FAA YÁKƐ KƆ́LƆI 17:12 - Kɛ́lɛ Niinaí

¹² Ndowo púúngɔitii yí tí lɔngɔ́, tiyá lɔ́ ti lói ndɔwɔlɔ w̃ása ngwala waláitii fááw̃a kɛ́ taa nɛ́ɛ́ masandái lɔkúla héini. Tiyá lɔ́ vá ngakpá sɔ́lɔma ti ɣɛ́ ngáá ndɔwɔlɔ w̃ása ngwala wala í báha ngakpa súwai sí wá háwa yiláá ndáá lówah̃u.

FAA YÁKƐ KƆ́LƆI 17:12 Iomraidhean Croise

FAA YÁKƐ KƆ́LƆI 10:11

Kɛ ti mɔ́ɔ ɣɛa má, “Lí, yí Ngála ndáa háá lé múl̃ɔ ndɔwɔlɔ w̃ása ngwala waláitii ma ndɔwɔlɔ kpɛ́lɛɛ su, ti híítii ma ɛ́ɣɛ ti laawóitii su.”

FAA YÁKƐ KƆ́LƆI 12:3

Kɛ káámaa haa veka i mɔɔ ɣɛa ngeleí yá. Kaali bíỹa ngwála i ɣɛi ngeleí yá. Ngungí i ɣɛi nga wɔféla, ndowói i ngú mba púu. Masa mbɔ́ɔ́lɔi i ɣɛi ngungí nátii kpɛ́lɛɛ má ngáá ngilá ngíla.

FAA YÁKƐ KƆ́LƆI 13:1

Kɛ ngí ngákpa súwa wala yilá tɔ́a áa gúla yívoi wú. Ngungí i ngá wɔféla, ndowói i ngu mbá púu. Masa mbɔ́ɔ́lɔi i ndowó púúngɔi nátii ma ngáá ngiláá ngílaa p̃ɛ́ɛ́. Tɛɣɛsu lááheingaitii kɔwɔ́ato Ngalá mbá, pɔnɛngɔ́ ngungí nátii ma ngáá ngiláá ngílaa.

FAA YÁKƐ KƆ́LƆI 17:16

Ndowó púúngɔitii yí tɔ́ngɔ ɛ́ɣɛ ngakpa súwai tiyá lɔ́ɔ vá hilíma ngáá kɔlɔsiyá mɔ́ɔ́ walaí sí, ti ngeyá ỹááka kpɛ́lɛɛ kúla ngeyá, tí maaỹaaká ló. Tiyá lɔ́ɔ nduwú yói ỹɛ ma ti mɔ́ɔ́ mɔ́ ngɔmbuí ya.

FAA YÁKƐ KƆ́LƆI 18:10

Taa ló p̃óuma bɔw̃álale taa ɣɛ́ taa lúwa ngáá tɔ́ɔ́ ngí w̃áánɔw̃ɔi tá yéɣe, táá ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ ndúwa háá wála ngáá Ngalá ngáá ngakpa táá walaí sí Babél̃ɔ woló nɔ́ɔ háwa yílaa ndáá lówah̃u ngí háá ỹɔítii fááw̃a!”

FAA YÁKƐ KƆ́LƆI 18:17

Háwa yiláá ndáá lówah̃u, ngi bátɛ walaí kpɛ́lɛɛ i ỹaaniá.” Sitíma hiya mbélaitii kpɛ́lɛɛ í báha yawo w̃ááhiya mbélaitii ɛ́ɣɛ njɛ ya ngénge mbeláitii kínɛi ɛ́ɣɛ sitímai h̃u yélaitii tí lói p̃óuma,

FAA YÁKƐ KƆ́LƆI 18:19

Tí tutuwángi híyani wú mba, tíwaa wɔ́lɔ ɛ́ɣɛ táá w̃ááw̃aanu, tí ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ nduwá háá wála taa walái sí hááw̃a. Aá lɔ́ ngáá taa walá sítii kínɛi sitímai í tí yaá tí bátɛi ngí bátɛi h̃u. Háwa yiláá ndáá lówah̃u, taa walái sí bátɛi kpɛ́lɛɛ i ỹaaniá.”