lɛɛ súúỹaaninga. I kɛ́a ngáá háwu ndɔwɔlɔ vékaitii ti ɣɛ́a ngáá kíya nɔ́ɔ nuu áá ndɔ́ɔ yakpángɔ bɔ́le í sóu.”

FAA YÁKƐ KƆ́LƆI 16:19

Taa walaí sí i wali sú sáwa, taa walá wálaitii kínɛi ti ndɔwɔlɔ vékaitii su ti kpɛ́lɛɛ tí wólo ngóloni. Faa ỹɔ́i sí kínɛi í ɣɛ́i áá ɣɛ́ taí ná h̃u, Ngala ngí giséini ti w̃a. Náá hááw̃a, i ngi lííyaw̃al̃a walaí lɛ́ni taí sí w̃a. Ngi lííyaw̃al̃a walaí ná kúlangɔɔ lé ngáá ndɔɔ yakpángɔ wála kule áá ɣɛ́ nuu w̃á ngáá í kpɛ́lɛɛ kpɔ́le.

FAA YÁKƐ KƆ́LƆI 17:1

Kɛ malékaa ngɔ́felangɔi páni ngɔ́felangɔi í ɣɛ́i ti yaá ngilángi i vaá, i ɣɛ má, “Vá, ngí fáá bámai ɣɛ́ ngáá í ye áá vá láma kɔlɔsiyá mɔ́ɔ́ walaí sí w̃á, ná wáá ngáá, taa walái ná tongɔ́ njɛ bíh̃i kpih̃ingi béla.

FAA YÁKƐ KƆ́LƆI 17:2

Ndɔwɔlɔ w̃ása ngwala waláitii tí kɛ́a ngáá ti gɔ́lɔsiya mɔ́ɔ. Ngi gɔ́lɔsiyangi i ngélei sí wuu yélaitii sóunga kíya nɔ́ɔ́ ndɔɔ áá nuu hóu ti wú ngángi í vóte ti hítɛ polú.”

FAA YÁKƐ KƆ́LƆI 17:7

Kɛ malékai i mɔ́ɔnia, i ɣɛ má, “Ndeé le í kíndaa vílingɔ? Nyá ngáá ndɔɔwu h̃u hái sí wúi ɣɛ́ ngáá í ye kɔwɔ́ato nyah̃ápoi wá ɛ́ɣɛ ngakpa súwai sí ngungi í ngá wɔféla ndowo púúngɔi í mbá áá lííla.

FAA YÁKƐ KƆ́LƆI 18:2

I woo gúlani, i ɣɛ ta, “I wolóa bú. Taa walaí sí taa tolí ngáá Babél̃ɔ i wolóa bú. I ɣɛa ngáá ỹína nyɔ́u ỹɔungáitii tí láá h̃u. Ngafuw̃angái ɛ́ɣɛ w̃ɔní ỹɔú ỹɔ́ungaitii tééle lɔ tí ná.

FAA YÁKƐ KƆ́LƆI 18:21

Kɛ ngakpa máleka wala yiláá i vaa, í kɔ́tu ỹííngɔ wála yiláá ngéɣe í píli yívoi wu, i ɣɛ ta, “Ngimɔ́ɔ́ taa walái sí Babél̃ɔ áá vá wólama bú kúnafɔ nuu ɛ́i mɔ́ɔ ɣɛ na.

FAA YÁKƐ KƆ́LƆI 19:2

Ngi háá waalévendai aa ɣɛ ngáá tɔɔỹaá ɛ́ɣɛ telembo. I kɔlɔsiyá mɔ́ɔ walaí sí wáálevea ngáá kɛ aa veléi bɔw̃álale i ngeleí sí wuu ỹáánia ngáá ngí gɔ́lɔsiyangi. Ngalá tɔɔ́ faa bá ndáma, bɔw̃álale, i Ngalangí yénge mbélaitii paangɔ́.”

FAA YÁKƐ KƆ́LƆI 7:3

Malékai ná i ɣɛi áá ɣɛ́ ta, “Waa nɛ́ɛ́ faá ɣɛ́ ngáá ndɔwɔlɔ́i sí ɛ́ɣɛ yívoi taa ngulúitii, í ló su kpóloo ní tokovongí vú Ngalángi yénge mbeláitii tavála.”