FAA YÁKƐ KƆ́LƆI 17:16 - Kɛ́lɛ Niinaí

¹⁶ Ndowó púúngɔitii yí tɔ́ngɔ ɛ́ɣɛ ngakpa súwai tiyá lɔ́ɔ vá hilíma ngáá kɔlɔsiyá mɔ́ɔ́ walaí sí, ti ngeyá ỹááka kpɛ́lɛɛ kúla ngeyá, tí maaỹaaká ló. Tiyá lɔ́ɔ nduwú yói ỹɛ ma ti mɔ́ɔ́ mɔ́ ngɔmbuí ya.

FAA YÁKƐ KƆ́LƆI 17:16 Iomraidhean Croise

FAA YÁKƐ KƆ́LƆI 12:3

Kɛ káámaa haa veka i mɔɔ ɣɛa ngeleí yá. Kaali bíỹa ngwála i ɣɛi ngeleí yá. Ngungí i ɣɛi nga wɔféla, ndowói i ngú mba púu. Masa mbɔ́ɔ́lɔi i ɣɛi ngungí nátii kpɛ́lɛɛ má ngáá ngilá ngíla.

FAA YÁKƐ KƆ́LƆI 16:12

Kɛ malékai wɔhíta kélei i vaa í ngí ndá váningi h̃u háá bamaí vú njɛ wálai sí yá taa tolí ngáá Yufuleti. Njɛ wáalai ná i yɛɛlii kɛinɔɔ́ ndɔwɔlɔ w̃ásangai sítii táá gúla ngáá foló gúla máa veleí h̃úú véle tí pele w̃ááhɔlɔ.

FAA YÁKƐ KƆ́LƆI 17:10

Ndɔ́ɔ́lungɔitii ti vílaa ti w̃ásandai ɣɛ́ma tí há. Ngilángi lɔ́ náá í masandái h̃u. Ngapúmaa w̃ɔ́i aa nɛɛ ngí ndá w̃ásandai lɔ́kula héini, kɛ́ ná áá tɔ́kula héi, suu ɛ́i ɣɛ́ gooh̃á.

FAA YÁKƐ KƆ́LƆI 18:19

Tí tutuwángi híyani wú mba, tíwaa wɔ́lɔ ɛ́ɣɛ táá w̃ááw̃aanu, tí ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ nduwá háá wála taa walái sí hááw̃a. Aá lɔ́ ngáá taa walá sítii kínɛi sitímai í tí yaá tí bátɛi ngí bátɛi h̃u. Háwa yiláá ndáá lówah̃u, taa walái sí bátɛi kpɛ́lɛɛ i ỹaaniá.”

FAA YÁKƐ KƆ́LƆI 18:8

Ngí yóngangi sí hááw̃a, aa seebɛní ngaa mááw̃aanu w̃ááhɔlɔ ɛ́ɣɛ ndɔlɛ í sóu foló yíla kpéi ma, i mɔ́ɔ w̃ɔ́ ngɔmbu yá, bɔw̃álale Ndemɔí Ngalá lɛ́i áá kɔ́sɔ áá lɔ́ ngáá ngakpa mɔ́ɔ wala.”

FAA YÁKƐ KƆ́LƆI 19:18

A vá, wú sítii tí háángɔ wú ti yóitii mɛ, ná wáá ngáá, ndɔwɔlɔ́ w̃ásangaitii ɛ́ɣɛ sóyai ti núú wala waláitii ɛ́ɣɛ sóyaitii taa tí hóitii ɛ́ɣɛ tí híya mbélaitii ɛ́ɣɛ nuu kpɛ́lɛɛ, ná wáá ngáá, sítii ti ngáá nduwɔá ɛ́ɣɛ sítii taa ngáá nduwɔá í báha sítii mba ti ngáá ndaahéi mbá yélaa ɛ́ɣɛ sítii taa ngáá ndaahéi mbá yélaa.”