FAA YÁKƐ KƆ́LƆI 17:3 - Kɛ́lɛ Niinaí

³ Hɛ́ɛ́ma Ỹínangi i vuí sú, malékai í lí ngáá ngé ngaalái h̃u. Ngí nyah̃á yílaa tɔ́i na i héini ngakpa súwa biỹangí sí gɔ́ma ngungí i nga wɔféla, ndowói í mba púu. Tɛɣɛsu lááheingaitii kɔwɔ́ato Ngala mba pɔnɛngɔ́ i ɣɛi lá suwaí sí w̃á hááli hááli.

FAA YÁKƐ KƆ́LƆI 17:3 Iomraidhean Croise

MÁFIYU 27:28

Tí ngí gúlai gúla ma, tí kula biỹá pú ma.

TI GƐ́Ɛ́ HAÍTII 8:39

Ná ti gúlani njɛí wu, naa yaah̃ú w̃á nɔ́ɔ, Ndemɔí Ngalángi Hɛ́ɛ́ma Ỹínangi i Félepi gúlani náa naa wa aáva Ítiyopiya w̃ɔí ná vá aa mɔɔ tɔní. Kɛ́ Ítiyopiya w̃ɔí ná i ɣɛi áá lí ngáá gooh̃unɛ́ɛ.

TƐSALÓNIKA GƆ́LƆI HELE KÉLEI 2:4

Aa ŋani kpɛ́lɛɛ fɛ́lindaa h̃uuh̃ándɛ ɛ́ɣɛ sítii kpɛ́lɛɛ pá nuu áá ɣɛ́ ta ngakpá tɔ ti h̃u ti hɛ́li fáá h̃u. Aa bɔwɔ́ yá kɛ baí ngákpa fáá kpɛ́lɛɛ mááh̃u, ná vólu, aa li bɛ́lɛ p̃ɛ́ɛ́ Hɛ́ɛ́ma Yála Pɛ́lɛi wu, í héi na, í bɔ́wɔ gúla ngáá Ngalá.

FAA YÁKƐ KƆ́LƆI 1:10

Ná í ɣɛ́i ngáá Tɛnɛ́mai, Hɛ́ɛ́ma Ỹínangi i vúni sú, kɛ ngí ngóó wála ỹɛ́ninga ngáá pólu véle kíya nɔ́ɔ taá búlu wála hɛ́.

FAA YÁKƐ KƆ́LƆI 12:14

Kɛ́ tí kóɣɛ govó ngwála wala félengɔ héni nyah̃ápoi yáá ngáá í góvo la í lí ngaalaí h̃ú, mbéi Ngala ngí náá bátɛni mbɛ ngáá í ló ná fowó sáángɔ ɛ́ɣɛ síkpɛ fááw̃a, Ngalá ngááyaa maah̃ú béle. Aáva kaalii sí ɛi foló ma.

FAA YÁKƐ KƆ́LƆI 12:3

Kɛ káámaa haa veka i mɔɔ ɣɛa ngeleí yá. Kaali bíỹa ngwála i ɣɛi ngeleí yá. Ngungí i ɣɛi nga wɔféla, ndowói i ngú mba púu. Masa mbɔ́ɔ́lɔi i ɣɛi ngungí nátii kpɛ́lɛɛ má ngáá ngilá ngíla.

FAA YÁKƐ KƆ́LƆI 12:6

Nyah̃ápoi sí í w̃aavelái, í lí ngaalaí h̃u mbéi Ngala ngí náá bátɛi mbɛ ngáá í ló ná. Naa lɔ í loí ná Ngalá ngáá mááh̃u belé foló tásu ngíla hɔ́ndɔ félengɔ púu ngɔ́hitangɔ (1,260) hááw̃a.

FAA YÁKƐ KƆ́LƆI 17:18

Nyah̃ápoi sí yí tɔ́ngɔ áa lɔ́ í lói taa walaí sí hááw̃a ngáá ndɔwɔlɔ́ w̃ása ngwala í ndɔwɔlɔ w̃ása ngwala waláitii kpɛ́lɛɛ mááh̃u ngeleí sí wu.”

FAA YÁKƐ KƆ́LƆI 17:4

Nyah̃ápoi sí w̃ááyilingɔ i ɣɛi lá ngáá kula boolé vóto ngí bíỹangi i su ɛ́ɣɛ kula biỹá, maa vungɔ́ ngáá góóli wɔlingáitii taa kɔtu vandá gúlo gulóaitii táá hólo ɛ́ɣɛ kɔtu wolé pándaitii maa bongóngɔ ngwala. Góóli gɔpungí i ɣɛi ngeyá ndaahéngɔ ngáá ndɔí. Ndɔí ná vá tɔ áá ló ngí yɔ́lɔ háitii fááw̃a ɛ́ɣɛ ngí gɔ́lɔsiyangi.

FAA YÁKƐ KƆ́LƆI 18:12

Nuu fíli ɛi mɔɔ ɣɛ na ɔ́ɔ́ tí yáwo vanda ỹáákai sítii ngíya kíya góóli í na ɛ́ɣɛ kɔlu woléngi sí taa kpátɛ ngáá naholói. Ná vólu, kɔtu vánda gúlo gulóitii taa hólo ɛ́ɣɛ kɔtu wolé pándaitii maa bongongɔ wala ngiyáa mbélaa tɛ́i mɔ́ɔ́ ɣɛ na. Kula boolé vóto ngí bíỹangi i su, ɛ́ɣɛ kula biỹángi taa hɛ́mgbɛ gúlaitii ɛ́ɣɛ kula vanda vékaitii ti h̃ɔ́w̃ɔ bangɔ́ í báha náa ngulú vándai sítii mba taa ngulú yéngengi wó la, ɛ́ɣɛ ŋaniáitii taa kpátɛ ngáá selé láángɔluitii, ti mɔ́ɔ́ kpatɛ ngáá ngulú vándaitii ɛ́ɣɛ sítii taa kpátɛ ngáá kɔluí ɛ́ɣɛ báhi gɔ́lu ɛ́ɣɛ kɔtu woléngaitii, ti yáá mbélaa tɛ́i mɔ́ɔ́ ɣɛ na.

FAA YÁKƐ KƆ́LƆI 18:16

táá ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ nduwá háá wála taa maaw̃aanú ma taa walái sí hááw̃a kulangɔ́ í ɣɛ́ngɔ lá ngáá nyah̃a ɔ́ɔ́ w̃aayíli ngáá kula boolé vóto ngí bíỹangi i su ɛ́ɣɛ kula biỹá ɛ́ɣɛ kula wolé pánda maa vungɔ́ ngáá góóli wɔlingáitii taa kɔtu vanda gúlo gulóaitii táá hólo ɛ́ɣɛ kɔtu wolé pándaitii maa bongóngɔ ngwala.

FAA YÁKƐ KƆ́LƆI 21:10

Hɛ́ɛ́ma Ỹínangi i vuí sú, malékai í lí ngáá ngé ngihé ngwálai wú mba. Í Hɛ́ɛ́ma Láá Wálai Jɛlúsɛl̃ɛ ɣɛ ngáá nge áá gúla ngelegóóh̃u Ngalá ngéle.

FAA YÁKƐ KƆ́LƆI 4:2

Ngáma nɔ́ɔ kɛ Hɛ́ɛ́ma Ỹínangi i vúnga sú, ngí ngelegóóh̃u lɔ masa ngwálai bɔ́kpɔngi i na nuí tá i héini su.